У Беларусі вельмі істотным становіцца грамадзкі рэзананс з нагоды публікацыі інфармацыі ў шэрагу беларускіх СМІ пра пагрозу “рускага сьвету”, якая зыходзіць ад шматлікіх прарасейскіх казачых і “вайскова-патрыятычных” клюбаў (ВПК), якія сталі апошняга часу вельмі актыўнымі, асабліва пасьля анэксыі Крыма Расеяй. Міжнародная валянтэрская супольнасьць InformNapalm вырашыла зьдзейсьніць паглыблены аналіз сытуацыі і дасьледаваць ступень небясьпекі рэалізацыі сцэнару “рускай вясны” у Беларусі.

Значная актывізацыя казачага руху і праваслаўных парамілітарных арганізацыяў назіраецца на працягу апошніх пяці гадоў, зьвязваць якую можна без сумневу з адкрыцьцём у 2010 г. прадстаўніцтвам “Россотрудничества в РБ” у г.Менску “Расейскага цэнтра навукі і культуры” і ў 2014 г. падобнае філіі ў г.Берасьці, якое ажыцьцяўляе агульную каардынацыю і, цалкам магчыма, нават фінансаваньне груповак. Прадстаўніцтва “Россотрудничества в РБ” зьяўляецца, па-сутнасьці, інкубатарам шматлікіх прарасейскіх арганізацыяў, якія непасрэдна насаджаюць ідэалёгію “рускага  сьвету” і, якія небезпадстаўна можна падазраваць у падрыхтоўцы рэалізацыі крымскага сцэнару ў Беларусі.

Падчас зьдзяйсьненьня OSINT-выведкі адкрытых крыніцаў, міжнародная валянтэрская  супольнасьць InformNapalm атрымала важныя дадзеныя пра склад і структуру казачага руху ў Беларусі і пра шматлікія праваслаўныя вайскова-патрыятычныя клюбы (ПВПК), створаныя пад заступніцтвам расейскай праваслаўнай царквы. Было вызначанае, што ў краіне дзейнічаюць каля 20 “казачых” груповак, якія маюць усебаковую падтрымку мясцовай улады і сілавых структураў, а некаторыя зь іх нават удзельнічаюць у ахове грамадзкага парадку супольна з падразьдзяленьнямі МУС.

Адной з цэнтральных казачых груповак прарасейскага руху ў Беларусі зьяўляецца ВПК «Казачы Спас». Кіраўнік – Пятро Барысавіч Шапко, 29.07.1976 г.н. (архіў на профіль, на фота, на кантакты).

П.Шапко асабіста ажыцьцяўляў пастаўкі гуманітарнай дапамогі Руху «наваросія» Ігара Гіркіна-Стралкова ў г.Растове-на-Доне. Сустракаўся з «апалчэнцамі», меў кантакты нават з адным з «камбатаў» баявікоў. Некалькі разоў на тыдзень арганізуе заняткі ў самаабароне і ў прыкладным рукапашным баі, на якія прыходзяць актывісты «Антымайдана», які фінансуецца наўпрост з Нацыянальна-вызвольнага руху (НОД) з Масквы, чый старшыня Уладзімер Рыжанкоў адкрыта заяўляў у СМІ пра штучнасьць існаваньня беларускае мовы і Беларусі наагул. ВПК “Казачы Спас” арганізуе штогадовыя лягеры падрыхтоўкі для дзяцей 14-18 гадоў і палявыя выхады для магчымых будучых баявікоў (архіў), якія, цалкам магчыма, пасьля будуць пакліканыя змагацца з ворагамі праваслаўя і «рускага сьвету».

Каб зразумець у якім духу гадуюць выхаванцаў арганізацыі, быў сьпярша прааналізаваны кантэнт сайту “Казачага Спаса”, на якім маецца дастатковая для гэтага колькасьць фота-, відэаматар’ялу і тэкставых публікацыяў. Вось, напрыклад, некаторыя артыкулы, якія можна знайсьці на гэтым сайце: «Сьмерць і ўваскрасеньне Малой Русі: сутнасьць таго, што адбываецца ва Украіне», «Вышкалы НАТА: Расейцаў у канцлягеры, флёт зьнішчыць», «Аляксандар Уладзімераў. Сытуацыя ў сьвеце сьведчыць пра падрыхтоўку ЗША да сусьветнай вайны», «Адказ казака Нацыянал-пітэкантрапу».

Затым была дасьледаваная інфармацыя, якая ёсьць у адкрытым доступе што да інструктараў групоўкі, якія непасрэдна займаюцца падрыхтоўкай навабранцаў. З словаў П.Шапко, інструктары ВПК «Казачы Спас» выязджалі на “вайскова-патрыятычныя” зборы ў Расею, дзе пераймалі досьвед ад вайскоўцаў, якія служылі ў 45 АПСпН ПДВ ЗС РФ (з 2015 г. 45 гв. АБрСпН), які прымаў удзел у акупацыі Грузыі ў 2008 г. Вось, напрыклад, адзін з гэтых інструктараў – Аляксандар, які не хавае сваіх сувязяў з афіцэрамі расейскіх спэцпадразьдзяленьняў і ўслаўляе расейскую зброю (архіў).

На момант падрыхтоўкі гэтага матар’ялу, прозьвішча гэтага інструктару пакуль не было вызначанае. Яшчэ адным інструктарам групоўкі ёсьць Гук Міхаіл Мікалаевіч.

М.Гук быў зафіксаваны ў асабістай ахове аднаго зь ідэолягаў і натхняльнікаў “рускага сьвету”, а таксама стваральніка і лідэра “Антымайдана” Мікалая Старыкава, падчас яго апошняга візыту ў г.Менск, 16 лістапада 2015 г. Напярэдадні прыезду Старыкаву было адмоўленае ва ўсіх пляцоўках для правядзеньня сустрэчаў і ён вымушаны быў задаволіцца заляй у будынку Дома Масквы ў Менску. Падчас пачатку выступу адыёзнага змагара “духоўных скрэпаў” адбыўся інцыдэнт з удзелам прадстаўнікоў беларускай моладзевай апазыцыйнай арганізацыі “Малады Фронт”, які перарос у патасоўку з байцамі “Казачага Спаса”, некаторыя зь якіх паводле наяўных фота- і відэасьведчаньняў былі апазнаныя (1, 2). Варта таксама зазначыць, што за некалькі дзён перад прыездам М.Старыкава ў гэтым жа будынку ўрад Масквы праводзіў канфэрэнцыю “Захаваньне, падтрымка і прасоўваньне расейскай культуры і мовы за мяжой”, якая на працягу трох гадоў праходзіла ў Сэвастопалі, а пасьля анэксыі Крыма Расеяй у 2014 г. пераехала менавіта ў Менск.

Як ужо было зазначанае, сілавыя структуры зьдзяйсьняюць усебаковую дапамогу ў арганізацыі летніх лягероў падрыхтоўкі, супрацоўнікі МУС прымаюць нават асабісты ўдзел у інструктажы магчымых будучых баявікоў. Пэўную колькасьць навабранцаў у шэрагі “Казачага Спаса” пастаўляюць, як гэта ня дзіўна, мясцовыя Інспэкцыі ў справах непаўнагадовых (ІСН). Такім чынам, інструктары групоўкі маюць справу таксама з значным прытокам “цяжкіх” дзяцей, якія праз адпаведную апрацоўку могуць стаць досыць грознай зброяй (архіў фота: https://archive.is/AhVa1, https://archive.is/da7E2, https://archive.is/UQqkx, https://archive.is/lwpKA, https://archive.is/UQqkx, https://archive.is/tSMdw, https://archive.is/I5uvW).

