Logo

support informnapalm
Navigation

Крымінальнае чытво ПВК «Вагнэр»: забойцы, наркаманы й гвалтаўнікі на службе Пуціна

on 2018-03-18 | 0 Comment | OSINT | Аналітыка | Навіны Print This Post Print This Post

Валянтэры міжнароднае выведвальнае супольнасьці InformNapalm разам з камандаю праэкту «Ихтамнет_м0209» і хактывістамі Ukrainian Cyber Alliance сабралі дадзеныя пра расейскіх наймітаў з ПВК «Вагнэр» – фігурантаў крымінальных справаў. Шматлікія зь іх удзельнічалі ў акупацыі Крыма, ваявалі на Данбасе і ў Сірыі. Служылі ў частках спэцыяльнага прызначэньня РФ, але паводле разнастайных артыкулаў былі звольненыя й пакараныя за свае злачынствы. Некаторыя зьдзейсьнілі дробныя крадзяжы, разбой або рабаваньне, іншых судзілі за ўчыненьне цялесных пашкоджаньняў, распальваньне міжнацыянальнае варажнечы й зьбіцьцё замежнікаў. Але некаторыя маюць і больш сур’ёзныя злачынствы: выраб і збыт наркотыкаў, фінансавыя махінацыі на мільёны рублёў, згвалтаваньні, выкраданьні й забойствы людзей. Злачынцы сталіся прыдатным інструмантам для гібрыдных ваенных апэрацыяў Крамля, іх заахвочваюць і матывуюць дзяржаўнымі ўзнагародамі, якія надае асабіста прэзыдэнт РФ. У гэтай публікацыі мы раскрываем дадзеныя пра злачынствы 20 крымінальнікаў, якім быў нададзены другі шанец, якім яны скрарысталіся, каб стаць наймітамі.

Паводле папярэдняй статыстыкі, кожны трэйці вагнэравец да залічэньня ў шэрагі групоўкі быў засуджаны за розныя правапарушэньні, таму гэта толькі невялікая частка дадзеных пра крыміналітэт, які служаць у прыватнай арміі Пуціна.

Атака «Фабрыкі троляў» на InformNapalm

Супольнасьць InformNapalm анансавала публікацыю дадзеных пра вагнэраўцаў з крымінальным мінулым 7 сакавіка, пасьля гэтага на працягу некалькіх дзён у Facebook праз масавыя скаргі на старыя допісы былі заблякаваныя 5 самых актыўных валянтэраў і сьпікер InformNapalm, якія зьдзяйсьнюць камунікацыю з мэдыя.

Гэтая масавая атака на ўсе рэсурсы нашае валянтэрскае супольнасьці напярэдадні публікацыі, мажліва, была санкцыянаваная ўплывовым прадпрымальнікам і «рэстаратарам Пуціна» Яўгенам Прыгожыным, які ўтрымлівае ня толькі ПВК «Вагнэр», але й вядомую «Фабрыку троляў».

Нагадаем, што раней мы апублікавалі дадзеныя й інфаграфіку пра 20 баявікоў з складу гаўбічнае батарэі 2С1 і пра 25 наймітаў з складу танкавых экіпажаў ПВК «Вагнэр». Гэта трэйці пакет дадзеных пра крыміналітэт. Кожны зь іх мае сваю ступень і маштабаваньне злачынстваў – Пуцін скраў Крым і абкрадае Данбас, а ягоныя найміты – выкрадалі людзей і абкрадалі крамы.

Крыміналітэт асабістае гвардыі «кухара Пуціна»

Калнынь Валянтын Аляксандравіч
Дата нараджэньня: 20.01.1982 г. Пасада найміта: камандыр 3-га аддзяленьня 2-га узводу 3-й выведвальна-штурмавой роты (ВШР) ПВК «Вагнэр». Асабісты нумар: М-0754.

