Хактывісты Украінскага Кібэральянса (UCA) перадалі для дасьледаваньня валянтэрам міжнароднае выведвальнае супольнасьці InformNapalm вялікі масыў дадзеных, вынятых з паштовае скрыні намесьніка дырэктара Інстытута краінаў СНД, прэс-сакратара Саюза праваслаўных грамадзянаў, «уцаркоўленага экспэрта» Кірылы Фралова (FrolovLeaks).

Падрабязна пра сувязі Фралова чытайце ў першым эпізодзе:

«FrolovLeaks: уцаркоўлены экспэрт Крамля па ўплыву ва Украіне. Эпізод I».

Поўны дамп ліставаньня Кірылы Фралова будзе выкладзены ў апошняй частцы гэтае сэрыі публікацыяў і будзе даступны кожнаму для больш глыбокага вывучэньня. Зыходныя EML-лісты, на падставе якіх падрыхтаваны гэты эпізод, даступныя ў архіве. У публікацыі пададзеныя скрыншоты й файлы-ўкладаньні з гэтых лістоў.

Эпізод II

2005-2007 гады. Дзяржаўны апарат Расеі працягвае распрацоўваць мноства формаў гібрыднае агрэсіі супроць Украіны. Для абвастрэньня сытуацыі выкарыстоўваюцца грамадзкія арганізацыі, зьдзяйсьняюцца «культурна-асьветніцкія» мерапрыемствы, і, вядома ж, разгалінаваная сетка зьвястуноў УПЦ МП працуе дзеля адзінай мэты – палітычнага ўплыву на Украіну.

Ужо ў 2007 годзе ў публічную сфэру выходзіць арганізацыя «Данецкая Рэспубліка». 21 лістапада 2008 году ў прэс-цэнтры так званага Данецкага рускага ўнівэрсытэта імя Арцёма адбылося плянарнае паседжаньне «Данецкага рускага форуму «Русский Мир в действии. Да здравствует Русская культурная революция!» (рас.).

Падаем у арыгінале вытрымкі з дакумантаў паседжаньня, якія сьведчаць пра мэты й характар арганізацыі. Не хапае толькі штандароў з малойчыкамі, якія зігуюць:

«Учитывая пассивность исторически русских государств, таких как Россия, Украина, Белоруссия, страны Балтии, участники Донецкого Русского Форума считают, что в создавшихся условиях необходимо экстренно решить вопрос о формировании устойчивых Русских Центров в странах, оккупирующих исконно Русские территории, для объединения усилий в создании нового Всемирного Русского Пространства как основополагающей части в освободительной борьбе Русского Народа и объединении своих сил вокруг Русской идеи Суперэтноса. Не дать погубить мир, созданный нашими предками. Мир белой, а значит, русской Расы…» 

Падрабязна з дакумантамі можна азнаёміцца ў doc-файлах:

— donetskaya-respublyka,
— s-rezhymom-yushhenko-byotsya-donetskaya-respublyka;
— 17-yanvarya-zashhytym-otechestvo;
— deklaratsyya-nezavysymosty-dfr;
— anons;
— my-russkye.

15.02.2010 г. арганізацыя «Данецкая Рэспубліка» заявіла пра свой  самароспуск, але ейныя ячэйкі заставаліся ў  закансэрваваным стане да гадзіны Х, які надыйшоў увесну 2014 году.

Прарасейскія арганізацыі ва Украіне жорстка канкуравалі міжсобку. Напрыклад, Фралоў дасылаў даведку пра «Данецкую Рэспубліку», у якой зьвязваў яе з Дугіным і разглядаў магчымасьць перахапіць кіраваньне арганізацыяй.

У пошце таксама маюцца доказы таго, што сілы, якія прадстаўляе Фралоў, уцягваюцца ў палітычныя і царкоўныя справы Украіны. У ліку адрэсатаў – нявызначаная асоба – якая мае акаўнт у сацсеціве Facebook, пазначаны як Аляксей Мілер. Таксама згадваюцца Аляксей Дабычын, Валер Каўраў, Сьвятаслаў Кампаніец.

Апошні ліст, у якім Фралоў заклікае да тэрміновага вырашэньня, быў дасланы яшчэ двум адрэсатам. Адзін зь іх – Яна Амеліна, ісламазнаўца, адмысловец у тым ліку і па Крыму, на той момант уласны карэспандэнт інфармацыйнае агенцыі «Росбалт». Пазьней яна перайшла працаваць у «Расейскі інстытут стратэгічных дасьледаваньняў» (РИСИ, рас.). Другі – Барыс Лукічаў, прадстаўнік сінадальнага аддзела й кіраўнік справамі Адміністрацыі прэзыдэнта РФ.

