Міжнародная валянтэрская супольнасць InformNapalm працягвае сэрыю публікацыяў, якія адлюстроўваюць факты прысутнасьці кадравых расейскіх вайскоўцаў у складзе незаконных збройных фармаваньняў «наваросіі». Часам дастаткова аднога фатаздымку, каб расставіць усе кропкі і адсачыць лёс расейскага акупанта зь мейсца службы да данбаскай камандыроўкі. У выніку новага OSINT-расьледаваньня ідэнтыфікаваны вайсковец-кантрактнік в/ч 09332 Калян Хомчанка, які сумяшчае працу ў шэрагах ЗС РФ з «службай» у шэрагах бандфармаваньняў “ДНР”.

Першасныя дадзеныя: Мікалай Хомчанка (архівы на профіль, фотаальбом, кантакты ў сацсеціве «VK»), 16 кастрычніка 1992 г.н., родам з г.Назарава Краснаярскага краю РФ. Жонка – Марыя Хомчанка-Іванова, якая пражывае ў г.Назараве. Двое дзяцей. Тэрміновую вайсковую службу ў 2011-2012 гадох праходзіў у чыгуначных войсках, в/ч 29420, г.Хабараўск. З траўня 2015 года ў статусе кантрактніка служыць на 7-й расейскай акупацыйнай вайсковай базе ў г. Гудаўта (Абхазія, Грузія). З чэрвеня 2015 году адкамандыраваны на Данбас, меркавана ў склад так званага спэцпадразьдзяленьня «Барс» “2-га МСБ рэспубліканскай гвардыі ДНР” НЗФ «наваросіі».

Профіль старонкі фігуранта Хомчанкі быццам ня мае нічога адметнага – старонка тыповага баявіка «наваросіі», аднаго з дзясяткаў тысячаў быдла-расейцаў з глыбінкі, якія едуць на Данбас падзарабіць на айфоны, калі б не адное АЛЕ. У прыватнасьці, у альбоме Хомчанкі быў выяўлены адзін цікавы фатаздымак, выкладзены 15 траўня 2015 году, у якім наш “герой” пазуе на тле «БТР-82А», а на заднім пляне можна пабачыць нетыповыя будынкі. Ня менш цікавыя і камэнтары да фатаздымку з пажаданьнямі посьпеху на новым мейсцы службы. Дык праз што ж прыцягнуў нашую ўвагу гэты фатаздымак? Вядома ж, праз найноўшы БТР і камэнтары, але больш за ўсё – праз заднее тло, на якім можна пабачыць дахі так званых модульных казармаў, якія знаходзяцца толькі ў адным мейсцы – на 7-й расейскай акупацыйнай вайсковай базе ў горадзе Гудаўта (Абхазія, Грузія).

Згодна з фотаподборкаю Хомчанкі, ягоная данбаская камандыроўка пачалася ў чэрвені 2015 году і доўжылася меркавана да кастрычніка. Прысутнасьць Хомчанкі на Данбасе пацьверджвае шэраг здымкаў у нестатутным абліччы, характэрным для баявікоў «наваросіі», у тым ліку фатаздымак зь геатэгам з Данецка разам з «баявым таварышам» Дзянісам Махнюком (архіў на профіль, фотаальбом, кантакты), а таксама «памятным» фота каля данецкага бару «Рычард», што знаходзіцца на вуліцы Арцёма, 87. Мяркуючы з фатаздымкаў і кантактаў, фігурант Хомчанка служчыць у складзе так званага спэцпадразьдзяленьня «Барс» “2-га МСБ рэспубліканскай гвардыі ДНР” НЗФ «наваросіі», адметная рыса – чорныя берэты «марпехаў».

Глядзіце архівы на некаторыя данбаскія фатаздымкі фігуранту Хомчанкі (1, 2, 3, 4, 5, 6, 7, 8).

Апроч фатаздымкаў, у профілі нашага фігуранту выяўлены «аўтарскі» відэазапіс, выкладзены 5 ліпеня 2015 году, з забаўкамі расейскіх акупантаў на Данбасе, у якім апранатаму ў бронекамізэльку Хомчанку страляюць у грудзі.

Спадзяемся, што наступны стрэл будзе ськіраваны ў неабароненую і пустую галаву расейскага вайсковага злачынца.

Нагадваем, што гэта ня першы выпадак, калі ў шэрагах НЗФ «наваросіі» зафіксаваныя кадравыя расейскія вайскоўцы. Згодна з новай практыкай, застасаванай расейскім вайсковым камандаваньнем пасьля ўступленьня ў сілу «Менскіх дамоўленасьцяў», расейскія вайскоўцы дробнымі групамі паступаюць у склад НЗФ «ДНР/ЛНР». Падразьдзяленьні 7-й расейскай вайсковай базы шматкроць згадваліся ў кантэксьце «растоўска-ўкраінскіх камандыровак». Улетку-ўвосень 2014 году ў памежных з Украінай раёнах Растоўскае вобласьці неаднаразова былі зафіксаваныя тактычныя групы гэтага вайсковага злучэньня, у тым ліку самаходная і рэактыўная артылерыя, якая абстрэльвала тэрыторыю Украіны. Пазьней дробныя групы і асобныя вайскоўцы вайсковай часткі з Абхазіі былі зафіксаваныя ў складзе бандфармаваньняў «наваросіі».

У пададзеных ніжэй спасылках прадстаўлены матар’ял што да фактаў удзелу 7-й вайсковай базы ЗС РФ у вайне супроць Украіны:

• Кантрактнік ЗС РФ з 7-й вайсковай базы ваюе ў складзе бандфармаваньняў “ДНР”.
• Расея перакідвае тэхніку 7-й вайсковай базы ў Растоўскую вобласьць.
• Зафіксаванае маштабнае перакідваньне сілаў і сродкаў ЗС РФ з акупаванай Абхазіі.
• Легенда-біяграфія “колішняга” вайскоўца 7-й вайсковай базы.
• Вайскоўцы 7-й вайсковай базы ЗС РФ перагульваюць падчас пераапрананьня ў баявікоў “ДНР/ЛНР”.
• Чарговыя ўзнагароджаныя з 7-й акупацыйнай вайсковай базы ў выніку ўкраінскіх камандыровак.
• Міхос “адважны” – выведнік 7-й в/базы, кавалер мэдалю “За адвагу”.
• Тэрміноўцаў 7-й вайсковай базы РФ масава вярбуюць у кантрактнікі для “ўкраінскіх камандыровак”.
• Вайскоўцаў 7-й вайсковай базы РФ з Абхазіі за ўдзел у баёх на Данбасе ўзнагароджваюць мэдалямі.
• “З мандарынавага раю ва ўкраінскае пекла”: як расейскіх кантрактнікаў добраахвотна-прымусовым чынам выпраўляюць забіваць украінцаў.
• Рэактыўная артылерыя 7-й расейскай акупацыйнай базы з Абхазіі на мяжы з Данбасам.
• «Інтэрны» – медычнае падразьдзяленьне 7-й вайсковай базы з Абхазіі на мяжы з Украінай.
• «Данецкі экспрэс» – ідэнтыфікацыя расейскай тэхнікі і ўзбраеньня, якое перакідваюць на Данбас.
• Баявыя разьлікі САУ “Акацыя” 7-й вайсковай базы, якія “партызаняць” у лясох уздоўж мяжы з Украінай.

Матар’ял да публікацыі падрыхтаваны на падставе ўласнага OSINT-расьледаваньня міжнароднай валянтэрскай групай InformNapalm. Аўтар расьледаваньня –  Іраклі Камахідзэ

На беларускую мову пераклаў Дзяніс Івашын

(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.

 Актыўны распаўсюд у сацсетках вітаецца!