Дзякуючы фатарэпартажу расейскага рэсурсу topwar.ru (архіў: https://archive.is/aiyb7) атрымалася сабраць падрабязную інфармацыю пра экіпаж Су-30СМ 120-га зьмяшанага авіяцыйнага палку (в/ч 63559, Забайкальскі край, Чыцінскі раён, пасёлак Домна) бартавы нумар 27 (чырвоны), рэгістрацыйны нумар RF-93686, заводзкі нумар 10МК5 1110.

Факты, якія ёсьць пацьверджаньнем удзелу экіпажа борту 27 (чырвоны) у карнай апэрацыі супроць Сірыйскага народу, былі выяўленыя ў відэа, выкладзеным на афіцыйным канале youtube Міністэрства абароны Расейскай Фэдэрацыі з назовам: “Будні зьнішчальнае авіяцыі ВКС РФ на авіябазе Хмэймім у Сірыі”.

Міжнародная валянтэрская супольнасьць InformNapalm працягвае збор і публікацыю асабістых дадзеных афіцэраў ВКС РФ, якія прымаюць удзел у расейскай вайсковай апэрацыі ў Сірыі, якая ўжо забрала жыцьці дзясяткаў мірных жыхароў. У гэтай публікацыі ў межах інфармацыйнага асымэтрычнага адказу на вайсковыя злачынствы Крамля ў Сірыі і ў адказ на парушэньне рэжыму спыненьня вагню на Данбасе публікуем дадзеныя экіпажу Су-30СМ:

• штурман – старэйшы лейтэнант Арцём Даражкоў.

У 2014 годзе скончыў Чалябінскую вышэйшую вайсковую авіяцыйную Красназнамённую вучэльню штурманаў (ЧВВАКВШ).

Нарадзіўся ў горадзе Чыце, 17.07.1992 г. Сямейнае становішча: нежанаты. Брат: Антон Даражкоў, 11.08.1993 г., пражывае ў горадзе Чыце.  (архіў: https://vk.com/artem_anya)   (архіў: https://archive.is/eZTGV)

пілёт – капітан Аляксей Лісіцкі.

У 2010 годзе скончыў Краснадарскую вышэйшую вайсковую авіяцыйную вучэльню лётчыкаў (КВВАВЛ) імя Сярова. (2-гі авіяцыйны факультэт, катэдра зьнішчальнае авіяцыі).

Нарадзіўся ў горадзе Уфе 04.02.1988 г. Жанаты, ёсьць дачка. Мае сястру.

(https://vk.com/id2826541)  (архіў: https://archive.is/2h1Eo).

Цікава, што ў фотаальбоме жонкі Аляксея Лісіцкага пад фатаздымкамі з дачкой напісаныя вельмі кранальныя словы:

“Я жыву для яе, я дыхаю толькі ёю. Я лаўлю кожны погляд, ад усьмешкі чмурэю. Ты мае чыстае, нявіннае дзіця. Расьці шчасьлівай, дачушка мая. Усё зраблю, родная, для цябе. Быць мамай – шчасьце для мяне!”

А ў гэты ж самы час, малады бацька і каханы муж, замест таго, каб клапаціцца пра сваю сям’ю, удзельнічае ў бамбаваньні мірных жыхароў Сірыі, дзеці якіх таксама гінуць ад аськепкаў і бомбаў “рускага сьвету”. Знайсьці шматлікія доказы гэтага можна ў сацыяльным сеціве “twitter”, дзе сірыйцы ўвесь час выкладваюць фатаздымкі забітых і параненых жанчын і дзяцей – ахвяраў амбіцыйнай авантуры Крамлю.

Але падобна на тое, што расейскія пілёты нават не пераймаюцца колькасьцю нявінных ахвяраў сваіх баявых вылетаў. Пасля чарговых бамбаваньняў яны працягваюць пазаваць перад фотакамэрамі для глянцавых часопісаў і артыкулаў у расейскіх сродках масавае інфармацыі.

Групавое фота экіпажу Су-30СМ 27 (чырвоны):

Даведка: Су-30СМ – двухмясцовы шматмэтавы цяжкі зьнішчальнік пакаленьня 4+. Тое, што яго выкарыстоўваюць у Сірыі ёсьць трохі дзіўным, бо ў баявікоў “Ісламскае Дзяржавы” няма авіяцыі. Лятакі Су-30СМ расейскай групоўкі сілаў уварваньня выконваюць баявыя вылеты з узбраеньнем для зьнішчэння паветраных мэтаў. Напрыклад, паводле скрыншоту зь відэа Мінабароны РФ можна пабачыць, што на лятаках усталяваныя ракеты Р-73, Р-27 і комплекс радыёэлектроннага процідзеяньня “Хібіны” (лятак можа таксама выкарыстоўваць бомбы свабоднага падзеньня з масай 500 кг (да 8 адзінак) або 250 кг (28 адзінак) і зьдзяйсьняць бомбавыя і ракетныя ўдары).

Таксама дзіўным ёсьць тое, што ВКС РФ зафарбоўвае зоркі і рэгістрацыйныя нумары на сваіх зьнішчальніках ў Сірыі, гэта можна пабачыць, напрыклад, на скрыншоце відэа зь лятаком Су-30СМ, бартавы нумар 29 (чырвоны). Праваруч на заднім пляне зафіксаваная машына РЭБ.

Нагадаем, што расейская авіяцыя ўжо неаднойчы парушала паветраную прастору Турцыі, таксама зьдзяйсьняла правакацыі, у якіх, паводле афіцыйных заяваў, удзельнічалі “неапазнаныя  лятакі”. Магчыма, менавіта для зьдзяйсьненьня правакацыйных дзеяньняў, зьнішчальная авіяцыя РФ і ажыцьцяўляе рэтушаваньне апазнавальных знакаў на ўласнай баявой тэхніцы.

Матар’ял падрыхтаваў валянтэр міжнароднае групы InformNapalm у Сірыі Адыль Аль-Алім

(с) Інфармацыя падрыхтаваная адмыслова для сайту InformNapalm.org, падчас перадруку й выкарыстаньня матар’ялу актыўная спасылка на аўтара і наш праэкт абавязковая.

На беларускую мову пераклаў Дзяніс Івашын