Валянтэры міжнароднае выведвальнае супольнасьці InformNapalm вызначылі факт удзелу 11-й брыгады супрацьлодкавых караблёў Чарнаморскага флёту ВМФ РФ у апэрацыі захопу Крыму. Таксама выяўленае, што пасьведчаньне да мэдалёў за акупацыю Крыму вайскоўцам 11-й БрСЛК падпісваў капітан 1-га рангу Павал Ясьніцкі.
Асабістыя дадзеныя й фотадоказы
Башкатоў Раман Яўгенавіч, 1995 г. н., РФ, г. Таганрог, 20-ы завулак, д. 30.
Рэкрутаваны на службу ў войска ўвосень 2013 году:
Служыў матросам на вялікім супрацьлодкавым караблі (ВСЛК) «Керч».
Фота для параўнаньня й ідэнтыфікацыі караблю:
Станам на 2014 год, на момант пачатку расейскай ваеннай агрэсіі супроць Украіны, ВСЛК «Керч» уваходзіў у склад 11-й брыгады супрацьлодкавых караблёў (11-я БрСЛК), в/ч 42948, пункт сталай дысьлякацыі – Сэвастопаль, часова акупаваны Крым. Пасьля акупацыі Крыму гэтае злучэньне было расфармаванае і ў 2015 годзе увайшло ў склад адноўленай 30-й дывізіі супрацьлодкавых караблёў (30-я ДСЛК).
Башкатоў непасрэдна ўдзельнічаў у спэцапэрацыі захопу Крыму. У сваім фотаальбоме ён апублікаваў фота пасьведчаньня да мэдалю за акупацыю ўкраінскай паўвыспы.
-
Старонкі сацсетак, скрыншоты, фатаздымкі Р. Башкатова
Дзянісаў Кірыл Віталевіч, паводле дадзеных акаўнтаў у сацыяльных сетках: нарадзіўся 12.07.1994 г.н. у г. Таганрог (Растоўская вобласьць, РФ), у якім жыве дагэтуль ягоная маці, бабуля і іншыя сваякі. У акаўнце сацсеціва “VK” таксама пазначаны горад Растоў-на-Доне.
Дзянісаў таксама праходзіў тэрміновую службу ў 2013-2014 гадох – служыў старэйшым матросам на ВСЛК «Керч» (11-я БрСЛК, в/ч 42948). Удзельнік спэцапэрацыі захопу Крыму. Захаваў у фотаальбоме фатаздымкі з мэдалём за акупацыю й фота ўзнагароднага пасьведчаньня да мэдалю.
-
Старонкі сацсетак, скрыншоты, фатаздымкі К. Дзянісава
Некалькі словаў пра ВСЛК «Керч»
Гэты карабель паступіў ва ўзбраеньне ў 1972 годзе. У жніўні 1984 году, за содні да выхаду на чарговую баявую варту, адбыўся эксцэс: адзін зь мічманаў не пераверыў наяўнасьць змазкі й пракруціў галоўныя мэханізмы, у выніку галоўная энэргетычная ўстаноўка караблю зазнала пашкоджаньні. Рамонт трываў з 1985 па 1988 год. Пасьля мадэрнізацыі ў 1993 годзе адбылося ўзгараньне лядоўні ў афіцэрскім буфеце. Пажар выявілі толькі праз 25 хвілінаў, аднак надбудова не загарэлася й карабель быў уратаваны. Таксама ў 1993 годзе падчас швартоўкі «Керч» урэзаўся ў бэтонную сьцяну прычалу, у выніку ён быў накіраваны на двухтыднёвы рамонт праз пашкоджаньне кармы. У 2014 годзе карабель праходзіў аднаўленчы рамонт. Падчас рамонту стаўся пажар, які пашкодзіў шэраг адсекаў. “Горело хорошо, тушили почти сутки” (рас.), – пракамэнтаваў здарэньне супрацоўнік МНС. “Да там кормовое машинное отделение выгорело напрочь” (рас.), – паведаміў супрацоўнік рамонтнага заводу. Пажар вынік праз дзеяньні матросаў тэрміновае службы: яны расклалі для сушэньня адзеньне на дызэль-генэратары й пайшлі спаць. Камісія, што высьвятляла прычыны й наступствы пажару, ухваліла рашэньне пра сьпісаньне й утылізацыю караблю. Аднак пазьней было вырашанае, што «Керч» стане караблём-музэем і, паводле словаў колішняга камандыру караблю, будзе разьвязваць шэраг праблемаў, менавіта: “воспитания молодого поколения, воспитания города, ну и … город-герой Керчь, поэтому .. . это очень здорово” (рас.).
