Сёння большасць украінскіх СМІ са спасылкай на дакумент, які апублікавала выданне Bloomberg, паведамілі, што СБУ раскрыла дадзеныя аб расейскім ваенным камандаванні, якое кіруе наймітамі «ДНР» і «ЛНР» на Данбасе. Гэтую інфармацыю пацвердзіла амерыканская разведка пасля таго, як атрымала справаздачу СБУ ад 16 чэрвеня. У матэрыяле гаворыцца, што баявымі дзеяннямі на ўсходзе Украіны кіруюць 5 генералаў і палкоўнік ЗС РФ.

Па дадзеных СБУ, баявікамі камандуюць:

Генерал-маёр Алег Цэкаў, камандзір 200-ай асобнай мотастралковай Пячэнгскай брыгады. Яго яшчэ называюць Алегам Турнавым (камандзір другой брыгады народнай міліцыі «ЛНР»).

Генерал-маёр Валерый Саладчук з’яўляецца камандзірам так званай «першай арміі сіл Новарасеі».

У раёне Данецка гібрыднай арміяй кіруе генерал-маёр Аляксей Завізьйон.

Дарадцам па баявой гатоўнасці ў «ЛНР» з’яўляецца палкоўнік Анатоль Баранкевіч – былы міністр абароны Паўднёвай Асеціі. Ён дзейнічае разам з генерал-маёрам Раманам Шадрына, які ўзначальвае МГБ тэрарыстаў «ЛНР».

Таксама ў справаздачы паказваецца, што ў раёне Луганска рэгулярнымі падраздзяленнямі расейскага спецназа кіруе генерал-маёр Сяргей Кузаўлёў. Пра яго InformNapalm.org ўпершыню паведамляў у зводках за 3 Студзеня 2015 года. Таксама ад 24 Студзеня 2015 года давалі пацверджанне гэтай інфармацыі ў матэрыяле “Генерал на браневіку”. Цікава тое, што дадзены генерал меў пазыўны “Тамбоў” і гэты пазыўны пераходзячы. Па нашых дадзеных у сакавіку-красавіку 2015 ён вярнуўся па ратацыі ў Расею і яго замянілі на іншага высокапастаўленага афіцэра, які атрымаў у спадчыну той жа пазыўны – “Тамбоў”. Гэтым афіцэрам стаў намеснік камандуючага 58-й агульнавайсковай арміяй генерал-маёр Яўген Нікіфараў.

Фота: генерал-маёр Яўгеній Нікіфараў
Дарэчы, раскрыццё расейскіх генералаў стала магчыма дзякуючы кампрамату, запісанаму кіраўніком Стаханаўскіх казакоў “ЛНР” Паўлам Дрэмавым на “сакрэтную флешку”, пра якую ён казаў у сваім відэазвароце. Менавіта П.Дрэмаў неаднаразова станавіўся фігурантам радыёперахопу СБУ, з прычыны якіх былі раскрыты шматлікія правакацыі баявікоў. Відавочна, што сліў інфармацыі па высокапастаўленым расейскім афіцэрам таксама з’яўляецца заслугай Стаханаўскагп казацтва.

Яшчэ адной цікавай дэталлю з’яўляецца той факт, што незадоўга да фізічнай ліквідацыі расейскімі спецслужбамі камандзіра батальёна ЛНР “Прывід” Аляксея Мазгавога Павел Дрэмаў напісаў сумесна з ім зварот да старшыні Дзяржаўнай думы РФ Сяргею Нарышкіну і старшыні Савета Федэрацыі Валянціне Мацвіенка, які быў адпраўлены 19 мая 2015 . Такім чынам, не разумеючы сутнасці гульні Крамля апальныя палявыя камандзіры спрабавалі заручыцца падтрымкай ўрада РФ, адначасна збіраючы кампрамат і спрабуючы з дапамогай шантажу, як у выпадку з флэшкай і публічнымі заявамі, так і з дапамогай ня хітрых інтрыг весці падвойную гульню.

Сумесны зварот Аляксея Мазгавога і Паўла Дрэмава

Вяртаючыся да сутнасці апублікаванай справаздачы варта адзначыць, што яна складзена хутчэй па абрывістым матэрыялам соцсетак, чым па дадзеных разведкі і не адлюстроўвае поўнага аб’ёму інфармацыі па сілах ўварвання, даступнай у тым ліку і на нашым сайце InformNapalm.org

Магчыма, гэта толькі частка справаздачы, якую дазволілі прадэманстраваць шырокай аўдыторыі, але вельмі верагодна, што гэта лайт-версія, спехам сабраная за адну ноч.

Але, не ведаючы ўсіх умоў і перадумоў перадачы гэтага матэрыялу амерыканскаму выданню, мы не будзем рэзка крытыкаваць выканаўцаў СБУ, магчыма, непераканаўчасць справаздачы была закладзена першапачаткова ва ўмовах яе напісання.
Варта адзначыць, што на сайце Службы бяспекі нам пакуль не ўдалося знайсці гэтай справаздачы, што прасачылася ў замежныя СМІ.

У цэлым, як СБУ, так і нашай валанцёрскай групе ёсць над чым працаваць, велізарны масіў дадзеных, здабытых камандай InformNapalm з профіляў ў соцсетях расейскіх вайскоўцаў і баявікоў незаконных узброеных фарміраванняў да гэтага часу застаецца незаўважаным на афіцыйным узроўні. Замежным разведкам працягваюць падсоўваць вельмі бедныя справаздачы, як бы намякаючы: “Мы не хочам смяротнай зброі, мы – церпілы, у нас як бы АТО, а не вайна” …

У які раз пераконваемся, што не была яшчэ напісана тая самая справаздача, прачытаўшы якую мы змаглі б сказаць – “Вау, гэта яно!”. Але тым цікавей …

Roman Burko спецыяльна для InformNapalm.org

Пераклад Кацярыны Катэнка