Служыў у 24-й асобнай брыгадзе спэцыяльнага прызначэньня ГРУ ГШ ЗС РФ (в/ч 55433). У 2012 годзе засуджаны за выраб, захоўваньне, ужываньне й збыт наркотыкаў. Удзельнічаў у баявых дзеяньнях на Паўночным Каўказе, што сталася змякчальнай падставаю падчас прысуду: 2 гады пазбаўленьня волі ў калёніі агульнага рэжыму (архіў). Кавалер «ордэну Мужнасьці», мае і іншыя, у тым ліку вагнэраўскія, узнагароды.

  • Дадатковая інфармацыя пра Валянтына Калныню

Янінаў Аляксей Сяргеевіч

Дата нараджэння: 08.10.1988 г.н. Пасада найміта: наводнік танкавае роты ПВК «Вагнэр». Асабісты нумар М-1555.

Неаднаразова прыцягваўся да адміністратыўнае адказнасьці за кіраваньне транспартным сродкам у стане алькагольнага ап’яненьня (1, 2). Апроч гэтага, у 2016 годзе на Янінава пададзены пазоў ад ПАТ «Сбербанк России» (рас.) для прымусовага спагнаньня грошай паводле крэдытнае дамовы.

  • Дадатковая інфармацыя пра Аляксея Янінава

Яндэміраў Юры Сяргеевіч
Дата нараджэньня: 10.06.1986 г. Пасада найміта: кіроўца аддзяленьня вагнявае падтрымкі 1-га выведвальна-штурмавога ўзводу 2-й выведвальна-штурмавой роты ПВК «Вагнэр». Асабісты нумар: М-2156. Праходзіў вайсковую службу ў ЗС РФ з 2003 года, у 2008 годзе на афіцэрскай пасадзе ў в/ч 29483. Таксама праходзіў службу на пасадзе камандыра ўзводу в/ч 66431 (4-я акупацыйная вайсковая база РФ у Грузіі). Быў засуджаны за махлярства й падробку дакумантаў вайсковай часткі.

  • Дадатковая інфармацыя пра Юрыя Яндэмірава

Умралиев Анис Каримович
Дата рождения: 09.07.1977 года. Должность наемника: разведчик-водитель 2 отделение 1 взвода 1 разведштурмовой роты (РШР) ЧВК «Вагнера».
Личный номер: М-0610.
Проходил службу в в/ч 6688 (12 ОБр ВВ МВД РФ).
В 2014 году осужден за дезертирство.

Приговорен к лишению свободы в колонии-поселении.

  • Дадатковая інфармацыя пра Аніса Умраліева

Родзін Дзьмітры Уладзімеравіч

Дата нараджэньня: 26.07.1972 г. Пасада найміта: камандыр аддзяленьня БпЛА ўзводу тэхнічных сродкаў выведкі ПВК «Вагнэр». Асабісты нумар: М-1978.

Праходзіў службу ў званьні маёру ЗС РФ у падмаскоўным пасёлку Зара на пасадзе інжынэра комплексу аўтаматызаваных сродкаў кіраваньня цэнтру аўтаматызаваных сыстэмаў кіраваньня Цэнтральнага каманднага пункту ВПС і СПА ЗС РФ. Быў звольнены з вайсковае службы паводле  арт.159 КК РФ (махлярства).

Мае вагнэраўскую ўзнагароду. Меркавана, кіраваў сакрэтнымі расейскімі БпЛА, зьбітымі на Данбасе. Падобная мадыфікацыя БпЛА таксама была зьбітая ў Турэччыне.

Верагодна, ПВК «Вагнэр» выкарыстоўвае гэтыя мадыфікацыі БпЛА падчас выкананьня супольных задачаў з ЗС РФ ва Украіне й Сірыі.

  • Дадатковая інфармацыя пра Дзьмітрыя Родзіна

Атаеў Яўген Віктаравіч

Дата нараджэньня: 12.12.1982 г. Пасада найміта: камандыр аддзяленьня кіраваньня батарэі Д-30 ПВК «Вагнэр». Асабісты нумар: М-0910.

