У адказ на агрэсіўныя дзеяньні Расейскае Фэдэрацыі ў Азоўскім моры й спробы эскаляцыі канфлікту на паўднёвым напрамку, міжнародная валянтэрская супольнасьць InformNapalm публікуе дадзеныя афіцэра Паветрана-касьмічных войскаў (ПКС) ЗС РФ, штурмана шматмэтавага зьнішчальніка Су-30СМ, лётніка першае клясы, старшага лейтэнанта Аляксея Капаева (рас. – Алексей Копаев). У публікацыі падаем аудыёперахоп размовы Капаева й дакуманты з грыфам «для службовага карыстаньня» зь ягонай электроннай пошты. Гэтыя матар’ялы эксклюзіўна перададзены для вывучэньня InformNapalm актывістамі Украінскага Кібэральянсу.
Навошта публікаваць дадзеныя лётнікаў ПКС РФ?
Дасьведчаныя пілёты вайсковае авіяцыі – гэта даволі дэфыцытная катэгорыя адмыслоўцаў. Падрыхтоўка аднаго прафэсійнага вайсковага лётніка ў РФ каштуе ад 4 да 8 мільёнаў даляраў ЗША. Верагоднасьць таго, што РФ можа выкарыстоўваць супроць Украіны вайсковую авіяцыю ў выпадку паўнамаштабнай эскаляцыі баявых дзеяньняў ёсьць досыць высокай, таму ідэнтыфікацыя пілётаў агрэсара – гэта нетрывіяльная задача. На асаблівую ўвагу заслугоўваюць тыя вайсковыя адмыслоўцы, якія «пакаштавалі кроў» падчас зьдзяйсьненьня ракетна-бомбавых удараў па мірнаму насельніцтву ў Сірыі.
Раней у выніку выведкі адкрытых крыніцаў інфармацыі валянтэры InformNapalm сабралі й апублікавалі дадзеныя больш за сто кадравых афіцэраў – чальцоў экіпажаў ПКС РФ, якія ўдзельнічалі ў баявыя апэрацыях на баку рэжыму Башара Асада ў Сірыі, дзе таксама зьдзяйсьнялі інтэнсіўныя бамбаваньні мірнага насельніцтва. Гэтыя публікацыі выклікалі шквал эмоцыяў у расейскіх СМІ, у якіх перасталі публікаваць сюжэты зь пілётамі ПКС дзеля мінімізацыі мажлівасьці іхнае ідэнтыфікацыі. Бартавыя нумары лятакоў, якія выконваюць баявыя задачы, пачалі зафарбоўваць.
Ідэнтыфікацыйныя дадзеныя Аляксея Капаева
У ліставаньні афіцэра ПКС РФ Аляксея Капаева выяўленыя дадзеныя пра ягоную вайсковую біяграфію, скан-копіі пашпарту, дакуманты “наданьня на кляснасьць” яго асабіста й іншых афіцэраў, зь якімі ён падтрымліваў шчыльныя службовыя сувязі, таксама знойдзеныя мэтодыкі падрыхтоўкі лётнікаў ПКС РФ і іншыя дакуманты з грыфам «для службовага карыстаньня».
Старэйшы лейтэнант Капаеў Аляксей Дзьмітрыевіч, нарадзіўся 05.11.1981 г. у г. Чалябінск. Скончыў Чалябінскі вайсковы авіяцыйны інстытут штурманаў (ВАІШ) у 2003 годзе, у ЗС РФ з 29.07.1998 г. Пашпарт 4602 587830. Асабісты нумар вайскоўца Х-114360, Хабараўскі край, Камсамольскі раён, с.Хурба, в/ч 62231. Нумар аўто К044УК 27. Картка ПАТ “Сбербанк” РФ: 5469 7400 1468 2367. Тэлефоны для сувязі: 89141891160 і 89242095156.
Мае агульны налёт больш за 800 гадзінаў, засвоіў наступныя тыпы лятакаў: Ту-134Ш, Су-24М, Ан-12БК, Су-24М2, Су-30СМ. Паводле загаду міністра абароны РФ №01 з 22.02.2017 г. яму нададзеная 1-я кляса. Падрыхтаваны да вядзеньня баявых дзеяньняў па асноўнаму прызначэньню роду авіяцыі ўдзень і ўначы ў складаных мэтэаралягічных умовах у поўным аб’ёме курсу баявой падрыхтоўкі. Падрыхтаваны да выкарыстаньня кіраваных ракетаў клясы «паветра-паветра», «паветра-зямля», «паветра-РЛС» у поўным аб’ёме. Падрыхтаваны да застасаваньня КАБ з ЛГСН (кіраваныя авіябомбы з лязэрнай галоўкай саманавядзеньня). Меў перапынак у лётнай працы тэрмінам 4 гады: зь 1 сьнежня 2009 году па 1 сьнежня 2013 году (быў пад загадам, паводле арганізацыйна-штатных мерапрыемстваў (рас. – ОШМ).
Аўдыёперахоп размоваў Капаева
Асобны інтарэс выклікалі аўдыёзапісы, якімі Капаева шантажавала ягоная колішняя каханка. Яна запісвала размовы зь ім на тэлефон, а потым, пасьля разрыву статункаў, дасылала запісы на ягоную пошту з пагрозамі, што накіруе іх ФСБ. Паводле іроніі лёсу гэтыя размовы сёньня патрапляюць у адкрыты доступ.
-
Транскрыбаваньне аўдыёзапісу (Увага! Маецца нэнарматыўная лексыка)
Матар’ял падрыхтаваны адмыслова для сайту міжнароднае выведвальнае супольнасьці InformNapalm.
Рэдагаваў і пераклаў на беларускую мову Дзяніс Івашын.
Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа