7 кастрычніка 2018 г. Служба бясьпекі Украіны апублікавала сьпіс 206 пазаштатных супрацоўнікаў ГУ ГШ ЗС РФ, якія выконвалі задачы ў складзе так званае прыватнае вайсковае кампаніі (ПВК) «Вагнэр» і ўдзельнічалі ў баявых дзеяньнях у Сірыі згодна з інтарэсамі Расейскае Фэдэрацыі, у тым ліку ў лютым 2018 гаду ў раёне н.п. Дэйр-эз -Зор.

Міжнародная выведвальная супольнасьць InformNapalm ад уласных крыніцаў атрымала скан-копіі пашпартоў 6 пазаштатных супрацоўнікаў Галоўнага ўпраўленьня (колішняе ГРУ) ГШ ЗС Расеі, якія выконвалі баявыя задачы на ​​ўкраінскім Данбасе. Таксама атрыманыя зьвесткі пра ўзнагароджваньне некаторых зь іх расейскімі дзяржаўнымі ўзнагародамі за ўдзел у баявых дзеяньнях. Іхныя прозьвішчы супадаюць з сьпісам асобаў, пазначаных СБУ.

Шапавалаў Віктар Віктаравіч, 17.08.1985 г.н., адрэса рэгістрацыі: Валгаградзкая вобласьць, н.п. Данской, вул. Цэнтральная, д. 17, кв. 2, пасада: мэханік-кіроўца танкавае роты ПВК «Вагнэр», асабісты нумар – М-0808, пазыўны – “Колпак” (рас.). На тэрыторыі Украіны ў складзе ПВК «Вагнэр» удзельнічаў у баявых дзеяньнях у раёне н.п. Дэбальцава, Санжараўка й Уткіна (студзень-люты 2015 году). З канца 2015 году яго рэгулярна выпраўляюць для выкананьня заданьняў у Сірыю.

Чупахін Раман Аляксандравіч, 16.02.1989 г.н., адрэса рэгістрацыі: Растоўская вобласьць, слабада Верхнемакееўка, вул. Гагарына, д. 58, пасада: такеляжнік роты матар’яльнага забесьпячэньня, асабісты нумар – М-0721, пазыўны – “Чупа”. На тэрыторыі Украіны ў складзе ПВК «Вагнэр» таксама ўдзельнічаў у баявых дзеяньнях у раёне н.п. Дэбальцава, Санжараўка й Уткіна (студзень-люты 2015 году). З канца 2015 года яго рэгулярна выпраўляюць на тэрыторыю Сірыі для выкананьня заданьняў.

Цішковіч Павал Міхайлавіч, 19.09.1981 г.н., адрэса рэгістрацыі: Забайкальскі край, г. Чыта, мікрараён Дзевіч’я сопка, д. 40, кв. 13, пасада: стралок фільтрацыйнага ўзводу, асабісты нумар – М-0525, пазыўны – “Цыклоп” . У сакавіку-красавіку 2016 году знаходзіўся ў складзе рэзэрвовай роты ПВК «Вагнэр» на тэрыторыі Украіны. У 2017 годзе выпраўлены ў Сірыю. Раней праходзіў службу ў 24-й АБрСпН ГРУ ГШ ЗС РФ.

Сьветкін Ягop Уладзімеравіч, 20.03.1986 г.н., адрэса рэгістрацыі: Самарская вобласьць, сяло Храшчоўка, вул. Палявая, д. 35, кв. 9, пасада: мэханік-кіроўца 3-га танкавага ўзводу танкавай роты, асабісты нумар – М-0823, пазыўны – “Буран”. На тэрыторыі Украіны ў складзе ПВК «Вагнэр» удзельнічаў у баявых дзеяньнях у раёне н.п. Дэбальцава, Санжараўка й Уткіна (студзень-люты 2015 году). З канца 2015 году яго рэгулярна выпраўляюць для выкананьня заданьняў у Сірыю.

Ягор Сьветкін зьяўляецца фігурантам нашага расьледаваньня: “Танкісты ПВК «Вагнэр» на службе Расеі ад Данбасу да Сірыі. Ідэнтыфікаваныя 25 наймітаў“.

