Пацьвярджаецца інфармацыя “Інформ-Напалм” пра перакідваньне (і падрыхтоўку да перакідваньня) у Растоўскую вобласьць падразьдзяленьняў (батальённых тактычных групаў) Цэнтральнае і Усходняе вайсковых акругаў ЗС РФ.

Сьледам за ідэнтыфікаванай намі БТГр 64-й АМСБр Усходняе вайсковае акругі з Хабараўска, у Растоўскую вобласьць  перакінутае падразьдзяленьне 36-й АМСБр (в/ч 06705, мейсца дысьлякацыі – г.Борзя) Цэнтральнае вайсковае агругі з Забайкальскага краю.

Дадзеную інфармацыю пацьвярджаюць профілі вайскоўцаў забайкальскай брыгады, якія былі выяўленыя падчас OSINT-выведкі, адзін зь іх належыць Івану Гладкову (https://vk.com/id193418275, http://ok.ru/profile/329795371671).

Апроч 36 АМСБр да выправы ў “растоўска-украінскую камандыроўку” рыхтуюцца падразьдзяленьне сумнавядомай 5-й танкавай брыгады (в/ч 46108 Улан-Удэ, Бурація, Дывізыйная) і 103-й ракетнай брыгады (в/ч 47130 Улан-Удэ-4, Бурація). Па ўсім відаць, мінулая “украінская камандыроўка” і прыклад з абгарэлым танкістам Даржы, значна скараціў паток тых, хто жадаў ваяваць, у зьвязку з гэтым камандаваньне акругі зьдзяйсьняе захады, каб любым чынам ажыцьцявіць новы набор кантрактнікаў “на мяса”, у тым ліку заклікаючы жадаючых праз вулічныя абвесткі.

Даведка: 36-я асобная матастралковая брыгада  – звычайнае вайсковае злучэньне пастаяннай баявой гатоўнасьці, у складзе мае танкавы батальён, тры матастралковыя батальёны, два зэнітных і зэнітна-ракетных дывізыёны, чатыры артылерыйскія дывізыёны, батальён сувязі, інжынэрна-сапёрны батальён, батальён выведкі, батальён матар’яльна-тэхнічнага забесьпячэньня і асобныя роты – сувязі, выведкі, РХБА, РЭБ і мэдыцынская. Адрэса: 674603, Забайкальскі край, г.Борзя-3, в/ч 06705.

Аўтар: Іраклі Камахідзэ

(с) Інфармацыя падрыхтаваная адмыслова для сайту InformNapalm, падчас перадруку й выкарыстаньні матар’ялу спасылка на аўтара і наш праэкт абавязковая.

Перакалад Дзяніса Івашына

RU: В Ростовскую область переброшено подразделение 36-й бригады из Забайкалья