Паступова фармуецца пул агентаў уплыву. Цалкам мажліва, самыя набліжаныя пералічаныя ў гэтай рэкамэндацыі:

Фралоў дасылае ліст у МЗС, у якім адзначае, што галоўны інтарэс РФ – гэта зрыў выбараў – бо аб’яднанне ў адную кааліцыю Партыі рэгіёнаў і «Нашай Украіны» можа ўзмацніць антырасейскія настроі, забясьпечыць прарыў у працэсах уступу Украіны ў NATO і яе канчатковай дэрусіфікацыі. Больш падрабязна – у лісьце.

Паступова ад гэтых агентаў уплыву ў прэсу трапляюць вызначэньні, пра якія бальшыня ўкраінцаў даведалася толькі ў 2014 годзе. У лістах усё часцей ужываецца слова «новороссия», пад ідэю стварэньня якой так званы Саюз праваслаўных грамадзянаў Украіны дасылае заяўкі для атрыманьня грошай (zayavka-na-russkyj-myr; po-gazete-dlya-granta). Шчыра кажуць, што Партыя рэгіёнаў – прарасейскі праэкт, зьдзяйсьняюцца высілкі дзеля зьмешваньня праваслаўя й палітыкі (vseukraynskoe-obedynenye). 

Зноў адзначаем ўплыў на палітыку праз царкву:

Пытаньні, якія ўздымаюць русіны, таксама зьвязаныя з палітыкай: NATO, рэферэндум. Кантактнаю асобаю ў гэтай сфэры зьяўляецца Пятро Гяцко. Ён піша пра русінскі рух Фралову 17.03.2009 (kyryll); на гэтую тэму адбываецца міжнародная канфэрэнцыя (proekt; 222).

Абмяркоўваецца расстаноўка сілаў у палітычнай сфэры, уплыў Крамля на Януковіча і Цімашэнку. У лютым 2010 году Фралоў піша аналітычную запіску пра Украіну otchet-o-semynare, накіроўвае мітрапаліту Іларыёну Алфееву (bishop.hilarion@orthodoxia.org) матар’ял otchet-o-zakrytom-semynare-v-ynstytute-stran-sng з пазначэньнем «доверительно. Закрытый экспертный семинар по Украине» (рас.).

Уплыў на палітыку ўзмацняецца, пляны ўсё больш грандыёзьнейшыя.

У якасьці аб’екту ўплыву разглядаецца і жонка В.Януковіча Людміла.

У РФ непасрэдна таксама шмат разнастайных групаў, якія канкуруюць міжсобку, але яны ўсе маюць інтарэсы і ва Украіне, усе яны кантактуюць з сваімі агентамі ўплыву, ад якіх атрымліваюць розную, у тым ліку і неаб’ектыўную, інфармацыю. У дампе вельмі шмат прыкладаў, калі нават Фралоў, які адмыслова займаецца праблематыкай Украіны, дае некарэктныя ацэнкі й расстаўляе памылковыя акцэнты.

Ігар Шувалаў, расейскі паліттэхноляг, які даўно працуе ва Украіне і ў гэты момант зьяўляецца адным з куратараў т/к «Інтэр», выступае аб’ектам інтарэсаў працадаўцаў Фралова. Вось што ён піша пра Шувалава.

У лісьце з 02.08.2007 г. Фралоў дае даведку пра Іну Багаслоўскую. Яе спрабуюць уцягнуць у сваю арбіту – мажліва, без посьпехаў (ynna-germanovna-bogoslovskaya).

Шмат лістоў прысьвечаныя Адэсе і ейнаму значэньню ў імпэрскіх задумах Масквы. В.Каўраў робіць заяўку на фінансаваньне інфармацыйна-аналітычнай службы «новороссия» (kaurov-obektyvka). У ліставаньні можна знайсьці даведку пра ягоную арганізацыю «Единое отечество» (рас., soyuz-pravoslavnyh-grazhdan-ukrayny-edynoe-otechestvo, dopolnenyya-k-spravke), а таксама абгрунтоўваюцца задумы, спробу рэалізаваць якія мы назіралі ўвесну 2014 году (пакідаем у арыгінале):

