Цэнтар Дасьледаваньнў прыкметаў злачынстваў супроць Нацыянальнай Бясьпекі Украіны, Міра, Бясьпекі Чалавецтва і Міжнароднага Правапарадку “Міратворац” абвесьціў у вышук Абдэслама Салаха, які падазраецца ў датычнасьці да тэрарыстычных актаў, зьдзейсьненых у Парыжы ў ноч з 13 на 14 лістапада 2015 году.

Нагадваем, што пасьля таго, як у нядзелю ў прадмесьці Парыжа быў выяўлены аўтамабіль, які, як мяркуецца, выкарыстоўвалі ўдзельнікі нападаў, паліцыя прыйшла да высновы, што 26-гадовы Абдэслам Салах можа быць адзіным з нападнікоў, якому ўдалося схавацца. Паводле некаторых дадзеных, сярод тых, хто нападаў мог быць, прынамсі, адзін зь ягоных братоў. Сьледзтва мяркуе, што напады ў Парыжы рыхтаваліся ў прадмесьці Брусэлю, дзе жыў, прынамсі, адзін з удзельнікаў нападу. Паводле  словаў прадстаўнікоў сьледзтва, арганізацыя нападу мае міжнародны характар. Бэльгійская пракуратура зьдзяйсьняе ўласнае расьледаваньне гэтага злачынства. Экспэрты нагадваюць, што паказьнік колькасьці бэльгійцаў, якія далучыліся да “Ісламскае Дзяржавы”, адносна колькасьці насельніцтва краіны – самы высокі ў Эўропе. Французскія следчыя прапануюць паведамляць ім усё, што вядома пра народжанага ў Бэльгіі Абдэслама Салаха і пра ягонае магчымае мейсцазнаходжаньне. Пры гэтым паліцыя папярэджвае, што ён можа быць узброены і небясьпечны, таму набліжацца да яго ня варта.

Публікацыя падрыхтаваная з мэтай распаўсюду інфармацыі пра тэрарыста, які знаходзіцца ў вышуку: гэта больш эфэктыўная дапамога ў барацьбе з тэрарызмам, чым проста спачуваньне. Тэрарысты маюць ведаць, што ім не схавацца, што іх пазнаюць усюды, дзе б яны ні былі – ва Украіне, Грузыі, Беларусі, Расеі ці ў іншых краінах, дзе сочаць за нашымі публікацыямі.

Матар’ял падрыхтаваны міжнароднай валянтэрскай групай InformNapalm.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

 Актыўны распаўсюд вітаецца!