Апошнія пару тыдняў мы атрымліваем паведамленні ад інсайдэраў пра назапашванне тэхнікі ў Еленаўцы і Дакучаеўске. На першы погляд можа здацца, што гэта падрыхтоўка да наступу на Марыупаль. Але так як баявікі кажуць аб выхадзе да межаў адміністрацыйных абласцей, то ўдар на захад непазбежны. Акрамя таго, ім неабходна прыкрыць флангі паўднёва-заходняга ўдару. Хутчэй за ўсё, тэхніка там назапашваецца для ўдару Еленаўка-Андрэеўка праз Парасковіеўку і Успенаўку. Па нашых падлікам там знаходзіцца амаль танкавы батальён; прымаючы пад увагу інфармацыю ад відавочцаў — механізіраваны батальён. Перавагай такога ўдару ёсць рух ўздоўж вады і выхад у тыл падраздзяленнямі, якія грунтуюцца ў Курахава і ваколіцах. Паколькі такім ударам баявікі моцна расцягваюць свае камунікацыі, ускладняючы забеспячэнне, то яны павінны паклапаціцца аб прыкрыцці сваіх тылоў. Калі паглядзець на карту, то можна ўбачыць адзіную добрую дарогу, якая дазволіць хутка перакінуць тэхніку: Угледар-Парасковіеўка. З мэтай кантролю над гэтай дарогай баявікі, хутчэй за ўсё, паспрабуюць дайсці да Угледар.

Што датычыцца Валнавахі, то ў Старабешева і Камсамольскім засяроджана вялікая колькасць сіл (дакладная колькасць тэхнікі невядома, мяркуючы па інфармацыі ад інсайдэраў — не менш за дзве брыгады). Акрамя таго, значныя сілы сканцэнтраваны і ў Цельманава. Ўдару Цельманава-Гранітнае-Валнаваха, хутчэй за ўсё, не буде з-за натуральнай воднай перашкоды ў выглядзе ракі Кальміус. Акрамя таго, нізкая актыўнасць баявых дзеянняў у названым раёне дала магчымасць 72-й брыгадзе акапацца і ўмацавацца: выбіць іх будзе праблематычна. Замест гэтага ўсё, што стаіць у Камсамольскім і Старабешева, будзе кінута на Валнаваху і толькі пасля яе захопу баявікі змогуць развіць наступленне на Марыупаль і Гранітнае, заходзіць у другім выпадку ў тыл 72-й брыгадзе. З мэтай адцягненне ўвагі ад асноўнага напрамкі, баявікі, хутчэй за ўсё, нанясуць удар Цельманава-Гранітнае. Акрамя таго, з Валнавахі адкрыта прамая дарога на Марыупаль. Але варта ўлічыць, што адлегласць там даволі такі вялікая, і траса ідзе па адкрытай мясцовасці. Менавіта таму ў паўднёвым накірунку і сцягваюцца комплексы СПА, іх мэтай будзе прыкрыцце надыходзячай групоўкі ад АТРК “Кропка-У” і РСЗА “Смерч” (“Ураган”). У выпадку паспяховага выхаду да Марыупаля баявікі ў горад не пойдуць, а паспрабуюць выйсці да Мангуша з мэтай адрэзаць забеспячэнне.

Яшчэ адзін довад на карысць тэорыі абхапляючага ўдару — выхад тэхнікі з Пятроўскага раёна Данецка. Мы спрабавалі знайсці яе ўсюды. Не атрымалася патрапіць толькі на жылплашчадку шахты №29 і Трудоўскія, а менавіта, у раён асфальта-бітумнага завода. Хутчэй за ўсё, там сканцэнтравана невялікая групоўка, задачай якой будзе стрымліванне наступу сіл АТО з боку Мар’інкі (калі яны ўсё-ткі вырашацца) і імітацыя ўдару Мар’інка-Курахова з мэтай адцягнення ўвагі ад асноўнага напрамка (Еленаўка-Андрэеўка).

