28 жніўня ў запарожскім шпіталі ад множных параненьняў памёр беларус Алесь Чаркашын, баец навастворанае тактычнае групы “Беларусь” у складзе ДУК “ПС”.
Алесь Чаркашын, пазыўны “Тарас”| фота Olga Halchenko
10 жніўня батальёная тактычная група расейска-тэрарыстычных войскаў, якая была ўмацаваная 10 танкамі, 10 БМП і іншай тэхнікаю, перайшла ў наступ на апорны пункт 72 АМБр ЗСУ пад Старагнатаўкай. Падчас запеклых баёў удалося ня толькі адбіць атаку, але адкінуць ворага на некалькі кілямэтраў углыб тэрыторыі, якуё ён кантраляваў раней, да сяла Белакаменкі Тэльманаўскага раёну, дзе і быў цяжка паранены Алесь. Тады ўкраінскія падразьдзяленьні занялі нават пануючыя вышыні вакол Старагнатаўкі. У тым баі загінуў таксама пабрацім Алеся, баец “Правага Сэктара” Віталь Цялежанка.
Раён баявых дзеяньняў 10.08.2015
Алесю Чаркашыну было ўсяго 33 гады. Ён быў берасьцейскім грамадзкім актывістам, адным зь лідэраў мясцовае філіі “БХД”, удзельнічаў у шматлікіх дэмакратычных акцыях грамадзскага супраціву, неаднаразова быў арыштаваны міліцыяй.
Ён застанецца для ўсіх нас прыкладам сапраўднага змаганьня за сьвятыя ідэалы дэмакратыі і свадобы, гонару і годнасьці.
Алесь Чаркашын будзе пахаваны на берасьцейскіх могілках.
Шчыра спачуваем ягоным бацькам, сваякам, блізкім і сябрам.
Дзяніс Івашын, InformNapalm.org
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
One Response to “За вашу і нашу свабоду: ва Украіне загінуў беларус Алесь Чаркашын”
2015-09-04
Героі не паміраюць! - InformNapalm.org (Беларуская)[…] Беларусь разьвіталася з сваім мужным і годным сынам Алесем Чаркашыным, байцом навастворанае тактычнае групы “Беларусь” у складзе ДУК “ПС”, які памёр 28 жніўня ў запарожскім шпіталі ад шматлікіх пара…. […]