Раскрываем асабістыя дадзеныя вайскоўцаў флягмана Чарнаморскага флёту ВМФ РФ – гвардзейскага ракетнага крэйсэра «Масква», – які ў другой палове 2015 году ачольваў сталае апэратыўнае злучэньне ВМФ РФ у Міжземным моры і зьяўляўся сталым штабам усяе сірыйскае ваеннае апэрацыі Расейскае Фэдэрацыі, апроч гэтага сродкамі супрацьпаветранае абароны забясьпечваў прыкрыцьцё расейскае авіябазы Хмэймім у Сірыі. Маракі атрымалі за гэта ўзнагароды, камандыр карабля атрымаў падвышэньне, узнагароджаны быў таксама і сам карабель.
Расейская Фэдэрацыя працягвае гібрыдную вайну ня толькі супроць Украіны, але й у дачыненьні шматлікіх іншых краінаў сьвету. 25 сьнежня падчас супольнай прэс-канфэрэнцыі з прэзыдэнтам Тунісу Каісам Саідам прэзыдэнт Турэччыны Рэджэп Таіп Эрдаган заявіў, што ў Лібіі зараз перабываюць дзьве тысячы байцоў расейскае прыватнае вайсковае кампаніі (ПВК) “Вагнэр”. Вядома, што гэта пазаштатнае падразьдзяленьне Галоўнага ўпраўленьня Генштабу (колішняе ГРУ) Збройных сілаў РФ. Апроч гэтага, СМІ чарговага разу паведамілі, што ў Сірыі расейскія вайскоўцы зьдзейсьнілі авіяўдар па школе: загінулі 10 чалавек, у тым ліку 6 дзяцей.
Расейская вайсковая апэрацыя ў Сірыі трывае зь верасьня 2015 году. З таго часу Расея неаднаразова заяўляла пра пасьпяховае завяршэньне апэрацыі, аднак мэтаскіраванае бамбаваньне сірыйскага цывільнага насельніцтва расейскімі войскамі не спыняецца да гэтага часу. У адказ на падобныя ваенныя злачынствы міжнародная выведвальная супольнасьць InformNapalm неаднаразова раскрывала й публікавала асабістыя дадзеныя экіпажаў Паветрана-касьмічных войскаў Расейскае Фэдэрацыі ў Сірыі. Агулам вызначаныя дадзеныя 116 афіцэраў ПКС РФ. Гэтая інфармацыя была перакладзеная на 13 моваў.
Сёньня мы працягнем публікаваць асабістыя дадзеныя асобаў, якія ўдзельнічалі ў сірыйскай ваеннай апэрацыі.
Ідэнтыфікацыйныя дадзеныя вайскоўцаў ракетнага крэйсэра «Масква»
Казенка Віталь Генадзевіч (рас. – Козенко Виталий Геннадьевич)
Нарадзіўся 26.08.1993 г. у г. Растоў-на-Доне, РФ. Праходзіў вайсковую службу ў 2015-2016 гг. на гвардзейскім ракетным крэйсэры “Масква”. Пэрсанальнае вайсковае званьне – матрос.
Запіс пра праходжаньне службы на крэйсэры “Масква” Віталь Казенка зрабіў уласнаруч у сваім акаўнце сацсеціва “VK”.
Паводле загаду Міністэрства абароны РФ №349 з 10 чэрвеня 2016 г. узнагароджаны мэдалём “Удзельніку ваеннай апэрацыі ў Сірыі”. Таксама мае мэдаль ад Мінабароны РФ за ўдзел у вайсковым парадзе 9 траўня.
У фотаальбоме акаўнта Віталя Казенкі выяўленае фота ягонага пасьведчаньня ветэрана баявых дзеяньняў.
Фота, скрыншоты, архівы В. Казенкі
Мінікаеў Ільнар Рафікавіч (рас. – Миникаев Ильнар Рафикович).
