Супольнасьць InformNapalm падчас вывучэньня адкрытых крыніцаў інфармацыі вызначыла дадактовы факт удзелу ў нападзе на Грузію вайскоўцаў 417-га асобнага выведвальнага батальёну (АВБ), які ўваходзіць у склад 42-й мотастралковай дывізіі Збройных сілаў РФ.
Згодна з канвэнцыяй ААН, ухваленай у 1968 годзе, тэрмін даўнасьці ня можа быць выкарыстаны ў дачыненьні да ваенных злачынстваў і злачынстваў супроць чалавецтва. З пачатку расейскай ваеннай агрэсіі супроць Грузіі 08.08.2008 г. ужо мінула 11 гадоў. Гарачая фаза доўжылася 5 дзён, а паўзучая акупацыя грузінскае зямлі трывае да гэтага часу. Нягледзячы на абяцаньні РФ вывесьці свае войскі з Грузіі, акупацыйны расейскі кантынгент дагэтуль знаходзіцца на грузінскай тэрыторыі.
Напачатку 2019 году супольнасьць InformNapalm апублікавала расьледаваньне з доказамі ўдзелу ў ваеннай агрэсіі супроць Грузіі 417-га АВБ, выяўленымі ў акаўнце сацсеціва расейца Станіслава Ляшчынскага. Пасьля публікацыі нашага расьледаваньня Ляшчынскі выдаліў фотадоказы з свайго акаўнту, аднак яны засталіся ў нашай факталягічнай базе дадзеных.
У адным з выдаленых Ляшчынскім фатаздымкаў зафіксаваная калёна расейскіх акупацыйных войскаў:
У фота можна пабачыць БТР-80 з бартавым нумарам “133”.
Гэты ж БТР зафіксаваны ў здымку ў фотаальбоме Сяргея Бірукова, які ў 2007-2009 гадох служыў у 417-й АВБ:
На сваёй старонцы ў сацсеціве “ОК” Бірукоў пазначыў гады службы ў войску й падразьдзяленьне, у якім служыў:
Ідэнтыфікацыйныя дадзеныя
Сяргей Бірукоў (рас. – Сергей Бирюков)
Нарадзіўся 24.04.1980 г. у г. Ладзейнае Поле, Ладзейнапальскі раён, Ленінградзкая вобласьць, РСФСР.
З 1986 па 1995 г. навучаўся у школе №3 у г. Ладзейнае Поле. У 2007-2009 гадох служыў у 417-м асобным выведвальным батальёне (в/ч 55034, пункт сталай дысьлякацыі – г. Ханкала, Чачэнія, Паўднёвая вайсковая акруга), уваходзіць у склад 42-й мотастралковай дывізіі ЗС РФ.
У акаўнце Бірукова выяўленыя й іншыя фатаздымкі, зробленыя падчас расейскага ваеннага ўварваньня ў Грузію. У адным зь іх ён зафіксаваны побач з трафейным грузінскім пазашляхавіком Land Rover:
Вядома, што 12 такіх пазашляхавікоў расейскія акупанты захапілі ў якасьці трафеяў падчас актыўнай фазы расейска-грузінскае вайны ў жніўні 2008 году.
Старонкі сацсетак, скрыншоты, фатаздымкі С. Бірукова
Міжнародны крымінальны суд вывучае справу пра ваенныя злачынствы й забойствы грамадзянаў Грузіі ў 2008 годзе. Упэўненыя, што інфармацыя пра расейскага вайскоўца, які ўдзельнічаў у ваеннай агрэсіі супроць Грузіі, будзе вельмі карысная для сьледчых.
*Калі вы чытаеце мабільную AMP-вэрсію гэтага артыкулу (Accelerated Mobile Page), то некаторыя фота й спасылкі на архівы могуць не адлюстроўвацца. Для больш падрабязнага вывучэньня публікацыі рэкамэндуем выкарыстоўваць кампутар або ноўтбук.
Матар’ял падрыхтаваны адмыслова для сайту міжнароднае выведвальнае супольнасьці InformNapalm.
Рэдагаваў і пераклаў на беларускую мову Дзяніс Івашын.
Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.
Вы можаце падтрымаць нас дабрачынным ахвяраваньнем, каб дапамагчы кампэнсаваць выдаткі на ўтрыманьне сайту й спрыяць разьвіцьцю нашага валянтэрскага праэкту.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа