Міжнародная валянтэрская супольнасьць InformNapalm працягвае зьбіраць дадзеныя пра  расейскіх вайсковых злачынцаў, якія прымалі ўдзел у агрэсіі супроць Грузіі і ў ейнай наступнай акупацыі часткі тэрыторыі. У гэтым матар’яле пададзеная інфармацыя пра расейскага афіцэра, да нядаўняга часу вайскоўца акупацыйнае расейскае вайсковае базы, разгорнутай у Цхінвальскім рэгіёне Грузіі, які працягнуў службу ў берагавых войсках Чарнаморскага флёту РФ у акупаваным Крыме.

Падчас зьдзяйсьнеьння OSINT старонак сацсетак расейскіх вайскоўцаў, у поле нашага зроку патрапіў нейкі “Evgeniy Bond”, у фотаальбоме якога фігуруе шэраг фатаздымкаў з акупаванага Расеяй рэгіёну Самачабло (Цхінвальскі рэгіён, так званая “Паўднёвая Асэтыя) Грузіі.

Фатаздымак, датаваны 22 верасьня 2008 году, на тле разбуранага і спустошанага расейскімі агрэсарамі грузінскага сяла Ліяхвскае цясьніны:

Ня менш адметным зьяўляецца і іншы фатаздымак пазьнейшага часу, выкладзены ў траўні 2013 году, у якім «Evgeniy Bond» зноў жа пазуе на тле спустошанага грузінскага сяла ў рэгіёне Самачабло.

Выявіць сапраўдную асобу расейскага акупанту не было складана. У персанальных дадзеных і фотаальбоме фігуранту «Бонда» дастаткова інфармацыі для ягонай ідэнтыфікацыі.

Ідэнтыфікацыйныя дадзеныя: Evgeniy Bond, ён жа – Яўген Жалезкін. Дата нараджэньня: 18 ліпеня 1984 году, родам з Валгаградзкае вобласьці. Меркаваная адрэса: Валгаградзкая вобл., г. Міхайлаўка, ДРБУ-5, дом 1, кв. 21 (дадзеныя Базы “ГИБДД” (рас.) па Валгаграду 1, 2).

Адукацыя: Разанскі вайскова-аўтамабільны інстытут, выпускнік 2005 году.

У сацсетках: «VK» (архівы на профіль, фотаальбом, кантакты), «ОК» (архіў на профіль — абмежаваны доступ), Skype: evgeniyrso.

Інфармацыю пра Яўгена Жалезкіна можна знайсьці таксама на сайце Валгаградзкае тэле-радыёвяшчальнае кампаніі з 23 верасьня 2009 г., паводле якой «Старэйшы лейтэнант Яўген Жалезкін, як удзельнік вайсковай назапашвальна-іпатэчнай сыстэмы «Росвоенжилье» (рас.) з 2005 году, у 2009 годзе атрымаў новую кватэру».

Яўген Жалезкін на працягу 10 гадоў служыў у вайсковых частках Паўднёвае вайсковае акругі, у тым ліку апошнія некалькі гадоў на 4-й расейскай акупацыйнай вайсковай базе ў рэгіёне Самачабло, Грузія. У верасьні 2015 году ягонае «сасланьне» скончылася (паводле словаў фігуранту).

Для праходжаньня наступнай службы Жалезкін ў званіні капітана 3-га рангу быў пераведзены ў адную з вайсковых частак берагавых войскаў Чарнаморскага флёту РФ, разгорнутай на тэрыторыі акупаванай аўтаномнай рэспублікі Крым (Украіна), дзе расейскі акупант-байкер любіў бываць і раней.

Нагадваем, што ў лістападзе 2015 году InformNapalm выявіў групу пскоўскіх дэсантнікаў – ветэранаў расейскага ўварваньня ў Грузію. З 19 расейскіх вайсковых злачынцаў 8 усё яшчэ служаць у ЗС РФ, 18 дэсантнікаў зьяўляліся ўдзельнікамі расейскай агрэсіі супроць Грузіі 2008 году, а 6 зь іх – удзельнікі неабвешчанае вайны РФ супроць Украіны, гл. “Пакаяньне пскоўскага дэсантніка”.

Характэрна, што ў выніку гэтага расьледаваньня нібы адважныя і бясстрашныя пуцінскія ваякі, раптам наклаўшы ў штаны, пачалі выдаляць свае профілі і фатаздымкі з сацсетак. Гэта сьведчыць пра тое, што яны (ня мае значэньня – самі фігуранты або спэцслужбы, якія падціраць за імі) усьведамляюць слабасьць сваёй пазыцыі і адчуваюць непазьбежны надыход расплаты.

Надыдзе час, калі кожны расейскі акупант адкажа за ўчыненае. Ня важна, ці быў ён непасрэдным удзельнікам баявых дзеяньняў ці ж маўклівым сьведкам злачынстваў свайго кіраўніцтва. У лютым 2016 году рабочая група Міжнароднага крымінальнага суда Гаагі правяла сустрэчы ў Тбілісі, падчас якіх было абумоўленае наступнае супрацоўніцтва ў межах расьледаваньняў вайсковых злачынстваў. Міжнародны суд Гаагі і офіс пракурора, нягледзячы на ​​загадзя вядомую пазыцыю Расейскай Фэдэрацыі, плянуе супрацоўнічаць з усімі бакамі-ўдзельнікамі вайны. У рашэніні МКС зазначаецца, што так званая “Паўднёвая Асэтыя” не зьяўляецца незалежнай дзяржавай і застаецца часткаю Грузіі. Суд будзе ўлічваць толькі вынікі сьледчых мерапрыемстваў, якія будуць зьдзейсьненыя непасрэдна Грузіяй і Расеяй.

Матар’ял да публікацыі падрыхтаваны на падставе ўласнага OSINT-расьледаваньня міжнароднай валянтэрскай групай InformNapalm.

Аўтар матар’ялу Іраклі Камахідзэ.

На беларускую мову пераклаў Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Актыўны распаўсюд у сацсетках дужа вітаецца!