Дзярждэпартамэнт ЗША з 2 лютага 2019 года прыпыніў свае абавязацельствы ў межах Дамовы пра ліквідацыю ракетаў сярэдняе й малое далёкасьці (ДРСМД). Гэты крок выкліканы ігнараваньнем Расеяй ультыматыму ў зьвязку з парушэньнем ёю пазначанай Дамовы.
Свае рашэньне Злучаныя Штаты тлумачаць тым, што ў сытуацыі, калі Расея стала парушае ДРМСД, яны ня могуць быць абмежаваныя патрабаваньнямі гэтай Дамовы. Пра мажлівасьць такога рашэньня Злучаныя Штаты заявілі яшчэ 4 сьнежня 2018 году з высоўваньнем адпаведнага ультыматуму пра прыпыненьне сваіх абавязальніцтваў у межах ДРСМД у тым выпадку, калі Расея на працягу 60 дзён ня вернецца да выкананьня Дамовы. Гаворка вядзецца пра ракетную сыстэму SSC-8 альбо 9M729. Калі ж Расея ня знішчыць усе пазначаныя ракеты, пускавыя ўстаноўкі й абсталяваньне да іх на працягу наступных 6 месяцаў, Дамова будзе цалкам скасаваная.
На падставе дадзеных пра дзяржаўную абаронную замову РФ у 2015-2016 гадох, эксклюзіўна надазденых InformNapalm для аналізу й публікацыі валянтэрамі Украінскага Кібэральянсу ў лістападзе 2016 году, можам выказаць здагадку, што, мажліва, менавіта ў 2016 годзе расейцы пачалі вытворчасьць крылатых ракетаў 9М729, якія парушаюць ДРСМД. Пра гэта сьведчыць кантракт ДКБ «Наватар» на суму 24.297.924.950 рублёў ($371 млн. паводле сёньняшняга курсу).
18 верасьня 2017 году на палігоне Капусьцін Яр у межах вышкалаў «Запад 2017» быў зьдзейсьнены навучальна-баявы пуск ракеты 9М729 на максымальную далёкасьць. Ракета праляцела 480 км.
Дамова пра ліквідацыю ракетаў сярэдняе й малое далёкасьці была ўхваленая 7 сьнежня 1987 году Рональдам Рэйганам і Міхаілам Гарбачовым. Паводле гэтай дамовы прадугледжаная забарона вырабу й выпрабаваньня наземных ракетаў з радыюсам дзеяньня ад 500 да 5000 км.
Чытайце таксама: Сакрэты дзяржзамоваў МА РФ: ТОП-200 самых дарагіх кантрактаў
Расея фарсуе новы пачатак гонкі ўзбраеньняў, праз што актыўна набліжае свой канец.
Матар’ял падрыхтаваны адмыслова для сайту міжнароднае выведвальнае супольнасьці InformNapalm.
Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа