Міжнародная выведвальная супольнасьць InformNapalm падчас маніторынгу акаўнтаў сацсетак расейскіх вайскоўцаў выявіла доказы ўдзелу ў апэрацыі захопу Крыму 41-й брыгады ракетных катэраў, якая стала дысьлякуецца на часова акупаванай тэрыторыі Украіны – у г. Сэвастопаль.
У фатаздымку ніжэй зафіксаваныя расейскія маракі, якія служылі на малым ракетным караблі «Міраж». Гэты карабель уваходзіць у склад 166-га Наварасійскага дывізыёну малых ракетных караблёў 41-й брыгады ракетных катэраў (в/ч 72165). Вызначанае, што ўсе яны ўдзельнічалі ў апэрацыі захопу Крыму, за што атрымалі ўзнагароды ад міністэрства абароны РФ. У выніку выведкі адкрытых крыніцаў інфармацыі (OSINT) удалося ідэнтыфікаваць іхныя асобы. У фота зьлева направа: Аляксандар Дзенісенка, Аляксей Барабаш, Аляксандар Галавань.
Ідэнтыфікацыйныя дадзеныя расейскіх ваенных злачынцаў
Галавань Аляксандр Сяргеевіч (рас. Головань Александр Сергеевич), нарадзіўся 10.01.1991 г. у Калужскай вобласці, РСФСР. Навучаўся ў Маскве. Удзельнічаў у акцыях расейскае апазыцыі, у прыватнасьці, у так званым “Маршы мільёнаў”, які адбыўся 12 чэрвеня 2012 году. На вайсковую службу рэкрутаваны ўвосень 2013 году.
Служыў матросам на малым ракетным караблі «Міраж». За ўдзел у апэрацыі захопу Крыму узнагароджаны мэдалём “За возвращение Крыма” (рас.). Здавалася б, калі чалавек мае апазыцыйныя погляды, падтрымлівае Барыса Нямцова, ён ня будзе выхваляцца ваеннымі злачынствамі сваёй дзяржавы. Аднак, як бачым, з пачаткам расейскай ваеннай агрэсіі супроць Украіны погляды шматлікіх расейцаў кардынальна зьмяніліся. Колішнія супраціўнікі Пуціна сёньня зьяўляюцца наўпроставымі рэалізатарамі нэаімпэрскае палітыкі Крамля.
-
Акаўнт сацсеціва, скрыншоты й фатаздымкі А. Галаваня
Дзенісенка Аляксандар Мікалаевіч (рас. – Денисенко Александр Николаевич). Нарадзіўся 24.03.1993 г., жыве ў Краснадарскім краі РФ, меркавана, у г. Караноўск. Пэрсанальныя дадзеныя таксама пазначаныя ў фатаздымку пасьведчаньня кіроўцы.
Праходзіў тэрміновую службу ў 41-й брыгадзе ракетных катэраў. За ўдзел у апэрацыі захопу Крыму ўзнагароджаны мэдалём “За возвращение Крыма”:
-
Старонка сацсеціва, скрыншоты й фатаздымкі А. Дзенісенкі
Барабаш Аляксей Іванавіч (рас. – Барабаш Алексей Иванович). Нарадзіўся 18.05.1994 г., жыве ў г. Наварасійск, Краснадарскі край РФ. Служыў матросам на малым ракетным караблі «Міраж». Апроч фатаздымкаў з мэдалём за акупацыю Крыму, у ягоным фотаальбоме выяўленае таксама фота ўзнагароднага пасьведчаньня да мэдалю:
У камэнтарох да аднаго з фатаздымкаў Аляксея Барабаша выяўленая досыць цікавае абмеркаваньне што да атрыманьня ўзнагароды за акупацыю Крыму (падаем у арыгінале):
Аляксей Барабаш: …девятого медаль дадут за Крым уже точно в бригаде лежит… Вам че не дают медали?
Лаша Ерашкоў: …вообще не в курсе
Аляксей Барабаш: Б@я должны дать в нас даже долбо@м дают которые ни где не учавствовали
Лаша Ерашкоў: Ну как сказать… Готовы то были в случае чего)
Аляксей Барабаш: Мы спали з автоматом
Лаша Ерашкоў: Мы вообще не спали
У фотаальбоме Аляксея Барабаша выяўленае таксама фота з расейскім рэжысэрам, прыхільнікам ваеннай агрэсіі Расеі Фёдарам Бандарчуком, які відавочна незаконна знаходзіўся ў Крыме ўлетку 2014 году:
-
Старонкі сацсетак, скрыншоты й фатаздымкі А. Барабаша
Пасьведчаньні да мэдалёў за акупацыю Крыму вайскоўцам 41-й брыгады ракетных катэраў падпісваў капітан 1-га рангу Аляксандар Вячаслававіч Талмачоў.
Крыніца фота.
Камандырам 41-й БрРКА ён быў з 2010 па 2015 год. У 2015 годзе ён скончыў сваю вайсковую службу.
Генэральная пракуратура Украіны паведаміла пра падазрэньне капітану 1-га рангу А. Талмачову паводле артыкулаў Крымінальнага Кодэксу Украіны:
ч. 3 арт. 110 – Замах на тэрытарыяльную цэласнасьць і недатыкальнасьць Украіны;
ч. 2 арт. 28 – Зьдзяйсьненьне злачынства групай асобаў, групай асобаў паводле папярэдняй змовы, арганізаванай групай або злачыннай арганізацыяй;
ч. 2 арт. 437 – Плянаваньне, падрыхтоўка, пачынаньне й вядзеньне агрэсіўнае вайны.
Матар’ял падрыхтаваны адмыслова для сайту міжнароднае выведвальнае супольнасьці InformNapalm.
Рэдагаваў і пераклаў на беларускую мову Дзяніс Івашын.
Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа