29 лістапада 2020 году ў зоне правядзеньня Апэрацыі аб’яднаных сілаў на Данбасе быў зьбіты расейскі вайсковы БпЛА «Гранат-1», які ўваходзіць у склад найноўшага расейскага комплексу «Наводчик-2». Пра гэта паведаміла прэс-служба ААС на сваёй афіцыйнай старонцы ў Facebook і прадэманстравала фатаздымкі зьбітага БпЛА.
Відэа зь зьбітага БпЛА
Комплекс «Наводчик-2»
Нагадаем, што міжнародная выведвальная супольнасьць InformNapalm апублікавала эксклюзіўныя фатаздымкі й дадатковыя факты пра станцыю кіраваньня найноўшага расейскага комплексу «Наводчик-2», інфармацыя пра якую ўпершыню патрапіла ў афіцыйныя справаздачы Спэцыяльнай маніторынґавай місіі (СММ) АБСЭ 14 лістапада 2020 году. Комплекс быў зафіксаваны ў Луганскай вобласьці, за 12 км ад лініі баявых дзеяньняў у мясцовасьці з каардынатамі: 48°31’40.2″N 39°24’01.6″E.
БпЛА «Гранат-1»
У 2015 годзе InformNapalm таксама зафіксаваў выкарыстаньне БпЛА «Гранат-1» ды «Гранат-2» падразьдзяленьнямі расейскіх тэрарыстычных сілаў на Данбасе. Застасаваньне гэтых тыпаў расейскіх вайсковых БпЛА было раскрытае ў відэакадрах у сюжэце прапаґандыстаў каналу «Новороссия ТВ». Вядома, што вайскоўцы Збройных сілаў (ЗС) РФ выкарыстоўвалі гэтыя БпЛА падчас баявых дзеяньняў ля Дэбальцава ў лютым 2015 году.
Паводле афіцыйных дадзеных, 2 красавіка 2017 году ў раёне Сьветладарскай дугі таксама быў выяўлены зьбіты расейскі бесьпілётнік «Гранат-1». Дэталі апарату мелі маркаваньне ФСБ РФ.
Даведка
«Гранат-1» – бесьпілётны лятальны апарат малой далёкасьці (да 10 км), збудаваны паводле схемы «лятучае крыло». Прызначаны для зьдзяйсьненьня паветранае выведкі аб’ектаў супраціўніка ў інтарэсах падразьдзяленьняў ЗС РФ і наданьня дадзеных для навядзеньня ўдарных (агнявых) сродкаў. Карысная нагрузка ўключае лічбавы фотаздымач і паваротны відэамодуль з каляровай відэакамэрай. Спосаб старту: з рук. Бесьпілётнік здатны рабіць фота-, відэа- й цеплафіксацыю. Перадача інфармацыі адбываецца празь лічбавы канал сувязі. БпЛА зьяўляецца часткай сучаснага расейскага комплексу «Наводчик-2».
Нагадаем, што разнастайныя сучасныя расейскія сыстэмы БпЛА й сродкі РЭБ досыць часта стаюць аб’ектамі OSINT-дасьледаваньняў міжнароднае выведвальнае супольнасьці InformNapalm і справаздачаў СММ АБСЭ на Данбасе. Яны зьяўляюцца наўпроставымі й бясспрэчнымі доказамі ваеннай аґрэсіі РФ супроць Украіны. Станам на 2020 год зафіксаваныя факты выкарыстаньня больш чымся 8 розных тыпаў расейскіх вайсковых БпЛА на Данбасе, у прыватнасьці: «Гранат-1», «Гранат-2», «Гранат-4», «Фарпост», «Арлан-10», «Элерон-ЗСВ», «Тахіён» і «Застава».
Пераклаў на беларускую мову Дзяніс Івашын.
Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.
InformNapalm – гэта вядомы й цалкам незалежны міжнародны валянтэрскі праэкт, які працуе цягам ужо больш за 6 гадоў.
Мы ня маем аніякай фінансавай падтрымкі ад ураду якой-кольвек краіны ці донараў, адзінымі мэцэнатамі інфармацыйнага праэкту зьяўляюцца ягоныя валянтэры й чытачы, якія ангажуюць свае сілы, час і сродкі для супрацьдзеяньня расейскай інфармацыйнай агрэсіі. Вы таксама можаце падтрымаць InformNapalm або сваімі ведамі й навыкамі, або ахвяраваньнем на ўтрыманьне сайту й разьвіцьцё праэкту. Фінансава нас можна падтрымаць або дабрачынным унёскам праз LiqPay, або стаць «патронам» і падпісацца на штомесячныя мініўнёскі праз сеціва Patreon.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа