Фігурантам нашага расьледаваньня зьяўляецца шараговец Аляксандар Бердышаў з гораду Цюмень, 03.12.1996 г.н. Аляксандар мае два профілі ў сацсеціве “VK” (першы профіль, фотаальбом; другі профіль, фотаальбом). Праз аналіз фатаздымкаў вынікае, што ўвосень 2015 г., пасьля заканчэньня тэрміновай службы, ён падпісаў кантракт і служыць у 200-ай артылерыйскай брыгадзе (Забайкальскі край, Улетаўскі раён, пгт. Горны, в/ч 48271). Зьвярніце ўвагу на нарукаўны знак, які пазначае падразьдзяленьне.

Для параўнаньня фатаздымак з сайту. Ёсьць толькі адзінае адрозненьне ад шаўрону: падкова на шаўроне Бердышава вышытая сінімі ніткамі, але не срэбранымі, як на фатаздымку.

Даведка: 200-я артылерыйская брыгада дысьлякуецца ў гарнізоне Дравяная (Забайкальскі край) і арганізацыйна мае наступныя падразьдзяленьні:

– гаўбічны артылерыйскі дывізыён (буксаваныя гаўбіцы 2А65 Мста-Б);

– рэактыўны артылерыйскі дывізыён (РСЗВ «Ураган»);

– супрацьтанкавы артылерыйскі дывізыён у складзе супрацьтанкавай батарэі і дзьвюх батарэяў ПТРК;

– выведвальны артылерыйскі дывізыён;

– падразьдзяленьні баявога тэхнічнага забесьпячэньня

Самы цікавы для нашага расьледаваньня фатаздымак Аляксандар выклаў у другі профіль у лютым 2016 году. На адным з фатаздымкаў ёсьць геатэг, які пазначае дакладныя каардынаты мейсца, у якім быў зроблены здымак: паўтары кілямэтры на ўсход ад населенага пункту Ayn Tantash.

Характэрна, што да расейскай авіябазы Хмэймім адсюль 33 км, да порту Тартус 83 км. Узгадаем нашае расьледаваньне “Як на далоні: InformNapalm выкрывае падробкі расейскіх прапагандыстаў ў Сірыі. Аналіз запозьненых сэнсацыяў”, у якім падаецца,  як расейскія прапагандысты зафіксавалі ў відэа трохгарматную батарэю “Мста-Б”, якая зьдзяйсьняе абстрэл навясной мэтодай, каб зьнішчыць аб’екты ў нізіне, за гарою. Каманды падаюцца на «чысьцюткім мясцовым дыялекце»: «Орудие-выстрел!». Трэба асабліва зазначыць , што ва ўзбраеньні сірыйскае арміі гэтых гарматаў няма, але 200-я АРБр мае цэлы дывізыён. У артыкуле таксама пададзеныя вызначаныя каардынаты батарэі, якая знаходзіцца за 150 мэтраў!!! ад мейсца, дзе сфатаграфаваўся Бердышаў. Каб канчаткова пераканацца, пагледзім на геалякацыю здымку.

У выніку мы атрымалі наступную інфармацыю для аналізу:

• Аляксандар служыць у 200-ай артылерыйскай брыгадзе

• ва ўзбраенні 200-ай артылерыйскай брыгады маюцца гаўбіцы Мста-Б

• расейскія прапагандысты здымаюць відэа стральбы батарэі Мста-Б у Сірыі

• геатэг і геалякацыя здымку Аляксандра сьведчаць пра тое, што зроблены ён быў за 150 мэтраў ад пазыцыі батарэі Мста-Б

• Аляксандар шараговец і ў свае дзевятнаццаць гадоў ня можа быць «вайсковым дарадцам»

Нагадаю, што ў сьнежні 2015 году валянтэры InformNapalm зафіксавалі ў гэтым рэгіёне падразьдзяленьне 291-ай артылерыйскай брыгады.

Фатаздымкі зь сірыйскімі краявідамі сьведчаць пра тое, што разам з Аляксандрам у «камандыроўцы» знаходзяцца наступныя ягоныя таварышы ў службе з 200-ай АРБр:

Мікалай Мусіхін (профіль, фотаальбом)

Дзьмітры Данілін (профіль, фотаальбом)

Юры Панцюшкін (профіль, фотаальбом)

Фаніс Саматаў (профіль, фотаальбом)

З поўным пералікам расьледаваньняў міжнароднае валянтэрскае супольнасьці InformNapalm, прысьвечаных выяўленьню сухапутных вайсковых частак ЗС РФ і ідэнтыфікацыі пілётаў ПКС РФ у Сірыі можна азнаёміцца ў разьдзеле: «Сірыя».

Матар’ял да публікацыі падрыхтавалі валянтэры міжнароднае супольнасьці InformNapalm Міхаіл Кузьняцоў і Victory Krm.

На беларускую мову пераклаў Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Мы заклікаем чытачоў актыўна пашыраць нашыя публікацыі ў сацыяльных сетках. Наданьне матар’ялам расьледаваньняў шырокае агалоскі здатнае зьмяніць хаду інфармацыйнага і баявога супрацьстаяньня з Крамлём. Разам пераможам!