Падчас OSINT-выведкі, якую зьдзейсьнілі валантэры-дасьледнікі каманды InformNapalm, у сацсетках быў выяўлены профіль кадравага расейскага вайскоўца старэйшага лейтэнанта 17-й АМСБр ЗС РФ Сяргея Гелімара, які зьяўляецца “ветэранам” баявых дзеяньняў на Данбасе.

Праз вывучэньне дадзеных, якія пакінутыя ў профілі сацыяльнага сеціва, атрымалася вызначыць некаторыя дэталі біяграфіі і паслужнога сьпісу С.Гелімара.

Пяройдзем да дэталяў. Старэйшы лейтэнант Сяргей Міхайлавіч Гелімар (https://vk.com/dj_najim_hassas, архіў: https://archive.is/J9A5X), расейскі афіцэр, які праходзіць службу ў артылерыйскім дывізыёне 17-й асобнай матастралковай брыгады (в/ч 23132, дысьлякацыя Шалі, Чачэнія) Паўднёвае Вайсковае акругі ЗС РФ.

2008-2013 гг. С.Гелімар навучаўся ў МВАА (Міхайлаўская вайсковая артылерыйская акадэмія МА РФ, г.Санкт-Пецярбург). Пасля заканчэньня вайсковае вучэльні, у другой палове 2013 году ў чыне навасьпечанага лейтэнанта, для праходжаньня службы быў накіраваны ў 17-ю АМСБр, якая дысьлякуецца ў Чачэніі.

Нягледзячы на ​​тое, што ў профілі сацсеціва С.Гелімара нібы няма відавочных сьведчаньняў пра ягонае дачыненьне да расейскай авантуры, усё ж некалькі фота гэта засьведчылі. У першую чаргу, гэта ўзнагародны ліст да дзяржаўнае узнагароды “Ордэн Мужнасьці” №76703 з 28 кастрычніка 2014 году з подпісам прэзыдэнта РФ В.Пуціна.

Заўвага: “Ордэн Мужнасьці” – дзяржаўная ўзнагарода Расейскай Фэдэрацыі, якую атрымліваюць ейныя грамадзяне за самаадданасьць, мужнасьць і адвагу, якія былі праяўленыя падчас  выратаваньня людзей,  аховы грамадзкага парадку, барацьбы з злачыннасьцю, падчас стыхійных бедзтваў, пажараў, катастрофаў і іншых надзвычайных абставінаў, таксама за сьмелыя і рашучыя дзеяньні, якія былі ўчыненыя падчас выкананьня вайсковага, грамадзянскага або службовага абавязку ва ўмовах, якія прадугледжвалі рызыку для жыцьця.
З вышэйзгаданага і з улікам апошніх падзеяў, вынікае, што Гелімар мог атрымаць узнагароду такога ўзроўню, толькі за выкананьне вайсковага і службовага абавязку, які прадугледжваў рызыку для жыцьця, у выніку летне-восеньскай кампаніі ЗС РФ на Данбасе.

У фатаальбоме профіля сацсеціва С.Гелімара можна таксама знайсьці шэраг пастоў пра “наваросію” і цікавы групавы фатаздымак з надпісам “Гэта Луганск, тут вам наваляюць”. Апошняе фота Гелімара, з парада перамогі 9 траўня, зробленае ў г.Уладзікаўказ Паўночнае Асэтыі, каля мосту празь Церак. Ну і, вядома,  фота пагонаў “старэйшага лейтэнанта”, якія ён атрымаў 4 чэрвеня 2015 году на падставе загаду камбрыга.

Варта зазначыць, што падразьдзяленьні 17-й АМСБр ПВА з Чачэніі, яшчэ зь верасня 2014 году, неаднаразова былі зафіксаваныя ў кантэксьце “украінскіх камандыровак”:
– 17-я АМСБр ПВА ва Украіне

– “Танкіст” – расейскі афіцэр 17-й АМСБр, удзельнік летніх баёў 2014 г. на Данбасе

– “Бясслаўныя вырадкі”: помнік вайскоўцам 17-й матастралковай брыгады у Шалі
– Фатасьведчаньне: 17-я АМСБр на Данбасе, лета 2014
Аўтар: Іраклі Камахідзэ (Першасная інфармацыя па С.Гелімару была прадастаўленая нашымі сябрамі з праэкту “Міратворац”)
(с) Інфармацыя падрыхтаваная адмыслова для сайта InformNapalm, падчас перадруку й выкарыстаньня матар’ялу спасылка на наш праэкт абавязковая.

Пераклад Дзяніса Івашына

RU: Офицер 17-й ОМСБр ВС РФ награжден “Орденом мужества” за войну на Донбассе