Нарадзіўся 06.05.1993 г. у г. Самара, РФ. У 2016 г. праходзіў вайсковую службу на гвардзейскім ракетным крэйсэры ЧФ ВМФ РФ «Масква». Пэрсанальнае вайсковае званьне – матрос.
Першыя армейскія фатаздымкі зьявіліся ў фотаальбоме Мінікаева ў кастрычніку 2015 году. Ён апублікаваў фота ракетнага крэйсэра «Масква» з подпісам: “Служу на ГРК “Москва” .
У фотаальбоме Мінікаева выяўленае фота вымпела з пазначаным на ім мапай, ключавымі датамі й назовам баявога заданьня, якое асабовы склад крэйсэра “Масква” выконваў у Сірыі (падаем у арыгінале): “Прикрытие средствами ПВО российской авиабазы Хмеймим на территории Сирии, 24.09.2015-09.01.2016 гг. ”.
Паводле загаду Міністэрства абароны РФ №349 з 10 чэрвеня 2016 г. матрос Ільнар Мінікаеў узнагароджаны мэдалём “Удзельніку ваеннай апэрацыі ў Сірыі”.
У сваім фотаальбоме другі фігурант гэтага расьледаваньня таксама выклаў фатаздымак пасьведчаньня ветэрана баявых дзеяньняў.
Вызначанае, што станам на студзень 2018 году Ільнар Мінікаеў служыў у Дарожна-патрульнай службе Дзяржаўнай інспэкцыі бясьпекі дарожнага руху МУС РФ (рас. – ДПС ГИБДД).
Фатаздымкі, скрыншоты, архівы І. Мінікаева
Сувораў Дзяніс Ігаравіч (рас. – Суворов Денис Игоревич)
Нарадзіўся 29.01.1992 г. у г. Гукава, Растоўская вобласць, РФ. У 2016 г. праходзіў вайсковую службу на гвардзейскім ракетным крэйсэры ЧФ ВМФ РФ «Масква». Пэрсанальнае вайсковае званьне – матрос.
Дзяніс Сувораў таксама служыў на ракетным крэйсэры “Масква”. Хаця ён не пазначыў мейсца вайсковай службы ў сваім акаўнце сацсеціва й не публікаваў фатаздымкі карабля, у ягоным фотаальбоме выяўленыя супольныя армейскімі фатаздымкі зь першым фігурантам гэтага расьледаваньня – Віталем Казенкам.
Першы леваруч В. Казенка, побач зь ім Дз. Сувораў
В. Казенка (леваруч) і Дз. Сувораў (праваруч)
Дзяніс Сувораў таксама ідэнтыфікаваны ў фатаздымках у фотаальбоме В. Казенкі.
Дз. Сувораў у цэнтры ў першым шэрагу, В. Казенка першы леваруч ў другім шэрагу
Дз. Сувораў першы леваруч, В. Казенка – ў цэнтры
Дз. Сувораў першы леваруч у трэцім шэрагу, В. Казенка другі леваруч ў трэцім шэрагу
Дзяніс Сувораў, як і папярэднія фігуранты расьледаваньня і ягоныя таварышы ў службе, узнагароджаны мэдалём “Удзельніку ваеннай апэрацыі ў Сірыі” паводле загаду Міністэрства абароны РФ №349 з 10 чэрвеня 2016 г.
Фатаздымкі, скрыншоты, архівы Дз. Суворава
Камандыр гркр “Масква” (2015-2016 гг.)
Характэрна, што для фатаздымку свайго мэдалю й узнагароднага пасьведчаньня Дзяніс Сувораў наўмысна закрыў імя камандыра і нумар вайсковай часткі. Аднак у фота можна пабачыць сэгмэнт асабістага подпісу камандыра карабля, які цалкам ідэнтычны такому ж сэгмэнту подпісу на ўзнагародных пасьведчаньнях Віталя Казенкі й Ільнара Мінікаева, якія раскрылі імя свайго камандыра.
