Каманда валянтэраў Informnapalm.org зьдзейсьніла чарговае расьледаваньне ў ідэнтыфікацыі мейсцаў скопішча расейскай вайсковай тэхнікі і жывое сілы акупацыйных войскаў РФ у Алчэўску.

Гэтым разам, у баявікоў Луганскага корпуса акупацыйных войскаў РФ на Данбасе былі выяўленыя фатаздымкі, у якіх зафіксаваная абсталяваная казарма ў адным з інтэрнатаў Індустрыяльнага Тэхнікуму Данбаскага дзяржаўнага тэхнічнага унівэрсытэту (ІТ ДанДТУ) у горадзе Алчэўску. Паводле паведамленьняў мясцовых жыхароў, баявікі акупацыйных войскаў РФ былі разьмешчаныя ў гэтым будынку-інтэрнаце тэхнікуму напачатку лета 2015 году. Папаўненьне расейскіх баявікоў напрыканцы лета адбывалася ўжо ў іншым будынку-інтэрнаце тэхнікуму. Дакладная іхная колькасьць невядомая.

Таксама на фота зафіксаваная разнастайная расейская вайсковая тэхніка, якая знаходзіцца на вайсковым палігоне ў раёне пасёлку гарадзкога тыпу Бугаеўка. Зазначым, што ад казармаў, арганізаваных у ІТ ДанДТУ, да палігону ўсяго 10 км.

На бальконах інтэрнату тэхнікуму можна пабачыць расейскіх баявікоў.

Выгляд з інтэрнату на н.п. Васільеўку і Арлоўскі ставок

Унутры казармы (інтэрнат ІТ ДанДТУ)

На падворку тэхнікуму і на спартыўнай пляцоўцы

Гледзячы на фота, паўстаюць пытаньні: “А ці навучаюцца ўвогуле ў гэтым тэхнікуме дзеці?”, “А калі й навучаюцца, то што ж яны тамака вывучаюць?”

ПАЛІГОН

Усе фатаздымкі былі знойдзеныя ў сяброў і ў “сяброў-сяброў” у сацсетках, пошук паводле геатэгаў выявіў фота гэтага палігона з 20 ліпеня 2015 году, на якім зафіксаваны якісьці “КамАЗ” з “моднай” камуфляванай афарбоўкай, часьцей за ўсё падобную можна пабачыць на разнастайных “РЭБаўскіх КамАЗах”. На жаль, на фота зафіксаваны толькі фрагмэнт расейскай вайсковай спэцтэхнікі, паводле якой досыць складана вызначыць дакладную мадэль.

 

Таксама ў профілях сяброў баявіка былі выяўленыя фатаздымкі ўкраінскага бронеаўтамабілю КрАЗ-6322 – “Фартэцыя на колах”, з гэтымі фатаздымкамі можна азнаёміцца ў асобным артыкуле: “Дзе й калі быў згублены бронеаўтамабіль КрАЗ-6322 – “Фартэцыя на колах”?”

Матар’ял падрыхтаваў @BuTaJIu4eK адмыслова для InformNapalm.org

На беларускую мову пераклаў – Дзяніс Івашын

(с) Падчас перадруку й выкарыстаньня інфармацыі спасылка на аўтара і наш праэкт абавязковая.