9 ліпеня 2017 году Памежная служба Украіны паведаміла пра затрыманьне грамадзяніна РФ “палкоўніка” Валерыя Гратава, які спрабаваў патрапіць у непрызнанаю “Прыднястроўскую рэспубліку” з фальшывым пашпартам грамадзяніна Украіны. Украінскі Кібэральянс атрымаў доступ да пошты Гратава. У гэтай публікацыі хактывіст Шон Таўнсэнд распавядзе, чаму Гратаў – “палкоўнік” у двукосьсі, пра тое, як зьдзяйсьняецца кантрабанда пад прыкрыцьцём псэўдаветэранскіх арганізацыяў і як Гратаў ледзьве не стаўся “генэралам” зь лёгкае рукі дэгенэрала Захарчанкі.

У шматлікіх фатаздымках калярытны Валеры “Саныч” Гратаў выхваляецца пагонамі палкоўніка, шаўронамі ПДВ і вайсковай выведкі РФ, ён пазуе ў атачэньні вядомых «палявых камандыраў» баявікоў, у тым ліку ён мае “сэлфі” з тэрарыстамі Мазгавым, Гіві, Матаролаю і двойчы “генэрал- маёрам” Захарчанкам.Нас сьпярша зьбянтэжыў ордэн Чырвонай Зоркі (нават памежнікі спачатку пераблыталі), але, пагледзеўшы больш уважліва, мы пабачылі, што насамрэч гэта брындзюлька з назовам «Ордэн генэрала арміі Маргелава». Адзін з чытачоў налічыў чатыры ордэны й тры мэдалі з «дзядзькам Васем».

“Саныч” адслужыў тэрміновую ў 1971 годзе, і пасьля гэтага, цалкам мажліва, ягоная вайсковая кар’ера скончылася, так што сяржант – гэта ягоная мяжа. Як зазначылі на адным з форумаў, на грудзях “героя” няма “пясочных” узнагародаў, значак пра сканчэньне вайсковае вучэльні таксама адсутнічае. Добра, што хоць мэдаль «Дачкам Айчыны» на сябе не начапіў, бо ён здатны шмат да чаго:

Гратаў усім распавядае, што да 1989 году ён быў трэнэрам у каратэ супрацоўнікаў КДБ МССР і зьяўляецца чэмпіёнам 1983 году, але ў сьпісе пераможцаў чэмпіянату Гратава няма. З аналізу ягонае паштовае скрыні мы даведаліся, што ён насамрэч быў трэнэрам у боксе ў школе алімпійскага рэзэрву. З 1989 году Гратаў займаўся аховай прэзыдэнта прыднястроўскае псэўдарэспублікі, мабыць, там яму і далі пазачарговае вайсковае званьне. У 1996 годзе Гратаў атрымаў грамадзянства Расеі:Ён знайшоў сабе новы занятак – далучыўся да ветэранскіх арганізацыяў “Саюз дэсантнікаў Расеі”, “Міжнародны саюз дэсантнікаў”. Магчыма, “Саныч” дайшоў бы і да міжплянэтнага дэсантнага саюзу, але ва Украіне пачалася вайна, і Гратаў вырашыў пашукаць шчасьце на акупаваных тэрыторыях, дзе канкурэнцыя на ніве псэўдапатрыятычнага ашуканства значна меншая. У Данецку яму далі кватэру (верагодна, захопленую), і, як ён сам шмат разоў пісаў у лістох, «гадавалі яго», бо грашовага забесьпячэньня ў яго не было. Хаця Гратаў мае даведку з в/ч 08805 (“Оплот”) расейскага акупацыйнага корпусу пра тое, што ён выконваў баявыя задачы й «уздымаў маральна-патрыятычны дух» акупантаў, пра свае баявыя подзьвігі «Саныч» не згадвае аніводнага разу. Нягледзячы на тое, што ён любіць пазаваць з аўтаматам на руінах, пра сябе сьціпла піша: «знаходзіўся ў зоне баявых дзеяньняў».Вы, мабыць, зьвярнулі ўвагу на падзагаловак: «Государственной Думе Российской Федерации» (рас.). Гратаў дасылае такія лісты купамі, з дадаткам даведак, біяграфіі й свайго фотаальбому. Ён лістуе Кабзону, Астахаву, МЗС «ПМР» і Лаўрову ў МЗС РФ. Сустракаецца й дамаўляецца з «доктарам» Лізай наконт пастаўкавак лекаў для параненых расейскіх акупантаў (такія вось «дзеткі Данбаса»). Арганізуе знаёмствы, спрабуе сустрэцца з расейскім генэралам Сяргеем «Кобрай» Саламаціным, сустракаецца з дэпутатам Дзярждумы РФ Жураўлёвым (ліст EML). Наагул, усё як заўсёды, «россиян в Донбасе нет».У сьнежні 2014 году Гратаў захацеў вярнуцца дадому, у “Прыднястроўе”, і быў затрыманы ў аэрапорце Кішынева супрацоўнікамі SIB. Нічога не раскрывала «Штырліца», апроч сьцяга «новороссии» і тэрарыстычнага фотаальбому. Гратава абвінавацілі як найміта, аднак яго выратавала расейская амбасада, і ён быў дэпартаваны ў Маскву, а затым паноўна вярнуўся ў АРДЛА.Трагедыя недапалкоўніка ў тым, што «ПМР» з аднаго боку мяжуе з Малдоваю, дзе яго ведаюць занадта добра, а зь іншага – зь ня менш «сяброўскай Украінай», – і тут, мы спадзяемся, яму высунуць справядлівае абвінавачаньне ў тэрарызме. Як пажартавалі супрацоўнікі расейскае амбасады, «дадому ён зможа трапіць толькі ў мяшку з дыпляматычнай поштай» (ліст ад «Саюза ветэранаў Афганістана», EML). Быў яшчэ варыянт зьвяртацца па дапамогу ў ФСБ, каб яго пасадзілі ў вайсковы лятак падчас ратацыі расейскіх акупацыйных войскаў у “Прыднястроўі”. Аднак у ФСБ Гратаву паведамілі, што ён ніхто, пустое мейсца, і «палкоўнік» вырашыў скарыстацца фальшывым пашпартам. Ён мае іх два: Беларусі й Украіны. З фальшывым украінскім пашпартам зь імем Вайтэнкі Валерыя Георгіевіча яго й затрымалі ўкраінскія памежнікі.А ён жа ж ледзь генэралам ня стаў.

