Пачатак новага 2015 года адзначылася для баявікоў “ЛНР” ваўчкамі падзей, якія з’яўляюцца прадвеснікамі краху крамлёўскага праекта “Новароссіі”.

Мы хочам выбудаваць невялікую храналогію падзей апошніх дзён і распавесці аб дадатковых фактах, якія не былi асветлены раней ў прэсе.

29.12.14 кіраўнік Стаханаўскiх казакоў “ЛНР” Павел Дрымота запісаў гнеўны відэазварот да У. Пуціна у якім абвінаваціў яго стаўленікаў, у прыватнасці I.Плотнiцкага, ў крадзяжы і здрадзе, та запатрабаваў яго адстаўкі. Таксама Дрымота звярнуўся да шантажу і даў зразумець, што валодае кампраматам на сакрэтнай флэшке.

31.12.14 СБУ апублікавала запіс тэлефоннай размовы Паўла Дрэмава, які заявіў, што асабіста сустракаўся з прэм’ер-міністрам РФ Дзмітрыем Мядзведзевым. У размове ён згадаў, што казакам паабяцалi тэхніку і спецыялістаў з РФ: “Пры мне дадзены загад “Тамбову”да 15 студзеня – танкі, БМ-кі, гарматы і ўсё астатняе даць … У нядзелю” Тамбоў “прыязджае на інспекцыю – мы павінны паказаць яму склады … “.

генерал-маёр Кузовлев С.Ю. (“Тамбоў”)

З запісу зразумела, што нейкі “Тамбоў” з’яўляецца высокапастаўленым куратарам, дасланым з РФ. Мы вырашылі даведацца, хто ж такі “Тамбоў”, і правялі невялікае інсайдэрскае расследаванне. На ўмовах поўнай ананімнасці, ад двух розных крыніц у найбліжэйшым атачэнні кіраўніцтва “ЛНР” удалося высветліць, што пад пазыўным “Тамбоў” хаваецца высокапастаўлены расейскі афіцэр. А менавіта, генерал-маёр Кузаўлеў Сяргей Юр’евіч, які кіруе ўсімі пытаннямі забеспячэння бандфармаванняў “ЛНР” і іх каардынацыі з сіламі і сродкамі Расейскай Федэрацыі. З адкрытых крыніц пра яго вядома не вельмі шмат, але цалкам дастаткова для далейшай ідэнтыфікацыі: ў 1990 годзе ён скончыў Разанскае вышэйшае паветрана-дэсантнае каманднае вучылішча, камандаваў міратворчай брыгадай Прыволжска-Уральскай ваеннай акругі, быў начальнікам штаба 58-й арміі (якая “вымушала да міру “Грузію ў 2008-м), 22 лютага 2014 года ўказам прэзідэнта РФ яму было прысвоена званне генерал-маёр.

Хутчэй за ўсё, гэта не адзіны генерал, адпраўлены ў “камандзіроўку” на вайну з Украінай; менавіта такія людзі, а не утыркi накшталт “Мaтaролле” і “Гіві” кіруюць баявымі дзеяннямі супраць ўкраінскай арміі.

01.01.15 расeйскімі спецслужбамі праведзена рэзанансная зачыстка кіраўніка батальёна “ЛНР” “Бэтмен” Аляксандра Бяднова: разам з яшчэ 6 баявікамі яго спалілі з рэактыўных агнямётаў “Чмель”. Гібель Бяднова, спасылаючыся на свае крыніцы ў пракуратуры “ЛНР” і блізкім атачэньні баявіка, пацвердзілі вядомыя рупары прапаганды Крамля “iСorpus”, “News-Front” і “Anna News”. У той жа час 2/1 рэзанансную навіну аб зачыстцы Бяднова паспрабавалі згладзіць паведамленнямі, нібыта “ён жывы і здаровы, а яго смерць інсцэніравана ім самім”.

Найбліжэйшы час пакажа, каму з баявікоў Масква прыгатавала танкі ў дапамогу, а каму – “Чмялі” з засады. Па вялікім рахунку, гэта не мае асаблівага значэння, так як колькасць назапашанай тэхнікі і сіл суперніка дэманструе планы па нападам на Лісічанск і Папасная. У Дрэмава на пару з Мазгавым ў падпарадкаванні каля 4000 байцоў, але калі трэба, гэтую чараду павядуць і кадравыя расейскія вайскоўцы. Зыходзячы з уцечкі інфармацыі ад бліжэйшага акружэння кіраўніцтва “ЛНР”, пачатак нападаў запланаваны на 5-6 студзеня (як раз у ноч перад Калядамі), хоць шэраг аналітыкаў лічаць, што рэзкае пахаладанне да -20 градусаў, якое фігуруе ў прагнозах надвор’я, можа адтэрмінаваць гэтыя планы на 7-10 дзён. У любым выпадку, нішто не павінна ўсыпляць нашай пільнасці: ні інфармацыя аб міжусобіцах тэрарыстаў, ні крыкі рупараў Крамля аб “сліве Новароссіі”. Разлажэнне пуцінскага праекта вядома ў наяўнасці, але гэта яшчэ не перадсмяротная агонія.

Памятаеце, пакуль праціўнік не выпусціў дух, ён яшчэ здольны нашкодзіць. Цярпення і сіл. Перамога будзе за намі. Слава Украіне!

Пры перадруку матэрыялу спасылка на INFORMNAPALM.ORG абавязковая.

Пераклад ад Кацярыны Катэнка