Міжнародная валянтэрская супольнасьць InformNapalm ідэнтыфікавала дакладнае мейсца перасоўваньня калёны з спэцтэхнікай акупацыйных войскаў Расеі ў раёне Макееўкі.
14 лістапада 2015 году ў твітэры зьявілася паведамленьне: “Калёна: 10 КамАЗаў з кунгамі (зь іх ня менш за два – КШМ з антэнамі), адзін палівазапраўшчык і адзін тэнтаваны КаМАЗ з боку ДАП (Данецкі аэрапорт).”
Напрыканцы гэтага дня зьявілася відэа руху гэтай калёны, але ўжо на выезьдзе з Макееўкі і далей па аўтадарозе Н-21. На відэа можна пабачыць АЗС “Артэміда”, што знаходзіцца на праспэкце Гэнэрала Данілава. Мяркуючы з назвы роліку, калёна тэхнікі збочыла ў бок пгт.Сьвярдлова.
Відэа мае вельмі кепскую якасьць, праз што няма магчымасьці дакладна ідэнтыфікаваць вайсковую тэхніку, але ў ім можна выразна пабачыць калёну з 17 адзінак аўтратранспарту. Былі ідэнтыфікаваныя наступныя адзінкі тэхнікі (падаем паводле хранамэтражу іхнага зьяўленьня):
- 3сэк – мустанг-тэнт
- 5сэк – мустанг-тэнт
- 10сэк – мустанг-тэнт (штосьці негабарытнае зьверху)
- 15сэк – кунг (з плятформай на даху)
- 20сэк – кунг (з плятформай)
- 23сэк – кунг (без плятформы)
- 27сэк – кунг (з плятформай)
- 28сэк – кунг (без плятформы)
- 35сэк – кунг (з плятформай)
- 37сэк – кунг (з плятформай)
- 41сэк – кунг (без плятформы)
- 44сэк – кунг (з плятформай)
- 45сэк – кунг (без плятформы)
- 46сэк – звычайны камаз-тэнт
- 51сэк – бэнзавоз
- 58сэк – мустанг-тэнт
- 1хв 04сэк – кунг (без плятформы)
КУНГ – абрэвіятура, якая пазначае кузаў уніфікаваны нулявога (нармалёвага) габарыту (або Кузаў УНіфікаваны Гэрмэтызаваны). Прызначаныя для разьмяшчэньня асабістага складу, лябараторыяў, рамонтных майстэрняў, палявых кухняў, радыёэлектронных сыстэмаў (РЭБ), мэдпунктаў і іншага.
Зазначым, што некаторыя з КУНГаў вельмі нагадваюць ідэнтыфікаваны намі комплекс радыёвыведкі “Торн” і зафіксаваны ў раёне ДАП і пасля на базе Спарты ў Данецку.
Што гэта – адвод тэхнікі, ратацыя ці чарговы каварны плян Крамлю, нам невядома.
Матар’ял да публікацыі падрыхтаваў @BuTaJIu4eK
Пераклаў на беларускую мову Дзяніс Івашын
(CC BY) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
One Response to “Качэўная спэцтэхніка акупацыйных войскаў РФ”
2015-11-16
Звод Inform Napalm: аналіз мажлівых дзеяньняў баявікоў на Данецкім і Арцёмаўскім напрамках - InformNapalm.org (Беларуская)[…] Данецк. У Данецку зафіксаванае прыбыцьцё да 600 чалавек асабовага складу каўказкіх падразьдзяленьняў. Апроч гэтага, адбылося зьмяненьне ў кіраўніцтве брыгады “Восток” (рас.), дзе на зьмену мясцовым баявікам прыйшлі адпускнікі з РФ. Паводле інфармацыі, якая патрабуе дадатковай праверкі, у раёне шахты «Лідзіеўка» разгорнуты дывізыён РСЗВ «Ураган». Інсайдэры назіраюць перасоўваньне тэхнікі і асабовага складу па вул.Пятроўскага ў напрамку населенага пункта Мар’інка. Такім чынам, можна зрабіць здагадку, што на заходніх ускрайках Данецку йдзе назапашваньне сілаў для ўдару па Мар’інцы і Краснагораўцы. Што гэта дае баявікам? Выхад да населенага пункту Курахава і кантроль над Курахаўскай ТЭЦ, як рычаг ціску на Р.Ахметава. Дадатковым доказам падрыхтоўкі баявікоў да магчымага наступу на заходнім напрамку зьяўляецца заход у Данецк вялікае колькасьці камандна-штабных машынаў і апаратных РЭБ. Яшчэ адна групоўка фармуецца ў раёне Данецкага аэрапорту. Паводле інфармацыі ад інсайдэра: «4 апаратных + кшм + урал з асабістым складам па вул.Унівэрсытэцкай у бок Аэрапорта». Цалкам мажліва, такія сілы назапашваюцца не для штурму Пяскоў, але для пачатку наступу з мэтай захапіць населены пункт Аўдзееўка. Але перад гэтым, тэрарысты паспрабуюць выціснуць сілы АТА з шахты «Бутаўская». У пацьверджаньне да гэтых словаў можна дадаць наступную інфармацыю: «40 фураў у бок Данецка праз Макееўскае кальцо. Не гуманітарны. + 2 УРАЛАа зь людзьмі. УСЕ з РАС. нумарамі»,« З Харцызска ў Макееўку толькі што заехала нейкая гусенічная тэхніка (але ня танкі). Едзе вельмі павольна ў бок цэнтру гораду». 14 лістапада таксама выяўленая качэўная спэцтэхніка акупацыйных войскаў РФ. […]