Калі прааналізаваць падзеі на паўночным накірунку, то тут варта адзначыць павялічванне колькаснага складу ў Горлаўцы. Здавалася б, што ўсё гатова для паходу на Канстанцінаўку, але і тут знаходзіцца натуральнаяе перашкода, якая некалькі ўскладняе баявікам задачу пры паходзе на поўнач: ўрочышча Клябан-Бык (пачынаецца паміж Дабрапрольем і Канстанцінаўскім і заканчваецца побач з Арцёмаўскам). Праўда, ёсць варыянт пачатку наступлення ў бок Чырвонаармейска і Дзімітрава з Горлаўкі: там стэпы і мала водных перашкод. Акрамя таго, гэты напрамак знаходзіцца на стыку сектараў. Ўяўнае глупства такога ўдару знікае, калі ўспомніць аб магчымым ўдары Еленаўка-Андрэеўка. У выпадку паспяховага выніку апошняга, армія так званай “ДНР” можа закрыць кацёл, у якім будзе знаходзіцца амаль увесь сектар Б (ўдары Андрэеўка-Чырвонаармейск і Чырвонаармейск-Андрэеўка), а каб пакінуць сектар магчымасці перакінуць рэзервы для нанясення флангавых удараў і адсеч камунікацыі, баявікі, хутчэй за ўсё, завяжуць баі ў ДАП і Песках, імітуючы наступ на Аўдзееўка. Што датычыцца сектара С, то ён не зможа прыйсці на дапамогу яшчэ і таму, што сам будзе мець праблемы ў раёне Арцёмаўска. Мяркуючы па колькасці тэхнікі і сіл баявікоў, якія перамяшчаюцца ў Стаханаў, можна зрабіць выснову, што рыхтуецца паход на поўнач. Як будзе ён ажыццяўляцца, калі Пуцін такі вырашыць, мы ўжо пісалі: ўдары Горлаўка-Маёрск-Арцёмаўск і Першамайск-Арцёмаўск, пры гэтым частка сіл будзе звязана баямі па накірунку Калінава-Светладар.

Пераходзім да сектара А. Тут таксама пагражае ўдар у разрэз сектараў. Баявікі, хутчэй за ўсё, рыхтуюцца прайсці на Лісічанск. Пры гэтым яны, хутчэй за ўсё, паспрабуюць скаваць нашы сілы ў раёне Трохізбенкі, імітуючы пераход праз Северскі Данец (сілы назапашваюцца ў Стаханава і Алчэўску). Акрамя гэтага, армія так званай “ЛНР” будзе змагацца за станіцу Луганскую, хутчэй за ўсё, ввядзе войскі з боку Мілерава і распавядаючы ўсім, што яны пратачыліся ўздоўж мяжы. Аб адной з перапраў праз Данец можна пачытаць у артыкуле “Замест анансаванага маста праз Керчанскі праліў, таемны мост праз Северскі Данец“, колькі ўсяго такіх перапраў — невядома. У выпадку паспяховых вынікаў пад Лісічанск і станіцу Луганскай войскі рушаць на Шчасце з поўначы і з паўднёва-усходу.

Гэта была караткастрочная перспектыва. Калі казаць пра доўгатэрміновую, то тут варта згадаць магчымасць паходу на Славянск з боку Арцёмаўска. Акрамя гэтага, існуе пагроза праходу баявікоў з Добраполья ў Краматорск па дарозе другараднага значэння, якая, дарэчы, мае неблагі стан, а таксама не мае блокпастоў ВСУ і НГ.

Што датычыцца Луганскай вобласці, то тут баявікі на поўнач не пойдуць, таму што памятаюць стаўленне да іх жыхароў Сватава і Старабельска — калі не выйшла ў мінулым годзе, то ў гэтым не выйдзе тым больш.

Ну і апошняе: прыйшла вясна, пачынаюць распускацца лісточкі на дрэвах. Хутка пойдзе зялёнка. Як бы не было паходу на Ямпаль і Чырвоны Ліман, там жа і Данец з яго парослым лесам берагамі, і лясныя масівы, якія цягнуцца на шмат кіламетраў…

Зводкы падрыхтавалі ваенныя аналітыкі групы InformNapalm Арцём Васіленка і Цімур Мелік. Пераклад ад Кацярыны Катэнка

Пры перадруку матэрыялу спасылка на INFORMNAPALM.ORG абавязковая.