Падобна на тое, што Расея канчаткова ўцягваецца ў сухапутную апэрацыю ў Сірыі. Не пасьпела «астыць» інфармацыя пра 28-ю АМСБр з Екатэрынбурга, як на Блізкім Усходзе ўжо зьявіліся новыя дзеючыя асобы, гэтым разам з Навасібірска.

Падчас OSINT-расьледаваньня пэрсанальнага блёгу чарговага «сірыйскага адпускніка» Яўгена Лузанава з далёкага Навасібірска (https://archive.is/LqbMp) былі выяўленыя вельмі цікавыя факты.

1. Адразу зьвяртае на сябе ўвагу сьвежае групавое фота з 10 лістапада 2015 году (https://archive.is/9H76I) на тле аналягічных будынкаў і мясцовасьці ў Сірыі, дзе наконадні фатаграфаваліся байцы з Екатэрынбурга.

Гэтая зона з правінцыі Хама, на ўмоўным «пятачку» непадалёк ад мястэчкаў Deir Shamil і Dimo. Падобна на вілу, што стаіць асобна або дом, які знаходзіцца на вышыні. Расейцы абсталявалі там міні-базу або умацаваны пункт. Каардынаты базы, а таксама прывязка да мясцовасьці:

Леваруч можна выразна пабачыць грузавыя аўтамабілі «Газ» і «Урал». Таксама кідаецца ў вочы, што гэта зусім новыя асобы, байцы “старэйшага” узросту. Можна зрабіць здагадку, што гэтыя жаўнеры, цалкам магчыма, прыехалі замяніць вайскоўцаў з Екатэрынбурга.

2. Апроч гэтага, Яўген выклаў сьвежае фота – паводле геатэгу – з ваколіцаў Цэнтральнай базы «Хмеймім» (https://archive.is/eVrab), адкуль яны і прыбылі ў правінцыю Хама. 
3. Яшчэ адное фота з таварышам у службе (https://archive.is/I8xda) – проста чарговае пацьверджаньне таго, што расейцы знаходзяцца ў правінцыі Хама (раён Dimo). 
4. Ну, і ўласна, адказ на пытанне: “Who is mr. Luzanov?”. Яўген Лузанаў у 2010-2011 гг. праходзіў тэрміновую службу ў в/ч 93855. З 2011 году ён кантрактнік і «працуе» кіроўцам вайсковага грузавіку. Напрыклад, пра гэта сьведчаць пятлічныя знакі адрозненьня родаў войскаў: (https://archive.is/pAyjz, https://archive.is/FFkN6). Гэта Цэнтральная вайсковая акруга, глядзіце нашыўку на правай руцэ: https://archive.is/TbrEu.

Лузанаў у сваіх фота падае вельмі шмат геалякацыйнае прывязкі да 17-га вайсковага гарадку г. Навасібірска (гэта цэлы пятачок у цэнтры гораду, абмежаваны некалькімі вуліцамі), напрыклад: https://archive.is/3IL5X, https://archive.is/lW8nB, https://archive.is/fore5 (характерны «помнік» старому танку). На тэрыторыі 17-га вайсковага гарадку базуюцца в/ч 55433 (24 АБрСпН ГРУ ГШ МА) і в/ч 22316 (32 АМСБр).

Варта асобна зазначыць, што Яўген ня гэтак даўно, у сакавіку 2015 году відавочна быў у загадкавым «адпачынку ў Растоўскае вобласьці», пра што сьведчыць ягонае фота з раёну Мілерава ля самай мяжы з Украінай:  https://archive.is/t0LMb, https://archive.is/lmKCh, https://archive.is/0WJgo

Матар’ял да публікацыі падрыхтавалі Мікалай Махно і Міхаіл Кузьняцоў

 Пераклаў на беларускую мову – Дзяніс Івашын

(CC BY) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Актыўны распаўсюд матар’ялу ў сацсетках вітаецца!