Фота: Алег Слабадзян
Сёньня, 27 лістапада 2015 году, памочнік старшыні Дзяржаўнае памежнае службы Украіны – начальнік прэс-службы Алег Слабадзян паведаміў на сваёй старонцы ў Facebook, што 26 лістапада 2015 году памежнікі Луганскага атраду ў раёне пункта пропуску «Мелавое» затрымалі 2 расейскіх вайскоўцаў унутраных войскаў Расейскай Фэдэрацыі.
Паводле паведамленьня Алега Слабадзяна, затрыманыя вайскоўцы належаць да адной з частак унутраных войскаў МУС РФ, якія рухаліся ў г.Армавір (РФ). Паводле словаў затрыманых: “Ва Украіне яны апынуліся выпадкова, заблукалі і рухаліся з мэтай здачы іспытаў на берэт цёмна-зялёнага колеру”.
Як паведамляюць у прэс-службе памежных войскаў Украіны, у гэты момант зьдзяйсьняюцца захады ў выначэньні абставінаў правапарушэньня і задзейнічаньні працэсуальных рашэньняў.
У зьвязку з гэтым міжнародная валянтэрская супольнасьць InformNapalm зьвяртае ўвагу на нядаўнія OSINT-расьледаваньні, ў якіх былі вызначаныя факты ўдзелу кадравых вайскоўцаў 15-га атраду спэцыяльнага прызначэньня УВ РФ «Вяціч» (в/ч 6761, мейсца дысьлякацыі – г.Армавір, Краснадарскі край, Паўночнакаўказскае рэгіянальнае камандаваньне) у незаконных збройных фармаваньнях “ДНР”.
У прыватнасьці, былі сабраныя фотасьведчаньні, якія даказваюць, што расейскі спэцназавец Айтуган Юнусаў, які праходзіць службу ў пазначанай вайсковай частцы, ваяваў у складзе баявікоў “ДНР”.
Абапіраючыся на гэтыя факты, міжнародная валянтэрская супольнасьць InformNapalm рэкамендуе СБУ і іншым сілавым структурам Украіны максымальна адказна падыйсьці да расьледаваньня “выпадковасьці” знаходжаньня “Армавірскага спэцназу” на тэрыторыі Украіны.
(CC BY 4.0) Міжнародная валянтэрская супольнасьць InformNapalm.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа