Рэдактар беларускае службы міжнароднае выведвальнае супольнасьці InformNapalm Дзяніс Івашын надаў эксклюзіўную інфармацыю што да пашырэньня COVID-19 у Беларусі, якая рэзка кантрастуе з афіцыйнымі заявамі Міністэрства аховы здароўя Рэспублікі Беларусь што да стабільных паказьнікаў сьмяротнасьці ад каронавіруснае хваробы  й кантролю над эпідэміялягічнай сытуацыяй у дзяржаве.

У этэры незалежнае тэлевізіі “Белсат” Дзяніс Івашын распавёў пра набыцьцё дзяржаўнымі ўстановамі аховы здароўя Беларусі – больніцамі, шпіталямі і нават паліклінікамі – паталягаанатамічных пакетаў у вялікай колькасьці, што значна перавышае лічбы папярэдніх месяцаў да пашырэньня каронавіруснае хваробы. Гэтая інфармацыя выклікала шырокі рэзананс – за некалькі дзён на YouTube відэаінтэрвію ўжо пагледзелі больш за 130 тысячаў чалавек і пакінулі сотні камэнтароў. Прапануем вам пагледзець гэтае відэа.

Асноўныя важныя моманты, на якія абапіраецца аўтар дасьледаваньня

Упершыню з пачатку эпідэміі COVID-19 у Беларусі агучваецца інфармацыя пра маштабнае набыцьцё мяхоў для транспартаваньня трупаў структурнымі падразьдзяленьнямі Мінздароўя РБ. Прыхаваць гэтую інфармацыю немажліва, бо яна афіцыйна зьмешчанная на электроннай гандлёвай пляцоўцы на партале РУП “Нацыянальны цэнтар маркетынгу й канк’юнктуры цэнаў” (1, 2). Кожнае дзяржаўнае прадпрыемства разьмяшчае тэндэры на гэтай электроннай пляцоўцы паводле вызначанага парадку арганізацыі й правядзеньня працэдураў дзяржаўных закупак за кошт бюджэтных сродкаў, што надае мажлівасьць выкарыстоўваць электронны аўкцыён і зьдзяйсьняць запыты коштавых прапановаў.

Чытайце таксама: Каронавірус на экспарт: ці дастаткова захадаў зьдзяйсьняе Менск для нераспаўсюду эпідэміі?

Перадусім, гэта неабходна для эфэктыўнага выдаткоўваньня бюджэтных сродкаў, празрыстасьці падчас зьдзяйсьненьня дзяржаўных закупак, для стымуляваньня разьвіцьця канкурэнцыі, а таксама антыкарупцыйных захадаў.

Разьмяшчэньне тэндэраў на інфармацыйна-аналітычных сыстэмах рэгулюецца Законам РБ з 13.07.2012 №419-3 “Пра дзяржаўныя закупкі тавараў (працаў, паслугаў)”, указам прэзыдэнта РБ з 31.12.2013 г. №590 “Пра некаторыя пытаньні дзяржаўных закупак тавараў (працаў, паслугаў)”, пастановай Рады Міністраў РБ з 22.08.2012 №778 “Пра некаторыя захады што да рэалізацыі Закону РБ “Пра дзяржаўныя закупкі тавараў” і шэрагам іншых заканадаўчых актаў.

У адпаведнасьці з заканадаўствам РБ, гадавы плян закупак фармуецца штогод і пасьля ухваленьня замоўцам падлягае разьмяшчэньню на электроннай гандлёвай пляцоўцы цягам пяці працоўных дзён, апроч зьвестак, якія зьўляюцца дзяржаўнай таямніцай. Пры гэтым уносіць зьмены ў гадавы плян дзяржзакупак замоўцам дазволенае толькі ў тым парадку, у якім гэты плян быў ухвалены.

Чытайце таксама: Эпідэміялягічная катастрофа COVID-19 у Беларусі: аналіз сытуацыі й прагноз разьвіцьця падзеяў

Пададзеная інфармацыя пра набыцьцё дзяржаўнымі мэдычнымі ўстановамі РБ паталягаанатамічных пакетаў можа ўскосна сьведчыць пра рэальны маштаб эпідэміялягічнае катастрофы ў дзяржаве. Пераважная большасьць гэтых закупак зьдзейсьненая ў красавіку-траўні 2020 г., што ставіць пад сумнеў мажлівасьць супадзеньня й дзіўнага зьбегу абставінаў. Таксама гэта непасрэдна ставіць пад сумнеў і афіцыйныя лічбы пра сьмяротнасьць, якія ва ўмовах адустнасьці ўсеагульнага карантыну падае Міністэрства аховы здароўя РБ, і паказьнкі якіх зьяўляюцца аднымі з найменшых ня толькі ў Эўропе, але й у сьвеце.

Ніжэй падаем табліцу тэндэраў дзяржаўных мэдычных установаў РБ што да набыцьця паталягаанатамічных пакетаў, сфармаваную паводле дадзеных электроннай гандлёвай пляцоўкі goszakupki.by. У табліцу занесеныя тэндэры зь мінімімальнай колькасьцю прадмету закупкі – 100 шт. Адзіным выключэньнем тут ёсьць дзяржаўныя паліклінікі.

Азнакі эпідэміялягічнае катастрофы ўжо зьявіліся у Беларусі праз незастасаваньне карантынных захадаў. Нават паводле афіцыйных дадзеных штодзённы прырост колькасьці інфікаваных COVID-19 у Беларусі – ёсьць адным з найбольшых на эўрапейскім кантынэнце. Згодна з законамі эпідэміялёгіі, Беларусь мае ўсе шанцы ператварыцца на суцэльную зону ліха. Гэта наўпроставая небясьпека ня толькі для краінаў, якія атачаюць Беларусь, але й для Эўропы наагул. Паказальна, што адное з найбуйнейшых французскіх выданьняў “Liberation” ужо адкрыта назвала Беларусь “санітарнай пагрозай Эўропе”.

Матар’ял падрыхтаваны адмыслова для сайту міжнароднае выведвальнае супольнасьці InformNapalm.

Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )

Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.

InformNapalm – гэта вядомы й цалкам незалежны міжнародны валянтэрскі праэкт, які працуе цягам ужо больш за 6 гадоў.

Мы ня маем аніякай фінансавай падтрымкі ад ураду якой-кольвек краіны ці донараў, адзінымі мэцэнатамі інфармацыйнага праэкту зьяўляюцца ягоныя валянтэры й чытачы, якія ангажуюць свае сілы, час і сродкі для супрацьдзеяньня расейскай інфармацыйнай агрэсіі. Вы таксама можаце падтрымаць InformNapalm або сваімі ведамі й навыкамі, або ахвяраваньнем на ўтрыманьне сайту й разьвіцьцё праэкту. Фінансава нас можна падтрымаць або дабрачынным унёскам праз LiqPay, або стаць «патронам» і падпісацца на штомесячныя мініўнёскі праз сеціва Patreon.