Праходзіў службу у Кіраваньні Фэдэральнае службы выкананьня пакараньняў у Рэспубліцы Калмыкія. Быў саўдзельнікам справы пра катаваньні й зьдзекі над вязьнямі. Ягоны бацька таксама зьяўляецца наймітам ПВК «Вагнэр».

Атаеў Віктар Сангаджыевіч

Дата нараджэньня: 27.03.1959 г. Пасада найміта: кіроўца інжынэрна-сапёрнага ўзводу ПВК «Вагнэр». Асабісты нумар: М-2188.

У архіўным здымку бацька й сын Атаевы.

  • Дадатковая інфармацыя пра пра Атаевых

Малалетні Арцём Мікалаевіч

Дата нараджэньня: 07.02.1989 г. Пасада найміта: камандыр разьліку 122-мм гаўбіцаў Д-30 кіраваньня выведвальнае роты ПВК «Вагнэр». Асабісты нумар: М-2266.

У 2011 годзе засуджаны паводле ч.1 арт. 111 КК РФ (наўмыснае зьдзяйсьненьне цяжкой шкоды здароўю) на 3 гады пазбаўленьня волі.
А ў 2015 годзе паводле ч.3 арт.290 КК РФ (атрыманьне хабару).

  • Дадатковая інфармацыя пра Арцёма Малалетняга

Ладзік Канстантын Анатолевіч

Дата нараджэньня: 28.09.1989 г. Пасада найміта: выведнік-гранатамётнік 1-га аддзяленьня 2-га выведвальна-штурмавога ўзводу 4-й ВШР ПВК «Вагнэр». Асабісты нумар: М-0544.

Быў засуджаны паводле арт.158 ч.3 п. «а» КК РФ (крадзеж з незаконным пранікненьнем). Як вынікае з матар’ялаў крымінальнае справы й рашэньня суду, гэта было ня першае ягонае крымінальнае злачынства.

  • Дадатковая інфармацыя пра Канстантына Ладзіка

Кузьняцоў Аляксандар Сяргеевіч

Дата нараджэння: 10.08.1977 г. Пасада найміта: камандыр 1-й ВШР ПВК «Вагнэр». Асабісты нумар: М-0271.

Паводле дадзеных выданьня «Фонтанка» (рас.), у 2008 годзе Аляксандар Кузьняцоў у званьні маёру служыў у спэцназе, быў арыштаваны паводле падазрэньня ў выкраданьні чалавека й рабаваньні, а ў 2010 годзе засуджаны й адбываў зьняволеньне ў калёніі ў Ніжненоўгарадзкай вобласьці. Паводле пастановы Борскага гарсуду яму быз зьменшаны тэрмін пакараньня, у красавіку 2013 г. ён быў вызвалены ўмоўна-датэрмінова. Праз год ён ужо ачоліў камандаваньне першай выведвальна-штурмавой роты ПВК «Вагнэр».

У фатаздымку ніжэй, зробленым падчас узнагароджваньня, Аляксандр Кузьняцоў стаіць праваруч Уладзімера Пуціна й леваруч кіраўніка ПВК – Дзьмітрыя Уткіна (пазыўны – «Вагнэр»).

  • Дадатковая інфармацыя пра Аляксандра Кузьняцова

Кошаль Фёдар Уладзімеравіч

Дата нараджэньня: 13.04.1976 г. Пасада найміта: намесьнік камандыра – старшына фільтрацыйнага ўзводу ПВК «Вагнэр». Асабісты нумар: М-1521.

  • Дадатковая інфармацыя пра Фёдара Кошаля

Карыгаў Тымур Шабзгірэевіч

Дата нараджэння: 26.02.1977 г. Пасада найміта: камандыр аддзяленьня кіраваньня мінамётнае батарэі ПВК «Вагнэр». Асабісты нумар: М-1285.

У 2011 годзе засуджаны паводле арт. 222 ч.1 КК РФ (незаконнае набыцьцё, перадача, збыт, захоўваньне, перавозка або нашэньне зброі, ейных асноўных частак, боепрыпасаў).

