Нагадваем, што 16 лістапада 2015 году, у другой палове дня InformNapalm апублікаваў нататку “Цэнтар” Міратворац” просіць зьдзейсьніць дапамогу ў вышуку падазраванага ў тэрактах у Парыжы“, у якой было зазначанае, што Цэнтар Дасьледаваньняў прыкметаў злачынстваў супроць Нацыянальнай Бясьпекі Украіны, Міра, Бясьпекі Чалавецтва і Міжнароднага Правапарадку “Міратворац” прасіў аказаць дапамогу праваахоўным ворганам Францыі ў пошуку Абдэслама Салаха, які падазраецца ў датычнасьці да тэрарыстычных актаў, зьдзейсьненных у Парыжы ўначы з 13 на 14 лістапада 2015 году.

Перад публікацыяй супрацоўнікі Цэнтра “Міратворац” стварылі тэставы акаўнт у сацыяльным сеціве “twitter” з назовам “@peace_keeper_ua”. На сьцяне былі зробленыя ўсяго два твіты: запрашэньне падпісацца на акаўнт і абвестка пра дапамогу ў вышуку Абдэслама Салаха, падазраванага ў зьдзяйсненьні тэрактаў у Парыжы 13 лістапада 2015 г.

Адразу ж, пасьля публікацыі пачалася масаваная DDoS-атака на сайты “Міратворац” і “InformNapalm“, якая доўжылася з 14:24 да 18:39. Падчас атакі былі зафіксаваныя IP-адрэсы зь нібыта Эгіпта, Турэччыны, Віетнама, Ірана.

Паралельна з нападамі на сайты ў адміністрацыю сацыяльнага сеціва “twitter” пачалі паступаць скаргі з боку расейскіх карыстальнікаў пра нібы ганеньні і перасьлед:

Верагодна, што расейцам вельмі не спадабалася ініцыятыва “Міратворца” і InformNapalm пра просьбу дапамагчы ў вышуку міжнароднага тэрарыста Салеха: яны праз усе сілы спрабавалі зашкодзіць распаўсюджваньню гэтай інфармацыі.

Расея, як вядома, даўні спонсар міжнароднага тэрарызму, таму пазыцыя расейцаў з “актыўнай грамадзянскай пазыцыяй” зьдзіўленьня не выклікае. Зьдзіўленьне выклікае рэакцыя “twitter”. Мы далёкія ад думкі, што “twitter” падтрымлівае міжнародны тэрарызм або спачувае тэрарыстам. Тым ня менш, ён заблякаваў акаўнт “@peace_keeper_ua” за “targeted harassment”. Нагадваем, што адзіны твіт, які хоць нечым паказваў на чалавека, гэта менавіта абвестка пра вышук Абдэслама Салаха.

Мабыць, ня ўсё добра ў Дацкім каралеўстве, калі “twitter” можа заблякаваць акаўнт без разбіральніцтваў, зыходзячы толькі з колькасьці скаргаў. Зразумела, што сацыяльнае сеціва праэктавалі людзі зь іншым мэнталітэтам, якія не задумваліся пра тое, што любы аўтаматызаваны працэс можна выкарыстоўваць у злых намерах: у гэтым выпадку аўтаматыка грае ролю інфармацыйнае зброі.

Кепска тое, што “twitter” не прадпрымае аніякіх крокаў дзеля разьвязаньня сытуацыі. Прыгнечваюць і падвойныя стандарты: за заклікі да складаньня “ліпавых скаргаў” (чым, дарэчы, і зьяўляецца “targeted harassment”) “twitter” не прадпрымае ніякіх дзеяньняў, праз што дапускае  беспакаранасьць тых, хто рэальна парушае правілы, а ў гэтай сытуацыі яшчэ і патурае тэрарызму.

Матар’ял падрыхтаваны Міжнароднай валянтэрскай групай InformNapalm

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.