Хактывісты з кібэральянсу ўкраінскіх групаў FalconsFlame, RUH8, Trinity і СyberHunta зьдзейсьнілі супольную маштабную апэрацыю #op256thDay прысьвечаную Дню праграміста. Дзень праграміста сьвяткуюць адмыслоўцы сфэры IT-тэхналёгіяў у 256-ы дзень году. У невысакосны год сьвята прыпадае на 13 верасьня, у высакосны – на 12 верасьня.

Мэтаю апэрацыі было зрабіць ін’екцыі «сыроваткі праўды» прапагандысцкім і «ўрадавым» рэсурсам так званых марыянэткавых бандфармаваньняў «Л/ДНР» і іншых расейскіх сайтаў, якія забясьпечваюць функцыянаваньне інфармацыйнае кампанэнты тэрарыстычнай вайны супроць Украіны.

Частка рэсурсаў была зьнішчаная (адключэньне даменаў, хостынгу й выдаленьне ўсіх бэкапаў), частка зазнала дэфэйс з напамінам пра вайсковыя злачынствы РФ на Данбасе.

Напад хактывістаў быў зьдзейсьнены на сайты «Антимайдан», «генеральная прокуратура ЛНР», «E-News», «минстрой ДНР» (рас.) і на шмат іншых. Агульная колькасьць рэсурсаў, якія былі зьнішчаныя або зазналі дэфэйс напрацягу аднае «Ночы праграміста» – больш за 33.

На шматлікія прапагандысцкія сайты расейскіх тэрарыстаў хактывісты ўладавалі відэаграфіку з дэманстрацыяй 33 тыпаў узбраеньня й тэхнікі РФ на Данбасе й іншыя відэаролікі, якія раскрываюць ролю Расеі ў агрэсіі супроць Украіны.

Мы зрабілі архівы некаторых дэфэйсаў:

«Антимайдан», «Генеральная прокуратура ЛНР», «Вектор правды.ру», «официальный сайт администрации города Макеевка», «Голос новороссии», «Конт.ws», «портал Донецк.ру», «Министерство строительства ДНР», «исследовательский центр Глобальная Авантюра», «Донецкий политический центр» і т.д.

Нагадаем, што гэта ня першая пасьпяховая супольная апэрацыя кібэрактывістаў. Раней былі таксама зьдзейсьненыя досыць удалыя апэрацыі: #opDay28, #opMay18, #OpMay9.

Візытнаю карткаю кібэральянсу сталіся відэазвароты хакера з «Львоўскага мэтро», якія назьбіралі сотні тысячаў праглядаў у Інтэрнэт і нават патрапілі ў сюжэты тэлеканалаў. Напрыканцы лета ўдзельнікі кібэральянсу таксама далі эксклюзыўнае інтэрвію аднаму з замежных ангельскамоўных каналаў, выхад якога заплянаваны ў кастрычніку 2016 году ў межах сэрыі фільмаў пра кібэрвайну.

Інфармацыя пра іншыя найбольш цікавыя апэрацыі даступная таксама праз спасылку на спэцпраэкт: «Роля хактывістаў у барацьбе з расейскай агрэсіяй».

Інфармацыя падрыхтаваная адмыслова для чытачоў InformNapalm.org, падчас перадруку актыўная спасылка на крыніцу абавязковая.