7 красавіка 2017 году ВМФ ЗША запусьцілі з двух караблёў 59 ракетаў Tomahawk па аэрадроме Шайрат, які знаходзіцца ў правінцыі Хомс на захадзе Сірыі. Гэты ўдар стаўся адказам на хімічную атаку газам зарынам, якую зьдзейсьнілі 4 красавіка 2017 году авіяцыя Башара Асада і ягонага асноўнага хаўрусьніка, Расейскай Фэдэрацыі, падчас авіяналёту на горад Хан Шайхун у цэнтральнай частцы Сірыі. Праз хімічную атаку загінулі больш за 100 мірных жыхароў і больш за 500 атручаныя.

У кадар расейскага рэпартэра “РИА Новости” (рас.) Міхаіла Васкрасенскага патрапілі блёкі да кантэйнэраў малагабарытных грузаў (КМГУ), якія могуць быць як касэтнымі аскепкава-фугаснымі, гэтак і хімічнымі боепрыпасамі БКФ-П. У кожнай бомбе БКФ-П знаходзяцца 12 касэтных элемэнтаў з атрутным рэчывам заман (Р-55). Здымкі зробленыя на авіябазе Шайрат, пасьля зьдзейсьненага амэрыканцамі ракетнага ўдару. Аналягічныя кантэйнэры можна пабачыць у фатаздымках працэсу зьнішчэньня хімічнае зброі расейскімі вайскоўцамі на аб’екце захоўваньня й зьнішчэньня хімічнае зброі ў горадзе Почап Бранскае вобласьці (70 км ад Беларусі) [1], [2].

Мы не будзем рабіць высноваў, бо для гэтага няма пакуль доказавай інфармацыі, але праз вельмі падазронае блякаваньне Расеяй рэзалюцыі ААН, якая прадугледжвала правядзеньне расьледаваньня на базе Шайрат, разглядаем магчымасьць наяўнасьці ў гэтых кантэйнэрах атрутных рэчываў.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Падпісвайцеся на старонкі супольнасьці InformNapalm у Фэйсбук / Твітэр і апэратыўна атрымлівайце інфармацыю пра новыя матар’ялы.

Заклікаем чытачоў актыўна пашыраць нашыя публікацыі ў сацыяльных сетках, на форумах і СМІ. Наданьне матар’ялам расьледаваньняў шырокае агалоскі здатнае зьмяніць хаду інфармацыйнага і баявога супрацьстаяньня з Крамлём.

«Цемру адолее полымя / Ignis vincit tenebris» – крэда InformNapalm.