Першыя страты на Данбасе расейская армія зазнала задоўга да поўнамаштабнага ўварваньня на тэрыторыю Украіны ў жніўні 2014 году. Украінскі белы хакер-актывіст Яўген Дакукін яшчэ ў 2014 годзе апублікаваў дадзеныя з сэрвэраў МУС РФ па Растоўскай вобласьці. У масыве разнастайнае інфармацыі маюцца справаздачы з расейска-ўкраінскае мяжы. Валянтэры InformNapalm вырашылі вывучыць самыя цікавыя зь іх і зьдзейсьніць дадатковы факт-чэкінг інфармацыі з дапамогаю выведкі адкрытых крыніцаў інфармацыі.

У рапарце маёру паліцыі Н.П. Цыганкова апісаны эпізод з параненьнем адразу васьмі кантрактнікаў 18-й АМСБр (в/ч 27777) ЗС РФ. Падаем ніжэй у арыгінале апісаньне іхнага параненьня:

“22.07.14 года примерно в 04 ч. 45 мин. в результате несчастного случая (разрыва миномета)  ранены 8 военнослужащих Министерства Обороны России проходящих службу по контракту в МО 18 ОМСБР, 3 батальон по Чеченской республике:

1.Магомедов М.А. – тяжелое ранение
2.Плетнев И.В. – тяжелое ранение
3.Исаев Н.Д. – осколочное ранение
4.Могомедов Н.З. – осколочное ранение
5.Меликов С.Э. – осколочное ранение
6.Касумов Н.К. – осколочное ранение
7.Нисталиев Ф.Я. – осколочное ранение
8.Кортнизов Ш.И. – осколочное ранение

Данные ранения получили 22.07.14 примерно в 04ч. 30 мин., в результате разрыва миномета, в 3000 метров от границы РФ, по направлению х. Кожевня, Украина. Раненые военнослужащие на вертолете эвакуированы в госпиталь г. Ростова-на-Дону.”

У гэтым рапарце не пададзеная інфармацыя пра дакладнае мейсцазнаходжаньне мінамётнага разьліку падчас здарэньня. Хутар Кажэўня месьціцца непадалёк расейска-ўкраінскай мяжы (прыблізна за 500 мэтраў).

Найбліжэйшы расейскі населены пункт – Куйбышава, на той час часовы пункт базаваньня для перакідваньня падразьдзяленьняў ЗС РФ на мяжы, – знаходзіцца насупраць пункту памежнага пропуску Марынаўка. Улетку 2014 году ў гэтым раёне адбываліся актыўныя баі з расейскай арміяй за кантроль над Савур-Магілаю. Таксама за некалькі дзён да разрыву мінамёту недзе праз гэтую мясцовасць сьпешна эвакуявалі з Данбасу расейскі зэнітны ракетны комплекс 9К37 «Бук», які 17 ліпеня 2014 году зьбіў малайзійскі Боінг 777 рэйсу МН17.

Па гарачых сьлядох у лютым 2015 году мы выявілі некалькі акаўнтаў сацсетак удзельнікаў гэтай мінамётнай драмы. Параненьне расейскіх вайскоўцаў было пацьверджанае. Шараговец, кантрактнік Іван Плятнёў з Краснаярска лекаваўся ў вайсковай больніцы станіцы Калінаўская (Чачэнія), дзе дысьлякуецца ягоная вайсковая частка.

У адным з фатаздымкаў ён пазуе з мыліцамі, а таксама цешыцца з атрыманай вайсковай узнагароды – мэдалю Суворава. Гэта стандартная практыка ў расейскай арміі за часам актыўных баёў, калі за параненьне давалі мэдаль Суворава, а ў выпадку гібелі – Ордэн Мужнасьці пасьмяротна.

Неўзабаве Плятнёў выдаліў усе фатаздымкі, стварыў новыя акаўнты ў сацсетках (тры акаўнты ў «VK» і тры ў «OK»), зь якімі й патрапіў на «Міратворац».

Мы пачалі забываць на Плятнёва, але нам пра яго нагадала Галоўнае кіраваньне выведкі МА Украіны. Было выяўленае, што ў 2016 годзе Плятнёў адмовіўся ехаць на Данбас. «Адмоўнікі» ўжо мелі параненьні, якія яны зазналі на Данбасе, але гэтак і не атрымалі належныя выплаты.

У выніку Плятнёў вырашыў, што лепей мець дзьве нагі, чымся два мэдалі Суворава за параненьні. І, вядома ж, кепскі жарт зь ім згуляла мейсца параненьня. Цалкам мажліва, вялося насамрэч пра здарэньне, якое адбылося меркавана наўпрост на мяжы з Украінаю. Мэдаль, натуральна, далі, але вось грашыма прадказальна абдзялілі.

Матар’ял да публікацыі падрыхтаваў Кірыла Мяфодзіеў адмыслова для сайту міжнароднае выведвальнае супольнасьці InformNapalm.

Пераклаў на беларускую мову Дзяніс Івашын.

Падчас выкарыстаньня інфармацыі актыўная спасылка на крыніцу абавязковая.
(Creative Commons — Attribution 4.0 International — CC BY 4.0 )

Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.