Узнагародныя пасьведчаньні да мэдалёў за акупацыю Крыму вайскоўцам в/ч 42948 падпісваў капітан 1-га рангу Ясьніцкі Павал Генадзевіч, які ў той час часова выконваў абавязкі камандыра. На пачатку сваёй вайсковай кар’еры Ясьніцкі служыў на ВСЛК «Керч» камандырам зэнітна-ракетнай батарэі.
Перадусім хочам нагадаць Ясьніцкаму, што ён нарадзіўся 06.11.1969 г. у Севераморску Мурманскае вобласьці РФ, бо ў сваім акаўнце сацсеціва “VK” ён памылкова пазначыў у якасьці роднага гораду ўкраінскі Сэвастопаль. Раней ці пазьней сям’і акупанта давядзецца вяртацца ў Севераморск, а Ясьніцкі паўстане перад судом за зьдзейсьненыя ім ваенныя злачынствы.
Крыніца фота: ruinformer.com
У 1986 годзе Ясьніцкі скончыў Нахімаўскую вайскова-марскую вучэльню ў Санкт-Пецярбургу, у 1991 годзе скончыў ЧВВМВ ім. П.С. Нахімава ў Сэвастопалі, у 2004 годзе скончыў ВМА імя Кузьняцова (гэтае ВНУ месьціцца ў Санкт-Пецярбургу, ягоная філія – ў Калінінградзе).
Вызначанае, што станам на 2016 год Ясьніцкі меў пасаду камандыру Сталага апэратыўнага злучэньня Вайскова-марскога флёту РФ у Міжземным моры.
Сьлед зазначыць, што ваенныя злачынствы для роду Ясьніцкіх сталіся нормай: дзед Паўла Ясьніцкага ў 1945-1951 гадох служыў у НКУС начальнікам атраду «Смерш» (рас.) і, як распавядае ўнук, змагаўся з “бандэраўцамі”. Вынік барацьбы расейцаў з украінцамі вядомы: прайшло шмат дзесяцігодзьдзяў, але час ад часу дагэтуль ва Украіне знаходзяць пахаваньні закатаваных расейцамі украінцаў.
-
Старонкі сацсетак, скрыншоты, фатаздымкі П. Ясьніцкага
Зьвяртаемся да праваахоўных ворганаў Украіны: У пераліку падразьдзяленьняў Збройных сілаў РФ, якія маюць дачыненьне да захопу Крыму, агучаным вайсковай пракуратурай Украіны, не пазначаная 11-я БрСЛК і адсутнічае ВСЛК «Керч». Таксама Павал Ясьніцкі пакуль не фігуруе ў сьпісе (1, 2, 3) вайсковых службовых асобаў каманднага складу Збройных сілаў і прадстаўнікоў улады РФ, якім Галоўнай вайсковай пракуратурай Украіны паведамленае пра падазрэньне. Просім успрымаць нашае расьледаваньне як паведамленьне пра злачынства, зьдзейсьненае супроць Украіны, і задзейнічаць усе неабходныя працэсуальныя дзеяньні.
Матар’ял падрыхтаваны адмыслова для сайту міжнароднае выведвальнае супольнасьці InformNapalm.
Пераклаў на беларускую мову Дзяніс Івашын.
Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа