Самаходная мінамётная ўстаноўка 2С9, якая атрымала сярод баявікоў мянушку “Добрая Нона” дапамагла ў чарговы раз развеяць асноўны тэзіс расейскай прапаганды аб тым, што «Ніякіх расейскіх вайскоўцаў на Данбасе няма».
У ходзе новага расьсьледаваньня, праведзенага валанцёрамі InformNapalm.org, былі выяўлены чарговыя сувязі падраздзяленьняў ЗС РФ з бандфармаваньнямі баявікоў на Данбасе.

У ходзе аналізу профілю ў соцсетцы расейскага вайскоўца, як мяркуецца, кантрактніка з 33-й асобнай мотастралковай брыгады (в/ч 22179, месца пастаяннай дыслакацыі г. Майкоп, Адыгея) 49-й агульнавайсковай арміі Паўднёвай ваеннай акругі Дзяніса Кавалёва (https://vk .com/id286416786, архіў https://archive.is/MzOhu) было выяўлена фота разбітай самаходнай мінамётнай ўстаноўкі “Нона” 2С9 на базе “БМД”, з надпісам на борце “Добрая Нона” і са смайлом на вежы (фота загружана 14.01 .2015 г.).

Тое, што Дзмітрый Кавалёў меркавана з’яўляецца ваеннаслужачым падраздзяленьня 33-й Майкопскай АМСБр, якая знаходзіцца ў “Растоўска-украінскай” камандзіроўцы, ўскосна пацвярджае спіс яго сяброў (архіў https://archive.is/wS40q) і адносна свежыя фатаграфіі з Мяснікоўскага раёна Растоўскай вобласці .

Прадстаўленая намі “Добрая Нона”, як і іншыя самаходныя мінамёты з падобнымі надпісамі добра вядомыя яшчэ з 2014 года. Гэтыя мінамёты актыўна выкарыстоўваліся аб’яднанымі расейска-сепаратысцкімі сіламі ў Славянску і Краматорску. Пры адступленні частку тэхнікі баявікам ўдалося вывесці ў Данецк.

Фотаздымак гэтай жа “Добрай Ноны” быў знойдзены і на старонцы соцсетцы расейскага баявіка “Новарасеі” Віктара Макавіка https://vk.com/id276852635, архіў https://archive.is/Sw3hi (фота загружана 09.11.2014 г.). Па дадзеных Цэнтра “Міратворац” В. Макавік родам з Расеі, пражывае па адрасу: Ханская вуліца, Гіагінская станіца, Адыгея.

Цікавае і, напэўна, не зусім выпадковае супадзеньне, так як вышэйзгаданы Дзяніс Кавалёў з’яўляецца вайсковаслужачым 33-й брыгады, якая так жа дыслакуецца ў Адыгеі.

Заўвага: Цікава, што па інфармацыі расейскага блога “Цэнтр аналізу стратэгій і тэхналогій “bmpd”, 33-яя АМСБр перакінута ў новае месца пастаяннай дыслакацыі ў Новачаркаск (Растоўская вобл.), у непасрэднай блізкасці да ўкраінскай мяжы. [http://bmpd.livejournal.com/1231746.html]

У сваю чаргу InformNapalm.org гэтую інфармацыю не пацвярджае, так як яна заснаваная на кампіляцыі дадзеных за снежань 2014 і скажоная з мэтай дэзінфармацыі. Асноўным месцам дыслакацыі 33-яй АМСБр застаецца Майкоп, хоць у раёне палігона Кадамоўскі, Растоўскай вобласці, ў разгорнутым базавым лагеры сярод іншых расейскіх падраздзяленняў, якія знаходзяцца на пастаянным баявым дзяжурстве, існуе  і батальйонна-тактычная група 33-й брыгады.

Матэрыял да публікацыі падрыхтавалі: Іраклій Комахідзэ і krmvictory.

(С) Інфармацыя падрыхтавана спецыяльна для сайта InformNapalm.org, пры перадруку і выкарыстанні матэрыялу актыўная спасылка на аўтара і наш праект абавязковая.

Пераклад Катэнка Кацярыны