Інсайдэры з акупаваных тэрыторыяў даслалі відэа, у якім зафіксаванае правядзеньне 02.02.2016 г. вышкалаў РСЗВ аб’яднаных расейска-сэпаратысцкіх сілаў (АРСС) пад г. Тарэзам у раёне н.п. Мануілаўка. У гэтай публікацыі валянтэры міжнароднае супольнасьці InformNapalm зьдзейсьнілі ідэнтыфікацыю тэхнікі і выявілі ейнае знаходжаньне паводле стопкадраў, не публікуючы відэа ў адкрытым доступе дзеля бясьпекі інсайдэраў.

На здымках былі зафіксаваныя машыны кіраваньня:

• грузавік Урал

• КШМ на базе ГАЗ-66 або КамАЗ

6 машынаў РСЗВ, зь якіх:

• дзьве БМ-21 “Град”

• дзьве 2Б26, РСЗВ Град на базе КамАЗ (ва ўзбраеньні ўкраінскай арміі гэтых адзінак тэхнікі няма, што можа быць дадатковым доказам актыўнага ўдзелу РФ у баявых дзеяньнях на Данбасе). Напачатку 2015 году падобная ўстаноўка ўжо была зафіксаваная ў Данецку (відэа). Таксама РСЗВ “Град” на базе КамАЗ быў падазеная ў інфаграфіцы «Топ-10 доказаў удзелу РФ у вайне на Данбасе».

• дзьве БМ-21/2Б26.

Геалякацыя здымкаў і напрамак стральбы

Каардынаты машынаў кіраваньня (спасылка на мапы Google)

Каардынаты машынаў РСЗВ (спасылка на мапы Google)

Пазыцыя на мапе і напрамак стральбы:

Пазыцыя РСЗВ на мапе разьмежаваньня ад liveuamap.

Устаноўкі знаходзяцца больш за 35 км ад лініі разьмежаваньня, то бок фармальна іхнае знаходжаньне не парушае «Менскіх дамоўленасьцяў», але марш і выхад на дыстанцыю атакі можа быць зьдзейсьнены на працягу некалькіх гадзінаў. InformNapalm зьвяртае ўвагу міжнародных назіральнікаў на прысутнасьць расейскіх адзінак вайсковай тэхнікі й актыўнае правядзеньне АРСС вышкалаў у баявым зладжваньні.

Матар’ял да публікацыі падрыхтаваў валянтэр міжнароднае супольнасьці InformNapalm Міхаіл Кузьняцоў.

На беларускую мову пераклаў Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.