InformNapalm зьдзейсьніў паглыбленую выведку і выявіў дадзеныя расейскіх пілётаў, якія бамбуюць сірыйскія гарады.

5 кастрычніка шэраг турэцкіх і замежных сродкаў масавае інфармацыі з спасылкай на МЗС Турэччыны паведамілі, што 3 кастрычніка 2015 году а 00:08 лятак ВПС РФ парушыў паветраную прастору ў раёне Яйладагы (Yayladağı) правінцыі Хатай. Пасьля таго, як два зьнішчальнікі F-16 ВПС Турэччыны пайшлі на перахоп аб’екту, расейскі лятак з турэцкае паветранае прасторы выйшаў у сірыйскае.

Аналітыкі міжнароднай валянтэрскай групы InformNapalm падчас маніторынгу й аналізу фота і відэа з расейскай авіяцыяй, якая ўдзельнічае ў вайсковай апэрацыі ў Сірыі, зрабілі здагадку, што парушэньне паветранае прасторы Турэччыны ў раёне Яйладагы было зьдзейсьненае бамбоўцам Су-24М. На працягу апошніх дзён лятакі гэтага тыпу ўжо некалькі разоў былі заўважаныя падчас  авіяналётаў паблізу турэцкай мяжы.

Гэтак, на відэа з 4 кастрычніка, у якім зафіксаваныя авіяўдары па гораду Салма, таксама ёсьць бамбоўцы Су-24М. Зазначым, што сірыйскі горад Салма месьціцца ўсяго за 23 км ад турэцкага Яйладагы, а ад самой сірыйска-турэцкай мяжы ён знаходзіцца ўсяго за 12-18 км.

Апроч таго, падчас OSINT-дасьледаваньня InformNapalm, дзякуючы расейскаму карэспандэнту RT Мураду Газьдзіеву, былі выяўленыя наступныя дадзеныя, якія дазволілі вызначыць лятак і экіпаж, які зьдзейсьніў авіяўдары па сірыйскіх гарадох.

ФОТА: Здымак расейскага лятака Су-24М перад вылетам 04.10.2015 г. На фатаздымку  можна пабачыць падвесны паліўны бак і ракету клясы “паветра-зямля” Х-25МЛ.

Зазначым асаблівасьці лятака на фатаздымку і сабраныя дадзеныя:

Су-24М, бартавы нумар 04 “белы”, рэгістрацыйны нумар RF-90943.

Належыць 6980-й гвардзейскай авіяцыйнай базе 1 разраду, в/ч 69806 (Чалябінск), авіягрупа базуецца на аэрадроме Шагол. Камандыр зьвяна: капітан Савін Аляксей Анатолевіч, штурман: капітан Крывалапаў Рахім Уладзімеравіч.

На наступным відэа СУ-24М 04 “белы” ужо пасьля вылету, ракета Х-25МЛ на падвесе адсутнічае, то бок, верагодна, ужо адстраляная. Відэа ў спасылцы.

фота: Скрыншот зь відэа карэспандэнта RT Мурада Газьдзіева

На яшчэ адным відэа авіяўдараў па Салме: http://www.youtube.com/watch?v=rMrjeSTFdmM выразна бачныя падвесныя паліўныя бакі (ППБ) у лятакоў Су-24М, а на 0:21 хранамэтражу можна пабачыць запуск двух ракетаў, што таксама пацьверджвае вэрсыю пра дачыненьне да ўдару менавіта лятака з бартавым нумарам 04 “белы”.

Заўвага. Падчас аналізу былі таксама выкарыстаныя відэа авіяўдараў расейскай авіяцыі па Сірыі з 04.10.2015 г. Пералік спасылак на відэа:

Улічваючы вышэйпададзеныя факты, з высокай ступеньню верагоднасьці менавіта Су-24М 04 “белы” зьдзесьніў ракетны ўдар па Салме (Salma) 4 кастрычніка 2015 году.

Нагадаем, што 30 верасьня гэтага году пасьля дазволу Савета Фэдэрацыі на выкарыстаньне арміі,  Расея пачала вайсковую апэрацыю ў Сірыі. ВПС РФ зьдзесьнілі ўдары паблізу сірыйскіх гарадоў Латакія, Хомс і Хама. У выніку бамбардаваньня загінулі, паводле розных зьвестках, ад 27 да 65 чалавек. Нягледзячы на ​​тое, што афіцыйным прыкрыцьцём расейскай вайсковай апэрацыі была “барацьба з тэрарыстычнай арганізацыяй Ісламская Дзяржава” першыя авіяўдары былі рэалізаваныя па раёнах, якія населеныя мірнымі жыхарамі, а таксама кантраляваных паўстанцамі, якія выступаюць супраць рэжыму Башара Асада, але не ўваходзяць у групоўкі Ісламскае Дзяржавы.

Матар’ял да публікацыі падрыхтаваў Міхаіл Кузьняцоў

(с) Інфармацыя падрыхтаваная адмыслова для сайту InformNapalm.org, падчас перадруку й выкарыстаньня матарыялу актыўная спасылка на аўтара і наш праэкт абавязковая.

 Пераклад Дзяніса Івашына