Не адстаюць ад супрацоўнікаў МУС і прадстаўнікі Міністэрства абароны, якія штогод на базе в/ч 42715 ЗС РБ у г.п.Урэччы арганізуюць для “Казачага Спаса” летнія лягеры падрыхтоўкі маладых змагароў “рускага сьвету” і патэнцыйных будучых баявікоў. Выхаванцы лягеру вывучаюць рукапашны бой і вайсковую справу, яны праходзяць агульнафізычную, вагнявую, шыхтавую, тапаграфічную і мэдычную падрыхтоўку (архіў фота: https://archive.is/zNbmQ, https://archive.is/qYUWd, https://archive.is/RNn9T, https://archive.is/sRSFV, https://archive.is/sjxtN, https://archive.is/U1JYE, https://archive.is/PGiFp).

Сыстэма падрыхтоўкі патэнцыйных будучых баявікоў пачынаецца ў “Казачым Спасе” з малых гадоў і вельмі паходзіць на існуючую ў ісламскім фундамэнталізьме і джыхадызьме. Дзяцей з самага дзяцінства прывучаюць да зброі, да вайны, да падзелу ўсяго сьвету на сваіх і чужых, і самае гнюснае – да гатоўнасьці аддаць свае жыцьцё за нейкія навязаныя звонку, чужыя беларусам ідэалы і мэты (архіў фота: https://archive.is/0v0Dn, https://archive.is/ixYTw, https://archive.is/ussS8).

Адпаведную псыхалягічную, рэлігійную і ідэалягічную апрацоўку праводзяць таксама сьвятары РПЦ, экзархатам якой у Беларусі кіруе Мітрапаліт Разанскі Павал, які, цалкам магчыма, нават ня мае беларускага грамадзянства (архіў фота: https://archive.is/24iZQ, https://archive.is/AzbCc, https://archive.is/8xN66, https://archive.is/cIr9S, https://archive.is/amV4H, https://archive.is/OBwDL, https://archive.is/SMaGx).

Каб канчаткова і цалкам адкінуць пазасталыя сумненьні што да таго, якія погляды і перакананьні ўкладаюць у маладыя галовы інструктары і духоўнікі, падаем сьведчанні з профіляў сацсетак выхаванцаў гэтых, так званых вайскова-патрыятычных клюбаў, некаторыя зь якіх ужо спасьцігаюць асновы ваеннага мастацтва ў Вайсковай акадэміі ГШ ЗС Беларусі.

Вось, напрыклад, перад вамі – Арцём Цісьленка, 08.11.1997 г.н., г.Менск (архіў на профіль, на фота). На фатаздымку ніжэй ён зафіксаваны ў якасці кадэту “Казачага Спаса” падчас штогадовага летняга лягеру падрыхтоўкі “Патрыёт” (архіў фота).

А вось фатаздымак, у якім ён ужо ў якасьці курсанту Вайсковай акадэміі (архіў фота):

Заслугоўвае ўвагі скрыншот ягонага профілю і групаў, якія ён сабе дадаў:

Вось ён падчас сьвяткаваньня гадавіны нараджэньня правадыра сусьветнага пралетарыяту (архіў фота):

На посьце №1 ля вечнага вагню на плошчы Перамогі ў г.Менску (архіў на фота):

Ушаноўваючы памяць загінулых у апошняй сусьветнай вайне, якія аддалі свае жыцьці, у тым ліку, з-за дзеяньняў катаў сваіх народаў, Цісьленка, усё ж, узносіць гэтых тыранаў мінулага і сучаснасьці, здольных занурыць сьвет у новую бяду. Вось некаторыя ягоныя красамоўныя ўласныя пасты: (архіў: https://archive.is/UDkfd, https://archive.is/Wsdj7, https://archive.is/krqz4, https://archive.is/jtpYK):

Перад вамі яшчэ адзін малады “казачок” – Аляксей Магіроў, 25.06.1998 г.н., г.Менск (архіў на профіль, на фота)

фота: 2014 г., лягер падрыхтоўкі “Казачага Спаса” (архіў фота)

Дужа раім азнаёміцца ​​зь ягоным профілем і групамі, на якія ён падпісаны, а таксама пастамі, тут жа прывядзем толькі некаторыя зь іх (архіў: https://archive.is/V64MK, https://archive.is/Nakyu, https://archive.is/z9EBZ, https://archive.is/RrGVN, https://archive.is/6eXPk, https://archive.is/14jMy).