Усім фігурантам гэтага расьледаваньня узнагародныя пасьведчаньні да мэдалёў асабіста падпісаў камандыр гвардзейскага ракетнага крэйсэру «Масква» ў 2015-2016 гг. капітан 1-га рангу Аляксандар Цібаравіч Шварц (рас. – Александр Тиборович Шварц).
Пасьля вяртаньня зь “сірыйскае камандыроўкі” капітан 1-га ранга Аляксандар Шварц быў падвышаны. Станам на кастрычнік 2019 году ён меў пасаду камандыра дывізіі Прыморскай флятыліі Ціхаакіянскага флёту ВМФ РФ.
Кіраўнік Расеі Уладзімер Пуцін за выкананьне баявога заданьня ўзнагародзіў крэйсэр «Масква» ордэнам Нахімава. 22 ліпеня 2016 году міністар абароны Расейскае Фэдэрацыі Сяргей Шайгу перадаў камандаваньню карабля гэтую ўзнагароду. У фотаальбоме першага фігуранта гэтага расьледаваньня Віталя Казенкі выяўленыя фатаздымкі, зробленыя падчас гэтай падзеі:
Новы нумар в/ч для флягмана
Гвардзейскі ракетны крэйсэр «Масква» раней уваходзіў у склад 11-й брыгады супрацьлодкавых караблёў (11-я БрСЛК). У сьнежні 2014 году на базе 11-й БрСЛК была адноўленая 30-я дывізія надводных караблёў Чарнаморскага флёту ВМФ РФ (1, 2).
Напрыканцы 2012 году зьявілася інфармацыя, што статус ракетнага крэйсэра «Масква» быў зьніжаны, яго пазбавілі права быць асобнаю вайсковаю часткаю, то бок мець уласную гербавую пячатку (да гэтага крэйсэр меў нумар в/ч 22813). Такое рашэнне ўхваліў Генэральны штаб што да ўсіх караблёў, каб пазьбегнуць злоўжываньняў камандырамі гэтых суднаў. “Камандыры караблёў ставілі пячаткі куды толькі можна. Некалькі разоў вайсковая пракуратура выяўляла выпадкі, калі нядобрасумленныя камандыры караблёў ставілі пячаткі на фіктыўныя дакуманты <…>, якія потым рэалізоўвалі…”, – так пракамэнтаваў рашэньне прадстаўнік Генштабу ЗС РФ.
Станам на 2016 год, паводле зьвестак з фота пададзеных вышэй дакумантаў, флягману Чарнаморскага флёту ВМФ РФ вярнулі права быць асобнаю вайсковаю часткаю: ва ўзнагародных пасьведчаньнях пазначаны нумар в/ч 84201.
Жонка другога фігуранту гэтага расьледаваньня – Алсу Мінікаева ў адным з паблікаў сацсеціва “VK” апублікавала фота абвесткі, прызначанай маракам ракетнага крэйсэра «Масква». У інфармацыйным паведамленьні цалкам пазначаная паштовая адрэса, назоў карабля й нумар вайсковай часткі.
Матар’ял падрыхтаваны адмыслова для сайту міжнароднае выведвальнае супольнасьці InformNapalm.
Рэдагаваў і пераклаў на беларускую мову Дзяніс Івашын.
Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.
InformNapalm – гэта вядомы й цалкам незалежны міжнародны валянтэрскі праэкт, які працуе цягам ужо больш за 5 гадоў.
Мы ня маем аніякай фінансавай падтрымкі ад ураду якой-кольвек краіны ці донараў, адзінымі мэцэнатамі інфармацыйнага праэкту зьяўляюцца ягоныя валянтэры й чытачы, якія ангажуюць свае сілы, час і сродкі для супрацьдзеяньня расейскай інфармацыйнай агрэсіі. Вы таксама можаце падтрымаць InformNapalm або сваімі ведамі й навыкамі, або ахвяраваньнем на ўтрыманьне сайту й разьвіцьцё праэкту. Фінансава нас можна падтрымаць або дабрачынным унёскам праз LiqPay, або стаць «патронам» і падпісацца на штомесячныя мініўнёскі праз сеціва Patreon.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа