Падчас маніторынгу прыгранічнага з Украінай ўчастка Растоўскай вобласці, які праводзіцца камандай InformNapalm.org ў рамках OSINT мерапрыемстваў, выяўлена перакідка свежага падраздзялення са складу 6-ай асобнай танкавай брыгады (в/ч 54096, месца дыслакацыі Ніжні Ноўгарад, Муліна) Заходняй ваеннай акругі.

Згодна са здабытай інфармацыі, падраздзяленне ў Растоўскую вобласць было перакінута да 20-тых чысел чэрвеня 2015 года, меркаваны склад – танкавая рота, месца часовага базавання – Мяснікоўскій раён. Інфармацыя па складзе ўдакладняецца, магчыма, разам з танкістамі ў Растоўскую вобласць перакінута паўнавартасная тактычная група 6-ай ТБр, у складзе мотастралкоў, артылерыі і падраздзяленняў забеспячэння.

Нагадваем, што гэта не першая “Растоўскі-ўкраінская” камандзіроўка танкістаў з Муліна. Яшчэ ўвосень 2014 года ў Матвеева-Курганскім раёне Растоўскай вобласці ў адным з палявых лагераў расейскай групоўкі фіксаваліся змешаныя падраздзяленьня 6-й танкавай брыгады, якія мелі адметныя ідэнтыфікацыйныя знакі ў выглядзе “тоўстых белых кропак”. Падбітыя і спаленыя танкі гэтай жа брыгады былі зафіксаваныя і ва Украіне. Больш за тое, ёсць відэа ад украінскіх байцоў з допытаў палонных расейскіх танкістаў з гэтай жа танкавай брыгады.

Пасля асенне-зімовай ратацыі, танкі Мулинскай брыгады ў Растоўскай вобласці больш не фіксаваліся, хутчэй за ўсё тэхніка, што засталася ў страі, была вывезена на рамонт. Ну а зараз, у рамках чарговай ратацыі, танкі 6-й брыгады зноў перакінутыя да ўкраінскай мяжы.

Заўвага: імёны і асобы расейскіх вайскоўцаў з 6-й ТБр схаваныя наўмысна, так бы застрахавацца ад ФСБ-шных сачыльшчыкаў-падціральшчыкаў, тым самым у нас ёсць магчымасць адсочваць дадзенае падраздзяленне далей.

Глядзіце тэматычныя тэгі па 6-й асобнай танкавай брыгадзе, падрыхтаваныя камандай InformNapalm.org раней:
– Чарговая хлусня расейскай прапаганды – танкі “Т-72ДЗ (БЗ)”. September 23, 2014
– Расейскія вайскоўцы з 6-й танкавай брыгады носяць форму Унутраных войскаў МУС РФ. October 1, 2014
– Ба! Знаёмыя ўсё танкі! October 30, 2014
– Куды знікаюць “тэрміновыя” расейскія кантрактнікі з Муліна. February 15, 2015
– Інтэрнэт-карыстальнікі ідэнтыфікавалі палонных расейскіх салдат пад Ілавайскам. March 22, 2015

Матэрыял да публікацыі падрыхтавалі: Іраклі Камахідзэ і krmvictory.

(С) Інфармацыя падрыхтавана спецыяльна для сайта InformNapalm, пры перадруку і выкарыстанні матэрыялу спасылка на аўтара і наш праект абавязковая.

Пераклад Кацярыны Катэнка

RU: В Ростовскую область переброшено подразделение 6-й танковой бригады.