  • Дадатковая інфармацыя пра Тымура Карыгава

Касумаў Заур Фіраілавіч

Дата нараджэньня: 15.07.1989 г. Пасада найміта: наводнік разьліку БМ-21 «Град» ПВК «Вагнэр». Асабісты нумар: М-2218.

Праз выкрыцьцё хабарніцтва быў адхілены ад службы на тэрмін да 3 гадоў.

  • Дадатковая інфармацыя пра Заура Касумава

Жыдаеў Віктар Феліксавіч

Дата нараджэньня: 09.08.1976 г.
Пасада найміта: старэйшы стралок-зэнітнік разьліку ПЗРК ПВК «Вагнэр». Асабісты нумар: М-1233.

Засуджаны паводле ч.1 арт. 228 КК РФ (незаконнае набыцьцё й захоўванне наркотыкаў).

  • Дадатковая інфармацыя пра Віктара Жыдаева

Есаліеў Мурат Хайдаравіч

Дата нараджэньня: 09.02.1989 г. Пасада найміта: наводнік танкавае роты ПВК «Вагнэр». Асабісты нумар: М-2234.

У некалькіх рашэньнях суду станам на 2015 і 2016 год фігуруе як вайсковец ЗС РФ. Удзельнічаў у апэрацыі захопу Крыма.

 

  • Дадатковая інфармацыя пра Мурата Есаліева

Варанчыхін Руслан Рафісавіч

Дата нараджэньня: 25.05.1980 г. Пасада найміта: выведнік-снайпэр 1-га аддзяленьня 2-га  выведвальна-штурмавога ўзводу ВШР ПВК «Вагнэр». Асабісты нумар: М-0692.

Служыў у вайсковай выведцы. У 2010 г. стварыў падстаўную фірму й за 2 гады ўзяў буйныя крэдыты ў банках і ў бізнэсмэнаў на агульную суму 125.372.291,23 руб. і 637.835.892,89 руб., якія не вярнуў. Нягледзячы на больш за 30 судовых пазоваў яму пакуль ўдалося пазьбегнуць зьняволеньня. Судовыя працэсы працягваюцца.  У 2017 годзе Варанчыхін нягледзячы на фінансавыя махінацыі быў вылучаны кандыдатам у дэпутаты Мажгоўскага гарсавета ад мясцовага аддзяленьня ЛДПР.

  • Дадатковая інфармацыя пра Руслана Варанчыхіна

Бабамуродаў Максім Абдулавіч

Дата нараджэньня: 13.03.1983 г. Пасада найміта: гранатамётнік разьліку АГС-17 1-га выведвальна-штурмавога ўзводу кіраваньня ВШР ПВК «Вагнэр». Асабісты нумар: М-0828.

Фігурант судовага працэсу за крадзеж аўтамабілю й зьздяйсьненьне цялесных пашкоджаньняў.

 

  • Дадатковая інфармацыя пра Максіма Бабамуродава

Бахцігараеў Тахір Мінігаянавіч

Дата нараджэньня: 18.04.1980 г. Пасада найміта: мэханік-кіроўца 4-га ВШР (пазыўны «Фартовы») ПВК «Вагнэр». Асабісты нумар: М-0483.

Зьдзяйсьняў дробныя крадзяжы. Ваяваў на Данбасе.

  • Дадатковая інфармацыя пра Тахіра Бахцігараева

Байкін Рышат Мухамедваліевіч

Дата нараджэньня: 04.01.1984 г. Пасада найміта: выведнік-кіроўца 1-га ўзводу 3-га ВШР ПВК «Вагнэр». Асабісты нумар: М-1112.

У 2009 годзе быў засуджаны паводле арт. 131 ч.1 КК РФ (згвалтаваньне).

  • Дадатковая інфармацыя пра Рышата Байкіна

Асьлібекян Давід Паўлавіч

Дата нараджэньня: 14.11.1981 г. Пасада найміта: выведнік, памочнік гранатамётніка 1-га аддзяленьня 1-га выведвальна-штурмавога ўзводу 3-й ВШР ПВК «Вагнэр». Асабісты нумар: М-0658.

