Служба аэравыведкі фонду «Сёстры Перамогі» перадала InformNapalm унікальнае відэа, у якім зафіксаваныя кадры зьнішчэньня разьлікаў тэрарыстаў і карэктаваньне вагню па пазыцыях супраціўніка з БПЛА ў рэжыме real-time.
«Два бесьпілётнікі аэравыведкі «Сёстраў Перамогі» карэктавалі вагонь у жывым рэжыме па пазыцыях баявікоў на метэавышцы ДАП і ля пажарнай часткі, зь якіх яны рэгулярна абстрэльвалі пазыцыі ЗСУ пад Данецкім аэрапортам. Абедзьве пазыцыі ліквідаваныя.
Пад ДАП была ўсталяваная пазыцыя на ўзвышшы (222 метраў над узроўнем мора), скуль расейскія тэрарыстычныя разьлікі рэгулярна білі ў бок н.п. Вопытнае. Яны вялі вагонь з буйнакалібэрнае стралковае зброі, СПГ і АГСаў. Пад сталымі абстрэламі знаходзіліся 93-я брыгада ЗСУ і «Карпацкая Сеч». Прыцэльны вагонь у адказ без выкарыстаньня цяжкой артылерыі было вельмі складана весьці, бо карэктаваць вагонь па пазыцыях на ўзвышшы было практычна немагчыма.
Экіпаж аэравыведкі выклікалі загадзя, чакаючы на актыўнасьць баявікоў у той дзень. Чакаць давялося нядоўга…», – вядзецца ў паведамленьні валянтэраў фонду «Сёстры Перамогі».
Чытайце таксама: “Расейская станцыя перашкодаў Р-330Ж на Данбасе: фіксацыя ля мяжы, у профілях баявікоў і аэрафатаздымкі БПЛА”.
Валянтэры таксама распавялі падрабязнасьці зьдзейсьненай супольнай апэрацыі.
«Першы бесьпілётнік фонду «Сёстры Перамогі» узьнялі ў паветра адразу пасьля адкрыцьця вагню супраціўнікам, ён знаходзіўся у паветры 102 хвіліны; БПЛА вызначаў дакладныя пазыцыі, скуль стралялі баявікі.
Дакладныя вагнявыя пазыцыі тэрарыстаў былі пасьпяхова зафіксаваныя. Украінскія сілавікі зрабілі запыт на дазвол адкрыць вагонь у адказ. БПЛА валянтэраў у гэты час знаходзіўся ў паветры. Дазвол быў атрыманы. Пасьля гэтага ўкраінскія вайскоўцы вялі вагонь з СПГ і АГСаў, а апэратары «Сёстраў Перамогі» зьдзяйсьнялі карэктакаваньне прыцэльнага зьнішчэньня тэрарыстаў у рэжыме real-time.
Спачатку два прыстрэлачная стрэлы. За імі выразныя стрэлы па пазыцыях. У першага бесьпілётніка сканчалася батарэя, і каб не губляць відэатрансьляцыю, у паветра быў узьняты другі бесьпілётнік. Праклаўшы маршрут над першай пазыцыяй супраціўніка, другі БПЛА працягнуў карэктаваньне вагню, фіксуючы дакладныя трапленьні.
Калі быў атрыманы сыгнал, што першая пазыцыя баявікоў на метэавышцы зьнішчаная, пачаліся фаэрвэркі – нашым вагнём у адказ падарвалі БК на метэавышцы… затым мы выявілі другі пункт супраціўніку, 500 мэтраў ад пажарнай часткі ДАПа (і 1800 мэтраў ад пэршага пункту), скуль яны вялі вагонь з тых ж калібраў. Пасьля ліквідацыі першай вагнявой пазыцыі тэрарыстаў, украінскія байцы перавялі вагонь на другую, фаэрвэркі працягнуліся. Тандэм экіпажаў «Сёстры Перамогі» і брыгады ЗСУ адпрацаваў на выдатна», – падкрэсьлілі валянтэры.
Чытайце таксама: “Расейскія БПЛА «Гранат» у арсэнале “шахтароў наваросіі””
Рэквізыты фонду *Сёстры Перамогі*
На беларускую мову пераклаў Дзяніс Івашын.
(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.
Азнаёміцца з факталягічнай доказавай базай дадзеных расьледаваньняў InformNapalm што да ўдзелу ў баявых дзеяньнях ва Украіне больш чымся 60 вайсковых падразьдзяленьняў ЗС РФ можна праз спасылку http://bit.ly/RussianPresence.
Падзяліцеся публікацыяй у сацсеціве! Наданьне матар’ялам расьледаваньняў шырокае агалоскі здатнае зьмяніць хаду інфармацыйнага і баявога супрацьстаяньня з Крамлём. Разам пераможам!
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа