Танк Т-72Б3

3 верасьня 2014 году на тэрыторыі Луганскае вобласьці мясцовыя жыхары зафіксавалі калёну вайсковае тэхнікі, якая складалася з 25 адзінак. У калёне былі: адзін БТР-80, два танкі Т-72Б3, тры ЗРК “Страла-10” на базе гусенічнага транспартэру МТ-ЛБ.

Расейскі інфармацыйны партал “ANNA NEWS” у сваім відэарэпартажы з 22 верасьня 2014 году падае зьнішчаныя пад Старабешавам (Данецкая вобласьць) расейскія танкі Т-72БЗ за ўкраінскія.
2 сьнежня 2014 году праз Луганск прайшла калёна бранетэхнікі (да 20 адзінак). У калёне былі зафіксаваныя 6 танкаў, у тым ліку расейскія Т-72Б3.

КамАЗ-43269 “Выстрел” (рас.) і “Дазор” (БПМ-97)

На відэа чарговых “вышкалаў баявікоў” у Луганску з 30.12.2014 г., якое апублікаваў прапагандысцкі канал ЛНР/ДНР “News Front”, а затым і расейскі тэлеканал “Вести” (рас.), зафіксаваныя каля 10 машынаў гэтага тыпу.

• 10 студзеня 2015 году ў Краснодоне (Луганская вобл.) на відэа з разборкамі мясцовых баявікоў зафіксаваныя два аўтамабілі КамАЗ-43269 (БПМ-97).
• 10 лютага 2015 году ў Луганску была зафіксаваная калёна расейскай тэхнікі, у якой былі 3 бранеаўтамабілі КамАЗ-43269 “Выстрел”.

Шматмэтавы модульны бранеаўтамабіль ГАЗ-3937 “Воднік”

• 10 студзеня 2015 году расейскія вайскоўцы ў Краснодоне (Луганская вобл.) падчас раззбраеньня асобнай брыгады апэратыўнага прызначэньня баявікоў “МГБ ЛНР “Адэса”” задзейнічалі значную колькасць бранетэхнікі, у тым ліку і шматмэтавыя модульныя бранеаўтамабілі ГАЗ-3937 “Воднік”, які ёсьць ва ўзбраенні 2-й асобнай брыгады спэцыяльнага прызначэньня ГРУ ГШ ЗС РФ з Пскова.

РСЗВ 9К58 “Сьмерч”

• У інфармацыйнай зводцы “ІнфармНапалм” з 31 кастрычніка 2014 году было зазначанае, што РСЗВ “Сьмерч” быў заўважаны ў г. Данецку.
• 22 студзеня 2015 году у г.Макееўцы на вул. Генэрала Данілава была заўважаная расейская рэактыўная сыстэма залпавага вагню “Сьмерч” з калібрам 300 мм, якая перасоўвалася без машынаў суправаджэньня ў бок мікрараёну “Зялёны”.
• 10 лютага 2015 году Краматорск быў абстраляны з расейскіх РСЗВ “Тарнада-С” (мадыфікацыя на базе РСЗВ “Сьмерч”). У гэтай справе фігуруюць два населеныя пункты, скуль быў зьдзейсьнены абстрэл – гэта Горлаўка і Харцызск, якія знаходзіліся і працягваюць знаходзяцца пад кантролем расейскіх тэрарыстаў.

Зэнітна-ракетны комплекс “Бук-М”

• У адкрытым доступе зьявілася відэарасьледаваньне, у якім прадстаўленая маса доказаў, якое пацьверджвае датычнасьць расейскага боку да тэракту супраць сусьветнай супольнасьці – знішчэньня пасажырскага лятака Boeing 777 “Malaysia Airlines” 17 ліпеня 2014 году ў небе над акупаваным Данбасам на ўсходзе Данецкай вобласці Украіны, у раёне сяла Грабава (непадалёк ад горада Тарэза). Падчас расьледаваньня былі вызначаныя нумары ўсіх ракетных комплексаў “Бук”, было выяўленае, адкуль і якім чынам яны патрапілі ва Украіну. Таксама было пазначанае дакладнае мейсца запуску ракеты па пасажырскаму “Боінгу”, зафіксаваныя хуткія ўцёкі і спроба замесьці сьляды пасьля таго, як стала вядома, што замест украінскага транспартніка быў зьбіты цывільны пасажырскі лятак.

Зэнітна-ракетны комплекс (9К332) “Тор-М2”

• 20 студзеня 2015 году у г.Шахтарску было зафіксаванае перасоўваньне гэтае адзінкі ўзбраеньня. ЗРК “Тор” мае падвышаную эфэктыўнасьць супраць масаваных налётаў сучасных сродкаў паветранага нападу ва ўмовах вагнявога і радыёэлектроннага супрацьдзеяньня.

САУ 2С7 “Піон” / САУ 2С7М “Малка”

• Гэтыя адзінкі ўзбраеньня былі ўжо неаднойчы зафіксаваныя на акупаваных тэрыторыях. Яны не пазначаныя сярод захопленых адзінак баявой тэхнікі, і гэта можа быць наўпроставым доказам расейскай спонсарскай дапамогі. У прыватнасьці, адная з такіх адзінак тэхнікі была заўважаная ў г. Макееўцы.

2Б26 РСЗВ “Град” на базе КамАЗ-5350

• 2Б26 РСЗВ “Град” на базе КамАЗ-5350 мае ва ўзбраенні толькі ЗС РФ. 23 студзеня 2015 году гэтая мадыфікацыя ўзбраеньня была зафіксаваная ў г.Данецку (Украіна).

Цяжкая вагнямётная сыстэма залпавага вагню ТОС-1 “Бураціна”

• Гэтая выключна расейская вагнямётная сыстэма, зь якой, паводле сьведчаньняў украінскіх афіцыйных крыніцаў, 13 студзеня 2015 году былі абстраляныя ўскрайкі п.Вясёлага. Таксама гэтыя вагнямётныя сыстэмы былі зафіксаваныя 14 студзеня 2015 году ў Данецку непадалёк ад ДАП.

Станцыя наземнай артылерыйскай выведкі “Леапард” і РЛС “Рысь-1”

• Напрыканцы 2014 году гэтыя адзінкі ўзбраеньня былі зафіксаваныя на Данбасе ў зоне канфлікту. Яны не былі захопленыя баявікамі, але былі перакінутыя празь мяжу з тэрыторыі РФ.

Гэта, вядома, ня ўся інфармацыя, бо ўвесь час адбываецца фіксаваньне ўсё новых адзінак узбраеньня ЗС РФ, якія перакідваюцца ў зону канфлікту, але гэта дастакова відавочныя факты прысутнасьці расейскай вайсковай тэхнікі на Данбасе.

Вэрсыя інфаграфікі ад Яраслава:

Паводле матар’ялаў InformNapalm.org.

(с) Інфармацыя падрыхтаваная адмыслова для сайту InformNapalm.org, падчас перадруку й выкарыстаньня матар’ялу спасылка на наш праэкт абавязковая.

Пераклад Дзяніса Івашына