18 лістапада 2018 г. старшыня сталай дэлегацыі Украіны ў Парляманцкай Асамблеі NATO (ПА NATO) Ірына Фрыз перадала хаўрусьнікам справаздачу міжнароднае выведвальнае супольнасьці InformNapalm, прысьвечаную дзейнасьці расейскіх прыватных вайсковых кампаніяў (ПВК). Прэзэнтацыя адбылася падчас чарговай штогадовай сэсіі ПА NATO, якая праходзіць у Галіфаксе, Канада.

«Сёньня перадалі нашым партнэрам у Парламянцкай асамблеі NATO два асобныя даклады на тэму, якую разглядаюць на сэсіі, — дзейнасьць расейскіх прыватных вайсковых кампаніяў. Інфармацыя пра іх пададзеная ў асобных дакладах InformNapalm і Службы бясьпекі Украіны. Выкрытая дзейнасьць ПВК на Усходзе Украіны і ў Сірыі», — праінфармавала старшыня сталай украінскай дэлегацыі на сваёй старонцы ў Facebook.

Супольнасьць InformNapalm публікуе поўны тэкст сваёй справаздачы ў адкрытым доступе (вэрсія на ангельская мове).

У першай частцы справаздачы раскрытая роля расейскіх ПВК у збройных канфліктах. Другая частка прысьвечаная аналізу разьвіцьця ПВК у РФ пасьля распаду Савецкага Саюза ад парамілітарных арганізацыяў расейскіх казакоў да ПВК «Патрыёт». У трэцяй частцы пададзеная інфармацыя пра юрыдычны статус ПВК у Расейскай Фэдэрацыі. У чацьвертай частцы прыведзеныя доказы сувязяў расейскіх ПВК з урадам РФ: выкарыстаньне армейскай вайсковай тэхнікі, навучаньне пэрсаналу на тэрыторыі дзейнай вайсковай базы й перавозка наймітаў лятакамі Мінабароны РФ, наданьне баявых узнагародаў чальцам ПВК. У пятай частцы можна даведацца пра фінансаваньне ПВК, разгледжаная эканамічная выгода, якую атрымлівае ад прыцягненьня наймітаў у збройныя канфлікты вышэйшае вайскова-палітычнае кіраўніцтва Расейскае Фэдэрацыі. Шостая частка прысьвечаная аналізу пагрозаў, якія зыходзяць ад ПВК, для сусьветнага парадку. У фінальнай сёмай часткі справаздачы супольнасьць InformNapalm прапануе мажлівыя шляхі барацьбы з гібрыднымі войскамі РФ, якія выкарыстаўваюць прыватныя вайсковыя кампаніі ў якасьці прыкрыцьця.

У першую чаргу гэтая справаздача зацікавіць дыпляматаў, юрыстаў-міжнароднікаў, экспэртаў, якія займаюцца пытаньнямі сусьветнае бясьпекі, журналістаў і дасьледнікаў збройных канфліктаў. Сьціслая й даступная форма выкладаньня разьлічаная таксама і для шырокага кола чытачоў.

Матар’ял падрыхтаваны адмыслова для сайту міжнароднае выведвальнае супольнасьці InformNapalm.

Рэдагаваў і пераклаў на беларускую мову Дзяніс Івашын.

Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )

Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.