Колішні вайсковец 17-й АМСБр (в/ч 65384), быў засуджаны за ўхіленьне ад выкананьня службовых абавязкаў.

  • Дадатковая інфармацыя пра Давіда Асьлібекяна

Амоеў Княз Расул-Аглы

Дата нараджэньня: 15.03.1982 г. Пасада найміта: кіроўца ўзводу харчовага й рэчавога забесьпячэньня ў ПВК «Вагнэр». Асабісты нумар: М-2084.

Засуджаны паводле ч.1 арт. 112 КК РФ (наўмыснае зьдзяйсьненьне шкоды здароўю сярэдняе ступені). Зьбіў жонку.

  • Дадатковая інфармацыя пра Княза Расул-Аглы Амоева

Гандамагамедаў Дзяніс Магамедавіч

Дата нараджэньня: 14.07.1985 г. Пасада найміта: камандыр аддзяленьня 2-га ўзводу 3-й ВШР ПВК «Вагнэр». Асабісты нумар: М-1753.

У 2009-2014 гг. праходзіў вайсковую службу на пасадзе намесьніка камандыра ўзводу ў в/ч 74814 (г. Будзёнаўск). 26.06.2014 г. засуджаны за зьдзяйсьненьне злачынства, якое падпадае пад дзеяньне арт. 286 КК РФ (перавышэньне службовых паўнамоцтваў), прызначанае пакараньне ў выглядзе пазбаўленьня волі на тэрмін 1 год з адбываньнем пакараньня ў папраўчай калёніі агульнага рэжыму.

  • Дадатковая інфармацыя пра Дзяніса Гандамагамедава

Абдрашытаў Рышат Рамзілавіч

Дата нараджэньня: 01.07.1984 г. Пасада найміта: гранатамётнік разьліку АГС-17 1-га ўзводу 4-га ВШР ПВК «Вагнэр». Асабісты нумар: М-1586.

У 2008 годзе старэйшы апэрупаўнаважаны ворганаў МУС РФ Абдрашытаў Р.Р. засуджаны за злоўжываньне службовымі паўнамоцтвамі й перавышэньне службовых паўнамоцтваў.

  • Дадатковая інфармацыя пра Рышата Абдрашытава

Іконьнікаў Леанід Генадзевіч

Дата нараджэньня: 29.10.1985 г. Пасада найміта: нумар разьліку 12,7-мм кулямёту «Корд» 2-га выведвальна-штурмавога ўзводу 2-й ВШР ПВК «Вагнэр». Асабісты нумар: М-0769.

Быў засуджаны адразу паводле некалькіх артыкулаў на 6 гадоў пазбаўленьня волі ў калёніі агульнага рэжыму.

 

  • Дадатковая інфармацыя пра Леаніда Іконьнікава

Матар’ял да публікацыі падрыхтавалі Міхаіл Кузьняцоў і Раман Бурко адмыслова для сайту міжнароднае выведвальнае супольнасьці InformNapalm.

Рэдагаваў і пераклаў на беларускую мову Дзяніс Івашын.

Падчас выкарыстаньня інфармацыі актыўная спасылка на крыніцу абавязковая.
(Creative Commons — Attribution 4.0 International — CC BY 4.0 )

Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.

Tags:

Recent Posts

Related Posts

Comments are closed.

Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.

Download free PDF

Падпісвайцеся на абнаўленьні InformNapalm

Атрымлівайце самую важную інфармацыю InformNapalm наўпрост на Вашую паштовую скрыню. Абяцаем не спаміць :)

RSSSubscribe 0 Followers

Attribution CC BY

88x31

This license lets others distribute, remix, tweak, and build upon your work, even commercially, as long as they credit you for the original creation. This is the most accommodating of licenses offered. Recommended for maximum dissemination and use of licensed materials.

Каляндар

October 2024
MTWTFSS
 123456
78910111213
14151617181920
21222324252627
28293031 

Flickr Галерия

© 2014-2015. «InformNapalm». All Rights Reserved.