І, нарэшце, падаем вельмі цікавы пэрсанаж, якога, цалкам магчыма, вабіць у “Казачым Спасе” менавіта ідэалягічны складнік – Антон Гапонаў, 18.11.1997 г.н., г.Дзеснагорск, пражывае ў г.Менску (архіў на профіль, архіў на фота).

Вось партактыў Беларускага Рэспубліканскага Саюза Моладзі ўручае яму нейкія кнігі. Па ўсім відаць – прыстойны, культурны і выхаваны малады чалавек (архіў фота):

А вось ён разам з “Казачым Спасам” забаўляецца ў страйкбол (архіў фота):

Але варта толькі пачаць дасьледаваць ягоны профіль, як выяўляеш у ім нешта зусім жудаснае, якое цалкам не адпавядае міталягеме “дедывоевали”, пра патрыятычнае выхаваньне ўвогуле казаць не выпадае (архіў: https://archive.is/ZTlN1, https://archive.is/cQuOk, https://archive.is/8m7Hc, https://archive.is/bu6Jh, https://archive.is/OZLl0, https://archive.is/5zeyV, https://archive.is/dUwEt, https://archive.is/KQt8G, https://archive.is/Gdgot):

Гэта толькі вельмі невялікая частка цэлага альбому-энцыкляпэдыі расізму, фашызму, нацызму, чалавеканенавісьніцтва, які стварыў Гапонаў, што падпадае пад дзеяньне артыкулаў КК РБ пра распальваньне расавае, нацыянальнае, рэлігійнае варажнечы, прапаганды нацысцкае сымболікі або атрыбутыкі.

Як бачым, ВПК “Казачы Спас” зьбірае ў сваіх шэрагах недасьведчаных юнакоў, якія ў выніку праведзенай адпаведнай апрацоўкі могуть стаць і, цалкам мажліва, становяцца ваярамі “рускага сьвету” з рознай ступеньню любові да яго і гатоўнасьцю ахвяраваць сабою.

Сам лідэр групоўкі Пятро Шапко падчас гутарак з журналістамі акцэнтуе ўвагу на тым, што ўсе расейскамоўныя народы зьяўляюцца часткай вялікай “расейскай духоўнай еднасьці”. – Беларуская мова – гэта кітч! Мова, якую мы вывучаем у школах, – штучная, – кажа ён. І пасьля заканамернага пытаньня журналіста, ці не выказвалі ягоныя выхаванцы жаданьня ехаць ваяваць за «наваросію», ён, нібыта прызнае, што, маўляў, так, былі такія, але адгаворваў іх, як мог. Як бачым – цынізм вышэйшай катэгорыі.

Мы вырашылі дасьледаваць інфармацыю пра усіх грамадзянаў Беларусі, якія ёсьць у базе дадзеных “Чысьцец” Цэнтра “Міратворац”, дзеля выяўленьня іхных сувязяў з ВПК “Казачы Спас”. У выніку дасьледаваньня гэтай інфармацыі быў выяўлены Аляксандар Талкачоў, 02.10.1979 г.н., г.Менск, які фігуруе ў базе дадзеных, як тэрарыст незаконных збройных фармаваньняў. Падчас  пошуку інфармацыі былі выяўленыя яго дадатковыя профілі сацсетак, якія адсутнічаюць у базе дадзеных “Міратворца”, і было вызначанае, што ён таксама фігуруе пад прозьвішчам Пятроў (архіў на профіль “VK”, архіў на профіль “OK”). У профілі сацсеціва “VK”, дзе ён пазначаны, як Талкачоў (архіў на профіль), у сьпісе ягоных групаў, на якія ён падпісаны, як ні дзіўна, фігуруе і “Казачы Спас”. Аднак, у профілях Талкачова няма зьвестак, якія сьведчаць пра яго наўпроставы ўдзел у НЗФ на Данбасе, тут патрэбная дадатковая праверка і далучэньне да гэтага пытаньня спэцслужбаў з мэтай правядзеньня сьледча-апэратыўных дзеяньняў дзеля вызначэньня ступені вінаватасьці дадзенага фігуранту, а таксама ўсёй групоўкі “Казачага Спаса” у магчымай вярбоўцы баявікоў.

Скрыншот старонкі профілю А.Талкачова

Выкажам некаторыя здагадкі пра магчымае фінансаваньне гэтай “казачай” арганізацыі. Рэч у тым, што ВПК “Казачы Спас” знаходзіцца пад непасрэдным кіраваньнем МДГА “Горад без наркотыкаў”, заснавальнікам і актывістам якога зьяўляецца таксама Пятро Шапко. Цалкам магчыма, пад прыкрыцьцём прапагандысцкай дзейнасьці ў барацьбе з нарказалежнасьцю, якая зьдзяйсьняецца супольна зь мясцовымі аддзеламі адукацыі, і ажыцьцяўляецца фінансаваньне “казачай” групоўкі, а таксама вярбоўка новых чальцоў. Апроч гэтага, у чэрвені 2015 г. П.Шапко праз запрашэньне Фонда Гарчакова прыняў удзел у IV Акадэміі бясьпекі АДКБ (архіў).

Як вядома, Фонд падтрымкі публічнай дыпляматыі імя А.М.Гарчакова зьяўляецца няўрадавай арганізацыяй, якая створаная паводле распараджэньня прэзыдэнта РФ у 2010 г. і закліканая  прасоўваць зьнешнепалітычныя інтарэсы Расеі. Фонд ажыцьцяўляе фінансаваньне з фэдэральнага бюджэту РФ у выглядзе грантаў розных прарасейскіх арганізацыяў і СМІ за мяжой, тым самым фінансава падсілкоўваючы сваю пятую калёну ў гэтых краінах.

Цалкам мажліва, што мэтай вайсковага шкаленьня патэнцыйных баявікоў “рускага сьвету” на тэрыторыі Беларусі зьяўляецца падрыхтоўка расейскімі спэцслужбамі сцэнару дэстабілізацыі сытуацыі ў краіне з мэтай падаўленьня магчымага супраціву часткі сілавікоў і намэнклятуры з прабеларускімі настроямі з наступнай анэксыяй дзяржавы ў склад Расеі. Вядомы вайсковы экспэрт Дзьмітры Тымчук выказаў меркаваньне, што падобную ж дзейнасьць Расея разгортвала ў Данбасе і ў Крыме пад сьцягамі цяперашніх так званых “ДНР” і “ЛНР”. У сваіх папярэдніх матар’ялах і расьледаваннях Міжнародная валянтэрская супольнасьць InformNapalm ужо неаднойчы  асьвятляла тое, што значная частка вышэйшага вайскова-палітычнага кіраўніцтва Беларусі зьяўляецца патэнцыйнымі агентамі ўплыву Расейскай Фэдэрацыі, а шматлікія прадстаўнікі Дзяржаўнага Памежнага Камітэту мелі і, цалкам магчыма, маюць непасрэдныя сувязі з ФСБ Расеі. Гэты артыкул закліканы каталізаваць адэкватную рэакцыю той часткі беларускіх сілавікоў і чыноўнікаў, а таксама здаровых сілаў беларускага грамадзтва, якія змогуць запабегчы  дэстабілізацыі абстаноўкі ў Рэспубліцы Беларусь і спыніць рэалізацыю сцэнару на яе тэрыторыі, які пагражае нацыянальнай бясьпецы дзяржавы.

Матар’ял для публікацыі падрыхтаваў Дзяніс Івашын

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.