Якая мэта іхнае перадысьлякацыі?

205-я асобная мотастралковая казачая брыгада, або в/ч 74814, дысьлякуецца ў г. Будзёнаўск Стаўрапольскага краю, РФ. У склад падразьдзяленьня ўваходзяць некалькі батальёнаў мотастралкоў, мэдычная рота, камэнданцкі ўзвод, батальён сувязі і гаспадарчага забесьпячэньня. Маладыя вайскоўцы расейскай арміі, якія нядаўна падпісалі кантракт, прагнуць бою…

Камэнтар «Контракт одобрен поехали» (рас.) Аляксандра Манджыева пад фатаздымкам, зробленым падчас акупацыі Крыма, вельмі добра сьведчыць пра задачы й мэты расейскіх жаўнераў.

Фота Манджыева з сваімі таварышамі ў службе, зробленае ля ўваходу ў вайсковы інтэрнат №7 вайсковае часткі 74814 ў г. Будзёнаўску.

Фота Рустама Акчурына з камэнтаром «Контрабасы» (рас., гэтак у расейскай арміі называюць жаўнераў-кантрактнікаў).

«Дамой?» – запыталі ў камэнтары пад фатаздымкам, «нет, в Ростовскую область» – адказвае Рустам Акчурын.

Фота на тле вайсковай тэхнікі, зробленае на чыгуначнай станцыі Мацьвееў Курган, Растоўская вобласьць, за 15 км ад мяжы з акупаванай часткаю Данецкай вобласьці Украіны (47.563774, 38.861001).

Жаўнеры Акчурын і Манджыеў у вайсковым інтэрнаце сьвяткуюць атрыманьне свайго новага статусу – «кантрактнік».

Летняе фота Рустама Акчурына на тле лёгкага браняванага транспортэру (МТ-ЛБ) з тактычным знакам “квадрат у коле”, які сьведчыць пра прыналежнасьць да 205-й АМСБр.

У сьнежні 2016 году валянтэры супольнасьці InformNapalm выявілі фотасьведчаньні прыбыцьця эшалёнаў з расейскай вайсковай тэхнікай у г. Таганрог Растоўскае вобласьці. У фота на чыгуначных  плятформах зафіксаваныя самаходныя гаўбіцы 2С19 «Мста-С» і танкі Т-90.

#Таганрог #эшелон МСТА-С какое-то дежавю уже pic.twitter.com/umYvpPJHQv

— Victory Krm (@KrmVictory) 20 декабря 2016 г.

#Таганрог, эшелон
Новое поступление танчиков Т-90#Ukraine #Siria #Today #war #russia #ихтамнет pic.twitter.com/tlCwo8zjca

— Видаль Сорокин ✌ (@VidalSorokin) 15 декабря 2016 г.

У фота, выкладзеным 20 сьнежня 2016 году, можна пабачыць эшалён зь вялікай колькасьцю расейскіх танкаў Т-72Б3.

У групе «Мой Таганрог» сацсеціва «VK» выкладзены фатаздымак, у якім зафіксаваная іншая частка гэтага ж эшалёну з вайсковай тэхнікай.

Зазначым фота, у якіх можна пабачыць расейскія 152-мм самаходныя гаўбіцы 2С19 «Мста-С». Усе маюць бартавыя шасцісотыя нумары. А на САУ з нумарам «642» нанесены тактычны знак «квадрат у коле», пра які вялося вышэй.

З групы сацсеціва «VK» «205 ОМСБр 2ГСАДн» было ўзятае фота для параўнаньня самаходнай гаўбіцы «Мста-С» з нумарам 643, якая таксама зафіксаваная ў фота на чыгуначнай плятформе ў эшалёне.

Кожны можа зрабіць сваю выснову. Але пытаньне застаецца адкрытым, навошта расейскія кантрактнікі з г. Будзёнаўск Стаўрапольскага краю РФ перадысьлякаваліся на чыгуначную станцыю Мацьвееў-Курган Растоўскае вобласьці? Ніякіх вайсковых палігонаў там паблізу няма, то бок кантрактнікі з узбраеньнем і тэхнікай прыбылі да мяжы з акупаванай часткаю Украіны не для ўдзелу ў вышкалах.

Вайскоўцы 205-й АМСБр ужо неаднойчы фігуравалі ў матар’ялах расьледаваньняў што да фактаў вайсковага ўварваньня на тэрыторыю Украіны:

Расейскія «апалчэнцы»-кантрактнікі 205-й МСБ ва Украіне

«Дэсэптыконы» з СПА РФ на Данбасе. Хто зьбіваў украінскую авіяцыю

Патаўраваныя вайсковыя злачынцы ЗС РФ. База дадзеных і відэаграфіка

Матар’ял падрыхтаваў Відаль Сарокін.

Пераклаў на беларускую мову Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Заклікаем чытачоў актыўна пашыраць нашыя публікацыі ў сацыяльных сетках, на форумах і СМІ. Наданьне матар’ялам расьледаваньняў шырокае агалоскі здатнае зьмяніць хаду інфармацыйнага і баявога супрацьстаяньня з Крамлём.