«В случае контроля России над регионом Одесса может стать: 1) центром протестов и сопротивления антироссийским энергетическим проектам, 2) ключевым звеном «русской дуги» от Приднестровья через Одессу, Николаев, Херсон, Крым, Запорожскую, Донецкую и Луганскую области до границ РФ. Собственно, благодаря контролю над Одессой, а затем над пророссийскими Николаевской и Херсонской областями такая «русская дуга» и будет создана. В случае создания такой «русской дуги» от Приднестровья до границ РФ Юго-Восток Украины, историческая НОВОРОССИЯ будет прямо замкнута на Россию, будут созданы предпосылки для более радикальных вариантов, ибо Киев фактически столкнется с единой, неразорванной территорией от Тирасполя до границ с Ростовской областью РФ, которая сможет существовать без Киева, диктовать ему условия, ставить вопрос о самоопределении» (полный текст – odesskyj-regyon-v-tsentre-geopolytyky).

Разглядаюцца ўсе магчымыя спосабы ўплыву на выбары ва Украіне, каб забясьпечыць выгодныя для РФ палітычныя пазыцыі.

Ужо зь лістоў 2007 году можна зразумець, што асноўная мэта РФ – раскол Украіны.

У Крыме так званая «Русская община Крыма» (рас.) зьдзяйсьняе сыстэмную працу, справаздачы пра якую рэгулярна дасылае Фралову. Сярод асноўных трэндаў – пашырэньне ідэі «русского Крыма» (рас.), стварэньне вобразу ворагу з крымскататарскага народу і ягоных лідэраў, фактычная інфармацыйная вайна з украінскім урадам. Зьяўляецца і выначэньне «необандеровцы» (рас.) – напрыклад, у заяве з 25.07.2008 г. (zayavlenye-russkoj-obshhyny-kryma), у справаздачы за ліпень 2007 г. (otchyot-o-rabote-russkoj-obshhyny-kryma-za-yyul).

У верасьні 2008 году можна ўжо пабачыць інструманты й пэўныя вынікі інфармацыйнае вайны (govoryat, kommunyst-o-rusofobyy-v-krymu). Тых, хто жадае пілаваць расейскі бюджэт пад выглядам вырашэньня надуманых крымскіх праблемаў, дастаткова. Таму ўвесь час зьяўляюцца новыя грамадзкія арганізацыі й фонды, якія арганізуюць канфэрэнцыі й кангрэсы і канкуруюць міжсобку (unyzhennye-y-oskorblennye).

Напярэдадні 1020-й гадавіны хрышчэньня Русі ва Украіне прайшоў рок-тур з удзелам Ю.Шаўчука, К.Кінчава і В.Бутусова, дапоўнены місіянэрскай дзейнасьцю дыякана Андрэя Кураева. Пра гэтую акцыю Фралоў піша з захапленьнем (sereznyj). У Чарнігаве на канцэрт прыйшлі 50 тысячаў чалавек, над якімі пралятаў на паветраным шары і акрапляў сьвятою вадой арцыбіскуп Чарнігаўскі Амвросій. А хто ж ўсё гэта фундуе? Аказваецца, Партыя рэгіёнаў.

Усё зьмяшалася – праваслаўе, палітыка, рок. Дняпроўскага протаярэя Яўгена Максіменку (protos-evgeniy@mail.ru) плянуюць зрабіць духоўнікам украінскага прэзыдэнта. Гэтым пытаньнем займаюцца дэпутаты Дзярждумы (сёньняшні склад прызнаны нелегітымным) і супрацоўнікі Адміністрацыі прэзыдэнта РФ. Яны вывучаюць біяграфію кандыдата (biografiq_prot-_evgeniq_maksimenko).

А вось, напрыклад, як можна выкарыстоўваць царкву ў чужой краіне: Фралоў рэкамэндуе сьвятару застрашыць кандыдата на прэзыдэнта анатэмай, каб ён прыняў патрэбнае палітычнае рашэньне.

У 2012 годзе Кірыл пагражаў анатэмай і Ю.Шаўчуку за падтрымку Pussy Riot, а затым протаярэй Я.Максіменка стаўся ераманахам Вячаславам і ў 2015 годзе ўжо зьвярнуўся да маскоўскага патрыярха Гундзяева (aka Кірыл) з просьбаю адпусьціць ўкраінскую царкву. Мы разумеем, што гэтыя словы былі прадыктаваныя асабістым досьведам залежнасьці.