Лузан Сяргей Іванавіч, 11.07.1972 г.н., адрэса рэгістрацыі: Краснадарскі край, сяло Варнавінскае, вул. Партызанская, д. 6Б, пасада: кіроўца ўзводу падвозу боепрыпасаў артылерыйскае батарэі 2С1, асабісты нумар – М-1694, пазыўны – “Сібірак”. У складзе ПВК «Вагнэр» непасрэдна ўдзельнічаў у баявых дзеяньнях на тэрыторыі Украіны паблізу Луганскага аэрапорту (ліпень-жнівень 2014 году). Пасьля Украіны ўдзельнічаў у баявых дзеяньнях у Сірыі.

Дадатковыя зьвесткі пра яго таксама маюцца на старонцы каманды Ihtamnet.m0209.

Лебедзеў Андрэй Мікалаевіч, 29.07.1974 г.н., адрэса рэгістрацыі: Яраслаўская вобласьць, горад Рыбінск, вул. Ракасоўскага, д. 2, кв. 63, пасада: старэйшы стралок – зэнітнік разьліку ПЗРК, асабісты нумар – М-1671, пазыўны – “Лебедзь”. Непасрэдна ўдзельнічаў у баявых дзеяньнях на тэрыторыі Украіны паблізу Луганскага аэрапорту (СБУ мае падазрэньне, што менавіта ён зьбіў ўкраінскі вайскова-транспартны лятак Іл-76) і населеных пунктаў Дэбальцава, Санжараўка й Уткіна (студзень-люты 2015 году). У кастрычніку 2014 году ўзнагароджаны дзяржаўнай узнагародай РФ – мэдалём “За адвагу”. У траўні 2015 году ўзнагароджаны яшчэ адной дзяржаўнай узнагародай РФ – “Ордэнам мужнасьці”.

Найбольш цікавым зьяўляецца той факт, што ў красавіку 2016 году Шапавалаў і Сьветкін былі ўзнагароджаныя дзяржаўнай узнагародай РФ – “Ордэнам мужнасьці”, а Лебедзеў – “Мэдалём Суворава”, як “удзельнікі апэратыўна-выведвальных і адмысловых мерапрыемстваў у раёне н.н. Пальміра”. Ва ўзнагародных лістох пасьля пазначэньня іхных пасадаў у ПВК «Вагнэр», маецца заўвага: “праца згодна з інтарэсамі МА РФ”. І калі «Ордэнам мужнасьці» ўзнагароджваюць, як вайскоўцаў, гэтак і цывільных асобаў, то «Мэдалём Суворава» могуць быць узнагароджаныя выключна вайскоўцы Расейскае Фэдэрацыі.

Нагадаем, што 3 верасьня 2018 г. кіраўнік Расеі Уладзімер Пуцін падпісаў указ, згодна зь якім пашыраецца сьпіс зьвестак, якiх адносяць да дзяржаўнай таямніцы. Гэтак, дзяржаўнай таямніцай зараз ёсьць дадзеныя, зьвязаныя з выкананьнем выведвальных задачаў супрацоўнікамі, што не ўваходзяць у кадравы склад Міністэрства абароны, СЗВ і ФСБ.

Пададзеная вышэй інфармацыя мае ў РФ статус дзяржаўнай таямніцы й сьведчыць, што ПВК «Вагнэр» ​​зьяўляецца толькі прыкрыцьцём для дзейнасьці «няштатнай» асобнай брыгады ГУ Генштабу. Усе злачынствы службоўцаў гэтага фармаваньня зьяўляюцца ваеннымі злачынствамі не асобнае прыватнае асобы ці кампаніі, але вышэйшага вайскова-палітычнага кіраўніцтва Расейскае Фэдэрацыі.

Матар’ял падрыхтаваны адмыслова для сайту міжнароднае выведвальнае супольнасьці InformNapalm.

Рэдагаваў і пераклаў на беларускую мову Дзяніс Івашын.

Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )

Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.