16 лютага 2016 году на расейскіх прапагандысцкіх рэсурсах і ў групах ў сацсетках зьявілася паведамленьне, нібыта «ўкраінская армія абстраляла Луганск з РСЗВ «Ураган». Цікава, што на пададзеных разам з гэтай навіной фота і відэакадрах была зафіксаваная невялікая варонка і частка ракеты, якая з высокай ступеньню верагоднасьці зьяўляецца кампанэнтам ЗРК «Тор».

Цікава, што вэрсія пра выкарыстаньне РСЗВ «Ураган», якую спрабавалі разьвіць расейскія архітэктары прапаганды, не вытрымлівае аніякай крытыкі і вялікая частка камэнтатараў пад апублікаванымі фота сьцьвярджае, што на здымках рэшткі ракеты ЗРК, але не РСЗВ.
Верагодна, зразумеўшы, што  хутка зроблены фэйк мае слабы падмурак, расейскія прапагандысты адмовіліся ад далейшай ідэі маштабнае падтрымкі гэтай вэрсіі ў СМІ, таму паведамленьне пра «абстрэл з УРАГАНАЎ» зьявілася толькі на рэсурсах узроўню «news front» і ў групах сацсетак, напрыклад, «Сводки от ополчения Новороссии» (рас.).

Зазначым, што ў студзені 2015 году валянтэры міжнароднае супольнасьці InformNapalm таксама зьдзейсьнілі аналіз відэа і вызначылі перасоўваньне расейскага комплексу “Тор-М2” (9К332) у Шахтарску (Данецкая вобласьць, Украіна), які кантралюецца аб’яднанымі расейска-тэрарыстычнымі войскамі.

Выкарыстаньне тэрарыстамі ЗРК «Тор» таксама  было зафіксаванае і ў акупаваным Данецку 5 кастрычніка 2015 году.

Такім чынам, архітэктары расейскай прапаганды чарговага разу неўсвядомлена падалі факты для будучага вайсковага трыбуналу супроць кіраўніцтва РФ.

Нагадаем, што выяўленыя ЗРК «Тор» уваходзяць у ТОП-10 фактаў фіксацыі расейскай тэхнікі на Данбасе і зьяўляюцца чарговым доказам наўпроставай агрэсіі РФ супроць Украіны.

Матар’ял падрыхтаваны адмыслова для InformNapalm.