Невядома, ці вытрымала б тэрарыстычная «рэспубліка» двух падобных «генэралаў» (у фота яшчэ «палкоўнікі»):

Апроч бясконцых фотасэсіяў і раздачы «ордэнаў» і «мэдалёў», цікавая фінансавая дзейнасьць Гратава. Блізкасьць да кіраўніцтва псэўдареспублікаў надае фантастычныя магчымасьці для кантрабанды, паводле ўзору групы кампаніяў «Шэрыф» у “Прыднястроўі”. Вядзецца пра кантрабанду прадуктаў, вугалю, мэталу й іншых тавараў:

Падаем у арыгінале:

Перад кантрабандыстамі адкрываюцца новыя пэрспэктывы. Гратаў быў бы сьмешным, аднак здабыць давер правадыроў баявікоў і «кіраўніцтва» псэўдарэспублікаў ня надта проста (ліст, EML).

Пакідаем у арыгінале:

Таксама Гратаў нейкім чынам удзельнічае ў пагадненьні што да мэталапракату зь фірмай з Чалябінска (сума 2 мільёны 300 тысячаў рублёў і 18 тысячаў даляраў ЗША, ліст EML). Грошы суворыя Чалябінскія хлопцы з задавальненьнем узялі, але трубы ў маладую «рэспубліку» да гэтага часу так і не даехалі.

Фантазіі гэтым аферыстам не бракуе, яны разглядаюць любыя праэкты, ад вырошчваньня грыбоў да ўцягненьня ў працэс абмену палоннымі. Займаюцца разам з расейцамі і пастаўкамі экіпаваньня для тэрарыстычных бандаў на Данбас (ліст EML):

І, вядома ж, абмен валюты паводле рабавальнага курсу (ліст EML):

Пакідаем у арыгінале:

Виктор добрый вечер по семечки телефон +380 50 689 3853 Анатолий. от ДМИТРИЯ ЗАКОМОЛДИНА. Нужна гривна в любом кол-во на рубли какой курс, на этом деле чтобы мы с тобой заработали это не разовая работа рубли уже здесь.

ВИКТОР ДОБРЫЙ ДЕНЬ ПО ПОВОДУ ТВОЕГО ВОПРОСА ЕСТЬ ДВА ВАРИАНТА 1 В ЧЕЧНЕ 2 В РОСТОВЕ МОГУТ В ТЕЧЕНИИ МЕСЯЦА НО ДОРОГО МНЕ КАЖЕТСЯ ПРОСЯТ ОДИН МЛ РУБ.

Адное зь лепшых дасягненьняў расейскіх «дэсантнікаў» – настойка «Маргелаўская», 590 рублёў на складзе, 750 у розьніцы. «Никто кроме нас!» (ліст EML).Злачынец Гратаў можа на першы погляд здавацца камічным пэрсанажам. Але яму ўдаецца ўвесь час знаходзіцца каля правадыроў баявікоў, кіраўніцтва марыянэткавых рэспублікаў, расейскіх палітыкаў і вайскоўцаў, удзельнічаць у прапагандысцкіх праэктах, арганізоўваць кантрабандныя схемы й схемы забесьпячэньня тэрарыстаў. Валеры Гратаў зможа распавесьці сьледзтву шмат цікавага. Мэдыйныя пэрсанажы расейскае гібрыднае агрэсіі Матарола, Мазгавы й Гіві таксама былі фрыкамі й вайсковых акадэміяў ня скончвалі. Сьлед памятаць пра тое, што ахоўнік прыднястроўскага “прэзыдэнта” прыехаў ва Украіну забіваць і рабаваць. Ягоныя маскоўскія заступнікі ня толькі трывалі ягонае дзівацтва, але й зьдзяйсьнялі яму ўсебаковую падтрымку ў прапагандысцкай дзейнасьці. З кім заўгодна дэпутаты Дзярждумы, генэралы ФСБ і расейскай арміі не сустракаюцца, не забясьпечваюць падробленымі дакумантамі і не дапамагаюць вярнуцца ў “Прыднястроўе”. Без сумневу, Валеры Гратаў зьяўляецца агентам расейскіх спэцслужбаў, і кропку ў гісторыі ягонае падрыўное дзейнасьці паставіць украінскі суд.Поўныя архівы лістоў Валерыя Гратава і «Союза десантников Новороссии» перададзеныя супольнасьці InformNapalm хактывістамі UCA на эксклюзіўнай падставе. Вы можаце атрымаць копію архіву праз зварот на адрэсу ruheight@gmail.com. У публікацыях, што грунтуюцца на гэтым матар’яле (або копіі архіву), спасылка на InformNapalm і UCA абавязковая. Супольнасьць InformNapalm ня мае адказнасьці за спосабы атрыманьня інфармацыі і ейнае паходжаньне.

Пераклаў на беларускую мову Дзяніс Івашын.

Падчас выкарыстаньня інфармацыі актыўная спасылка на крыніцу абавязковая.
(Creative Commons — Attribution 4.0 International — CC BY 4.0 )

Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.