Міжнародная валянтэрская супольнасьць InformNapalm ідэнтыфікавала чарговую базу акупацыйных войскаў Расеі ў самым цэнтры акупаванага Данецка.

На абноўленых Яндэкс-мапах вельмі добра відаць скопішча вайсковай тэхнікі вакол будынкаў на гэтай тэрыторыі, а ў профілі ў аднаго з расейскіх баявікоў былі выяўленыя фатаздымкі з разнастайнай вайсковай тэхнікай. Вядома ж, увагу адразу прыцягвае 122-мм самаходная артылерыйская ўстаноўка «Гвазьдзіка», якую меліся вельмі даўно адвесьці значна далей ад лініі разьмежаваньня, а гэта далей ад мяжы гораду, калі б “мясцовыя апалчэнцы” хацелі міру і заканчэньня вайны.

У зьвязку з тым, што будынкі знутры складана ідэнтыфікаваць, у дадатак да геатэгу на фота мы знайшлі найбольш ўдалы спадарожнікавы здымак GoogleEarth з 10.06.2014 г., каб паказаць абсалютнае падабенства формы даху будынку, дзе стаіць вайсковая тэхніка данецкага корпусу акупацыйных войскаў РФ.

Як бачым, Крэмль не зьбіраецца выконваць Менскія дамоўленасьці, паводле якіх мае адвесьці свае цяжкое ўзбраеньне ад лініі разьмежаваньня. А калі яшчэ зірнуць на календар, то зразумеем, што выводзіць свае акупацыйныя войскі з Данбаса да 1 студзеня 2016 году Расея не зьбіраецца таксама.

Матар’ял да публікацыі падрыхтаваў VidaL Sorokin

Пераклаў на беларускую мову Дзяніс Івашын

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

 Актыўны распаўсюд у сацсетках вітаецца!