А тут ужо Фралоў, які зьяўляецца пэрсонай нон-грата ва Украіне, вырашае праз падкантрольнага яму а.Яўгенія свае пытаньне.

Для прыкрыцьця палітычных акцыяў выкарыстоўваюць культурніцкія мерапрыемствы. Гэтак, на фэсьце «Великое русское слово» (рас.) усталёўваюць палітычныя кантакты, у тым ліку і дзеля падтрымкі акцыяў супроць уступу Украіны ў NATO, плянуецца зрабіць зварот да Архірэйскага Сабору РПЦ (otchet-o-sytuatsyy-na-festyvale, 10.06.2008).

У жніўні 2008 году пачынаецца вайна РФ з Грузіяй, і ў дакумантах з пошты Фралова мы даведваемся, што гэты міждзяржаўны канфлікт разглядаецца з пазыцыі царкоўных інтарэсаў. Вядзецца пра Паўднёвую Асэтыю й Абхазію, а таксама пра Украіну (dyrektoru-ynstytuta-stran-sn1), і ў палітычных мэтах плянуецца выкарыстоўваць арганізаваныя групы праваслаўных.

Фармуецца пул агентаў уплыву, постацяў, якія маюць ва Украіне палітычную вагу, якіх запрашаюць на розныя мерапрыемствы ў РФ. У іх ліку Азараў, Калесьнічэнка, Семіножанка, Табачнік, Цароў, Каралеўская і інш. Уваходзяць у лік запрошаных і журналіст Андрэй Кулікоў, у той час вядоўца аднаго з палітычных ток-шоў, палітоляг Міхаіл Пагрэбінскі і іншыя людзі, якія таксама датычныя да ўкраінскага палітычнага працэсу (konferentsyya-24-sentyabrya-spysok-ukraynskyh-uchastnykov).

Фралоў інтэнсыўна лістуецца з палітолягам Інакентыем Адзясавым (inoc2@mail.ru), пры гэтым вядзецца не пра вывучэньне Украіны, але пра ўплыў на працэсы ў сувэрэннай дзяржаве, пра гібрыдную інфармацыйныю вайну. Дарэчы, Адзясаў да гэтага часу публікуецца ў РІА «Новости Украина».

На высокім узроўні, з удзелам Дзьмітрыя Табачніка, пачынаецца распрацоўка аднаго з элементаў інфармацыйнае вайны – падрыхтоўка праэкту фэдэральнага закону «О мерах Российской Федерации по противодействию реабилитации нацизма, нацистских преступников и их пособников в новых независимых государствах – бывших республиках Союза ССР» (рас., protokol-rabochej-gruppy-13-03-09-1).

А вось мы назіраем, як рэалізуецца расейскі ўплыў у такой спэцыфічнай сфэры, як навука: Табачнік, прызначаны профільным міністрам, тут жа з дапамогаю Масквы і квазіўкраінскага палітоляга, які працуе на яго, пачынае зьмяняць склады разнастайных экспэртных радаў.

Фралоў нават рэкамэндуе Украіне прэм’ер-міністра – М.Азарава.

І застасоўвае дзеля ягонага прызначэньня свае мэханізмы ўзьдзеяньня.

Фралоў: «Кансалідаваная пазыцыя расейскага боку – гэта віцэ-прэм’ерства ў гуманітарных пытаньнях Дзьм.Табачніка».

Хто такі А.Чаленка? Падаем пункт гледжаньня Фралова.

20 красавіка 2010 году Віктар Януковіч прызначае кіраўніком Львоўскае абласной адміністрацыі Васіля Горбаля, і Фралоў у зьвязку з гэтым піша тэкст пра праваслаўнаю місіянэрскую палітыку і праваслаўных палітыкаў (pravoslavnaya-myssyonerskaya-polytyka-y-pravoslavnye-polytyky).

Працяг будзе…

Матар’ялы былі падазденыя хактывістамі Украінскага Кібэральянса на эксклюзыўнай падставе для аналізу й апрацаваньня. Супольнасьць InformNapalm ня мае адказнасьці за першакрыніцу і ейнае паходжаньне.

Матар’ял да публікацыі падрыхтаваў Giordano Bruno.

Пераклаў на беларускую мову Дзяніс Івашын.

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

Заклікаем чытачоў актыўна пашыраць нашыя публікацыі ў сацыяльных сетках, на форумах і СМІ. Наданьне матар’ялам расьледаваньняў шырокае агалоскі здатнае зьмяніць хаду інфармацыйнага і баявога супрацьстаяньня з Крамлём.