Міжнародная валянтэрская супольнасьць InformNapalm публікуе ўнікальную выведвальную інфармацыю пра 300 + 1 “спартанцаў” з складу наймітаў падразьдзяленьня расейскае выведкі, вядомага пад умоўнай назвай прыватнае вайсковае кампаніі (ПВК) “Вагнэр”. Усе дадзеныя сабраныя, прааналізаваныя й перададзеныя для публікацыі экслюзіўна камандай праэкту “ИХТАМНЕТ_М0209”. Вядзецца пра гэты інцыдэнт:

Паводле інфармацыі актывістаў гэтага праэкту, 301 найміт, дадзеныя пра якіх пазначаныя ў гэтым расьледаваньні, непасрэдна ўдзельнічалі ў наступе ў сірыйскай правінцыі Дэйр-эз-Зор уначы з 7 на 8 лютага 2018 году.

Сярод іх 267 грамадзянаў Расейскае Фэдэрацыі, 19 наймітаў-калябарантаў з Украіны, 6 зь Беларусі, 3 з Малдовы, 2 грамадзяніны Армэніі, 2 з Казахстану, 1 грамадзянін Сірыі, 1 з Узбэкістану (частка зь іх мае таксама і грамадзянства РФ).

У выніку ідэнтыфікацыі баявікоў цалкам пацьверджаная інфармацыя Службы бясьпекі Украіны пра 67 «вагнэраўцаў», якія выправіліся ў “пуцінскі рай” у выніку ўдару артылерыі і вайскова-паветраных сілаў (ВПС) ЗША.

Лёс 154 баявікоў пакуль невядомы. Каманда праэкту “ИХТАМНЕТ_М0209” таксама зрабіла анонс, што падрабязная інфармацыя пра кожнага зь пералічаных у табліцы наймітаў, а менавіта – адрэсы пражываньня, акаўнты ў сацсетках, фота й іншая інфармацыя перададзеная супрацоўнікам Цэнтру “Міратворац” для ўнясеньня іх у базу дадзеных “Чысьцец”. Таму мы не будзем перанасычваць публікацыю залішняй графічнай інфармацыяй.

Актывісты зазначаюць, што як мінімум 81 пазаштатнаму супрацоўніку расейскага Галоўнага ўпраўленьня Генштабу (колішняе ГРУ) ЗС РФ удалося выжыць пасьля нападу ВПС ЗША, хаця многія атрымалі цяжкія параненьні. Вядома таксама, што ня менш за тры зь іх (Гаўрылаў, Пятроў і Птушко) напрыканцы 2018 году былі зафіксаваныя ў Судане.

“Візытоўка Яраша” для ПВК “Вагнэр”

Адным з кур’ёзных момантаў, на які зьвяртаюць увагу актывісты каманды “ИХТАМНЕТ_М0209”, зьяўляецца ідэнтыфікацыя баявіка з прозьвішчам Яраш. І гэта ня проста цёзка вядомага колішняга лідэру “Правага сэктару” і народнага дэпутату Украіны Дзьмітрыя Яраша, візытоўкамі якога расейская прапаганда палохала людзей на Данбасе. Гэта вымушаны цёзка, бо расейскі баявік раней хаваўся пад іншым прозьвішчам і ўзяў новае прозьвішча Яраш толькі ў 2018 годзе.

Вызначанае, што Яраш Міхаіл Іванавіч нарадзіўся 25.11.1972 г. у г. Слаўгарад Алтайскага краю, РСФСР. Жыве ў г. Калінінград, радыст экіпажу камандна-штабной машыны ПВК «Вагнэр», асабісты нумар М-0237. Паводле дадзеных “ИХТАМНЕТ_М0209” у 2014-2015 гадох ён ваяваў ва Украіне, а пазьней заўважаны ў Цэнтральнай афрыканскай рэспубліцы з прозьвішчам Дарашэнка. Ярашам стаў толькі пасьля экстранай эвакуацыі зь Сірыі ў лютым 2018 году. Верагодна, Дарашэнка зьмяніў свае прозьвішча таму, бо баяўся, што інфармацыя пра ягоныя злачынствы стане вядомаю ў Нямыччыне, дзе жывуць ягоныя сваякі.

Гісторыя з Дарашэнкам-Ярашам дазволіла вызначыць тэндэнцыю: шэраг наймітаў ПВК «Вагнэр» зьмяняюць свае прозьвішчы пасьля іхнае ідэнтыфікацыі.

Яшчэ адзін прыклад: адным зь ліквідаваных у Сірыі ў выніку «прыгожынскага наступу» зьяўляецца Лу Уладзімер Уладзімеравіч, 24.09.1982 г.н., родам з Хабараўску, пражывыў у Санкт-Пецярбургу. Выяўленае, што гэты баявік да траўня 2015 году меў прозьвішча Ляванскі (рас. Леванский), удзельнічаў у злачынствах ва Украіне (а яшчэ раней займаўся арганізацыяй прастытуцыі ў г. Хабараўску).

Дзякуючы Ярашу-Дарашэнку былі ідэнтыфікаваныя яшчэ 7 наймітаў ПВК «Вагнэр», якія зьмянілі свае прозьвішчы на прозьвішчы сваіх жонак. Такім чынам у няштатным падразьдзяленьні ГУ Генштабу ЗС РФ зьявілася свая ўласная «візытоўка Яраша». Але ў адрозненьне ад візытоўкі экс-лідэра “Правага сэктара», якая сталася страшным мемам для расейцаў, вагнэраўскі варыянт “візытоўкі” – гэта сымбаль страху стаць выяўленьным і ідэнтыфікаваным.

Падаем табліцу асабістых дадзеных баявікоў на расейскай мове згодна зь іхнымі дакумантамі:

Пераклаў на беларускую мову Дзяніс Івашын.

Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )

Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.