У беларускую рэдакцыю міжнароднае валянтэрскае супольнасьці InformNapalm зьвярнуліся неабыякавыя жыхары г.Гродна, якія выявілі і сфатаграфавалі на вуліцах гораду аўтамабіль Golf 2 з рэгістрацыйным нумарам 1893 KE-4, пад ветравым шклом якога красуецца сьцяг “наваросіі”.

Над прыборнай панэльлю была пакінутая таксама візытоўка з нумарам тэлефону, праз які атрымалася ідэнтыфікаваць уласьніка гэтага аўтамабілю.

Гэта жыхар г.Горадні Аляксей Сяргеевіч Кучар, 02.11.1991 г.н. (архіў профілю, архіў фота, архіў фотаальбому 1, архіў фотаальбому 2).

Сямейнае становішча – жанаты, жонка – Ганна Кучар (архіў профілю). Бацька – Сяргей Валер’евіч Кучар, 14.05.1969 г.н. (архіў профілю, архіў фота), палкоўнік, начальнік накіраваньня прызыву на вайсковую службу вайсковага камісарыята Гарадзенскай вобласьці. У 1991 г. скончыў Чалябінскую Вышэйшую Танкавую Камандную Вучэльню (ЧВТКВ). У 2010-2014 гг. дэпутат 26-га скліканьня Ашмянскага раённага Савета дэпутатаў Гарадзенскай вобласьці. У 2011 г. у званьні падпалкоўніка ачольваў Ашмянскі ваенкамат.

У выніку зьдзейсьненага расьледаваньня атрымалася вызначыць, што прыхільнік тэрарыстычных груповак “наваросіі” зьяўляўся курсантам Маскоўскага памежнага інстытута ФСБ Расеі (архіў). Цалкам мажліва, што ён ужо скончыў яго, як мяркуецца, у 2014 годзе.

Супольнае фота расейскіх і беларускіх курсантаў (архіў: https://archive.is/Mvxgu)

Фота зь геатэгам вуліцы, на якой знаходзіцца Маскоўскі памежны інстытут ФСБ Расеі (архіў фота: https://archive.is/uRlTq)

Журналісты беларускіх СМІ патэлефанавалі на пазначаны нумар у візытоўцы Аляксею Кучару, які пацьвердзіў, што гэтая машына належыць яму, а ад камэнтароў наконт сьцяга “наваросіі” адмовіўся, патлумачаўшы гэта тым, што ня будзе нікому даваць справаздачу. У адказ жа на тое, што ён, як будучы беларускі афіцэр абавязаны падтрымліваць афіцыйны курс дзяржавы, якая не вызнавала аніякіх “наваросіяў”, Аляксей даў зразумець, што гэта для яго ня ёсьць аргумэнтам.

Аляксей Кучар у саколцы з эмблемай ФСБ Расеі

Бацька Аляксея, як вынікае,  ня толькі не хавае сваіх сымпатыяў што да агрэсыі Расейскай Фэдэрацыі да сваіх суседзяў, але і ўсяляк вітае яе, дастаткова азнаёміцца ​​зь ягонымі пастамі ў сацсеціве “VK”.

падпалкоўнік Сяргей Кучар леваруч, ваенкам Ашмянскага вайсковага камісарыяту, фота 2011 году

Вось толькі некаторыя зь іх (https://archive.is/JbxuA, https://archive.is/G6dtc, https://archive.is/kh81z, https://archive.is/aBsQY, https://archive.is/FKPn9, https://archive.is/u1ucR):

Пад уплывам чаго сфармаваўся ў Аляксея Кучэра сьвятагляд новага дзівоснага рускага сьвету: ці то пад узьдзеяньнем свайго бацькі або ж падчас навучаньня ў Маскоўскім памежным інстытуце ФСБ – застаецца толькі здагадвацца. Бясспрэчным застаецца факт прысутнасьці на вуліцах беларускіх гарадоў патэнцыйных прыхільнікаў заўтрашніх сэпаратыстаў чарговых “народных рэспублік”, але ўжо на тэрыторыі Беларусі. Ніжэй ягоны красамоўны рэпост статусу групы “Вайна за Расею! Наваросія! Сірыя” з фатаздымкам бігборда, які папулярызуе беларускую мову, але зьмененага ў фаташопе.

Міжнародая валянтэрская супольнасьць InformNapalm у сваіх папярэдніх матар’ялах і расьледаваньнях ужо асьвятляла праблематыку таго, што значная частка вышэйшага вайскова-палітычнага кіраўніцтва Беларусі зьяўляецца патэнцыйнымі агентамі ўплыву Расейскай Фэдэрацыі, таксама як і тое, што шмат хто зь кіруючага складу Дзяржаўнага Памежнага Камітэту мелі і, цалкам магчыма , маюць непасрэдныя сувязі з ФСБ Расеі. Застаецца спадзявацца на адэкватную рэакцыю той часткі беларускіх сілавікоў і чыноўнікаў, якія не дапусьцяць дэстабілізацыі абстаноўкі ў Рэспубліцы Беларусь і засьцерагуць яе ад задумаў і намераў адэптаў расейскага сьвету.

Матар’ял для публікацыі падрыхтаваў Дзяніс Івашын

(CC BY) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Актыўны распаўсюд матар’ялу ў сацсетках вітаецца!