Аб’яднаныя расейска-сэпаратысцкія сілы (АРСС) працягваюць правакацыйныя абстрэлы ўкраінскіх пазыцыяў, груба парушаючы рэжым спыненьня вагню на Данбасе. У зьвязку з гэтым міжнародная валянтэрская супольнасьць InformNapalm працягвае цыкль публікацыяў у выяўленьні асабістых дадзеных вайскоўцаў ВКС РФ, якія ўдзельнічаюць у бамбаваньні мірных сірыйскіх жыхароў пад прыкрыцьцём барацьбы з баявікамі ІДІЛ. Паводле заяваў шэрагу міжнародных экспэртаў і праваабарончых арганізацыяў, расейская авіяцыя ў большасці выпадкаў атакуе не ІД, але пазыцыі ССА (з мэтай падтрымкі сілаў Башара Асада) або зьдзяйсьняе ўдары па мірнаму насельніцтву (з мэтай далейшага павялічэньня сацыяльнага напружваньня ў ЭЗ, зьвязанага з праблемай прытоку ўцекачоў зь Сірыі). Нагадваем, раней амбасада Вялікай Брытаніі ў РФ таксама паведамляла, што 85% удараў расейскай авіяцыі ў Сірыі зьдзяйсняюцца супроць апазыцыі з Свабоднае Сірыйскае Арміі, але не супроць ІДІЛ.

Валянтэры InformNapalm працягнулі паглыбленую выведку дадзеных што да асабовага складу, задзейнічанага ў вайсковай апэрацыі РФ у Сірыі. Вядома, што ў паветраных атаках гэтай апэрацыі ўдзельнічае 960-ы штурмавы авіяцыйны полк з Прыморска-Ахтарска. Таксама ў гэтай апэрацыі зафіксаваны Су-25СМ з шэрым камуфляжам, які мае бартавы нумар 22 “чырвоны”. Абапіраючыся на гэтыя зыходныя дадзеныя валянтэры InformNapalm сабралі дадатковую інфармацыю пра пілётаў гэтага паветранага злучэньня.

1) Лейтэнант Аляксандар Гальцоў, пілёт 3-га кваліфікацыйнага разраду (https://archive.is/PD962).

У 2013 годзе, калі яшчэ быў курсантам, атрымаў разьмеркаваньне ў 960-ы штурмавы авіяцыйны полк, г.Прыморска-Ахтарск, Краснадарскі Край (https://archive.is/V826A).

Разам зь ім у 960-ы ШАП былі разьмеркаваныя курсанты: Быкаў Сяргей (старонка выдаленая – https://vk.com/id93672823), Радыёнаў Расьціслаў https://archive.is/gCdfy, Ціхі Сяргей – https://archive.is/BuVJK.

2) 23 кастрычніка 2014 году Аляксандар Гальцоў выклаў у сацсеціве свой фатаздымак на тле Су-25СМ з шэрым камуфляжам, бартавы нумар 22 “чырвоны” (https://archive.is/2sPjI). Цалкам мажліва, фатаздымак зроблены на аэрадроме Марозаўск.

3) Старэйшы лейтэнант Міхаіл Бялевіч (https://archive.is/5E2nH) – камандыр зьвяна. Часта працуе ў пары «вядучы – кіраваны» з Гальцовым, да таго ж яны абодва ўдзельнічалі ў «Авіядартсы», а гэты конкурс – наўпроставы трамплін у Сірыю (“Красная Звезда” (рас.): “Два пілёты -два лятакі”, https://archive.is/1xHxZ). Міхаіл Бялевіч, дарэчы, 11 верасьня расптоўна «падчысьціў» усю сьцяну на сваёй старонцы ў сацсеціве “VK”, верагодна напярэдадні паездкі ў сірыйскую камандыроўку.

4) Су-25СМ з шэрым камуфляжам, бартавы нумар 22 “чырвоны” быў зафіксаваны на авіябазе “Хмеймім” карэспандэнтамі “РИА Новости” (рас.) (https://archive.is/TyZg1).

Пасьля сэрыі нашых публікацыяў, зьвязаных з ідэнтыфікацыяй інфармацыі што да пілётаў ВКС РФ, зафіксаваных у Сірыі, у рэдакцыю InformNapalm пачалі паступаць дадатковыя дадзеныя, якія цяжка знайсьці ў адкрытым доступе. Гэтак, два чытачы, які пазначылі сябе вайскоўцамі ЗС РФ і  якія ня згодныя з палітыкай і курсам Крамлю, далі нам скан-копіі двух дакумантаў па 960-му ШАП. Гэта баявы разьлік і выпiска з загаду камандыра часткі. Дакуманты датаваныя 2008 годам, але яны дапамаглі пацьвердзіць нашыя дадзеныя, сабраныя ў адкрытых крыніцах.

Вядома ж, мы зьдзейсьнілі праверку сапраўднасьці дадзеных дакумантаў і з дапамогаю адкрытых крыніцаў вызначылі асобы яшчэ чатырох дзейсных на цяперашні момант лётчыкаў ВКС РФ.

Аляксей Лукашэвіч – https://youtu.be/6ud9zLIHWBE?t=138

Павал Шутай – https://youtu.be/yIxYHBpsrnY?t=76

Раман Дымковіч – https://youtu.be/JLMF2lFYHlE?t=128

Іван Конюхаў – https://youtu.be/6ud9zLIHWBE?t=172

Такім чынам, пад прыкрыцьцём барацьбы зь ІДІЛ Расея спрабуе пераканаць увесь цывілізаваны сьвет у неабходнасьці стварэньня супольнай “Заходне-Расейскай” кааліцыі ў барацьбе з тэрарызмам, пры гэтым працягваючы падтрымліваць рэжым Башара Асада, ствараючы напружанасьць у Эўропе і спансуючы аб’яднаныя расейска-сэпаратысцкія сілы на Данбасе . Цалкам мажліва, калі цынічнасьць дзеяньняў Крамлю пяройдзе ў новую фазу, замест сірыйскіх гарадоў гэтыя ж пілёты пачнуць бамбаваць Украіну, апраўдваючы свае дзеяньні новай апэрацыяй у “прымусе да міру” няскораных украінцаў.

Матар’ял да публікацыі падрыхтаваў Міхаіл Кузьняцоў

 Пераклаў на беларускую мову Дзяніс Івашын

 (CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.