Падчас OSINT-выведкі выяўленае артылерыйскае падразьдзяленьне з складу 9-й артылерыйскай брыгады (в/ч 02561, Луга Ленінградзкае вобласьці) Заходняй вайсковай акругі ў Неклінаўскім раёне Растоўскае вобласьці, якое дысьлякуецца непасрэдна ля ўкраінскай мяжы. Падразьдзяленьне мае на ўзбраеньні 152 мм САУ 2С19 “Мста-С” у складзе мінімум адной батарэі – 8 адзінак.

Дадзеная інфармацыя разглядаецца ў кантэксьце абвастрэньня сытуацыі на Марыюпальскім накірунку. Паводле інфармацыі “ІС” Дмітра Тымчука, напрацягу апошніх сутак расейска-тэрарыстычныя войскі падчас абстрэлаў пазыцыяў ЗСУ зноў актыўна выкарыстоўвалі цяжкое ўзбраеньне. На Прыморскім (Марыюпальскім) накірунку ў раёне Шырокіна, былі застасаваныя 120 мм мінамёты, а таксама 122 мм і 152 мм самаходныя артылерыйскія ўстаноўкі.
Зь вялікай верагоднасьцю можна дапусьціць, што гэтыя абстрэлы зьдзяйсьняюць САУ вышэй азначанай 9-й артылерыйскай брыгады, якіх перакінулі з Растоўскае вобласьці на акупаваную тэрыторыю Украіны, тым больш што падобную практыку абстрэлаў мы назіралі і раней.

Даведка: 9-я асобная гвардзейская артылерыйская брыгада в/ч 02561 – Ленінградзкая вобласьць, г. Луга.

Запланяваны штат на 2009 год – 220 мм РСЗВ 9П140 “Ураган” – 8 адз., 152 мм САУ 2С19 “Мста-С” – 18 адз., таксама 100 мм процітанкавыя гарматы МТ-12 і ПТРК “Штурм-С”.
Аўтар: Іраклі Камахідзэ
(с) Інфармацыя падрыхтаваная адмыслова для сайта InformNapalm, падчас перадруку й выкарыстаньня матар’ялу спасылка на наш праэкт абавязковая.

Пераклад Дзяніса Івашына