У выніку правядзеньня OSINT-расьледаваньня міжнародная выведвальная супольнасьць InformNapalm выявіла доказы ўдзелу ў ваеннай апэрацыі захопу Крыму марскога пяхотніка 810-й асобнай брыгады марское пяхоты (АбрМП) Чарнаморскага флёту ВМФ РФ. Расейскага ваеннага злачынца й аматара фашыстоўскага вітаньня дапамагла выявіць ягоная ўласная маці.
Падчас вывучэньня акаўнту сацсеціва расейскага дэсантніка Максіма Даўжэнкі, аднаго з фігурантаў нашага расьледаваньня пра ўдзел 108-га дэсантна-штурмавога палку ЗС РФ у акупацыі Крыму, пад фатаздымкам ягонага мэдалю “За возвращение Крыма” выяўлены камэнтар з віншаваньнем ад расейкі Ірыны Дураўкінай, у якім яна сьведчыць, што ейны сын таксама атрымаў такі ж мэдаль (падаем у арыгінале з захаваньнем артаграфіі й пунктуацыі):
«У меня сын тоже получил медаль За Возвращения Крыма! Вы молодцы, наши герои! Поздравляю с такой наградой!!!!!!
Скрыншот камэнтару Ірыны Дураўкінай
Пасьля публікацыі расьледаваньня Максім Даўжэнка прыбраў з свайго акаўнту фотадоказы, якія яго кампрамэнтуюць, аднак яны засталіся ў нашым архіве.
-
Скрыншоты фатаздымку й камэнтароў да яго з акаўнту М. Даўжэнкі
Падчас вывучэньня акаўнту Ірыны Дураўкінай у фотаальбоме выяўлены здымак ейнага сыну з мэдалём за акупацыю Крыму. Апроч гэтага, яна разьмясьціла таксама фатаздымак узнагароднага пасьведчаньня да гэтага мэдалю.
Арыгінал фатаздымку мэдалю й пасьведчаньня:
У выніку вызначанае поўнае імя расейскага ваеннага злачынца, нумар вайсковай часткі, у складзе якой ён удзельнічаў у ваеннай агрэсіі супроць Украіны, а таксама імя ягонага камандыра, дату й нумар загаду Міністэрства абароны РФ пра ўзнагароджаньне.
Ідэнтыфікацыйныя дадзеныя
Цяперачкін Дзьмітры Аляксеевіч (рас. – Теперечкин Дмитрий Алексеевич).
Нарадзіўся 19 чэрвеня 1995 году ў г. Белая Калітва Растоўскае вобласьці РФ. Жыве ў Растове-на-Доне.
Тэрміновую вайсковую службу праходзіў у 2013-2014 гг. у 1-й дэсантна-штурмавой роце дэсантна-штурмавога батальёну 810-й АбрМП (в/ч 13140, пункт сталай дысьлякацыі – г. Сэвастопаль, Крым, часова акупаваная тэрыторыя Украіны). Мейсца службы пацьверджанае дадзенымі з узнагароднага пасьведчаньня.
Дзьмітры Цяперачкін таксама апублікаваў у сваім акаўнце фатаздымак мэдалю за акупацыю Крыму й узнагароднага пасьведчаньня да яго, праўда, толькі ягоную вокладку. Выказваем падзяку Ірыне Дураўкінай за выкрыцьцё свайго ж сына праз публікацыю фатаздымку ўзнагароднага пасьведчаньня ў разгорнутым выглядзе.
У фотаальбоме Дзьмітрыя Цяперачкіна выяўлены таксама фатаздымак, у якім гэты расейскі марскі пяхотнік зафіксаваны з тыповым жэстам фашыстоўскага вітаньня, – характэрная асаблівасьць пераемнасьці цэлых пакаленьняў акупантаў украінскае зямлі.
-
Старонкі сацсетак, скрыншоты й фатаздымкі Дзьм. Цеперачкіна
-
Фотадоказы з акаўнту Ірыны Дураўкінай
Палкоўнік Бяляўскі падпісваў пасьведчаньні да ўзнагародаў за акупацыю Крыму
Узнагароднае пасьведчаньне да мэдалю за акупацыю Крыму, выдадзенае Дзьмітрыю Цяперачкіну, падпісаў камандыр 810-й АБрМП палкоўнік Бяляўскі Уладзімер Анатолевіч. У выніку выведкі адкрытых крыніцаў вызначанае, што палкоўнік У. Бяляўскі меў пасаду камандыра 810-й АБрМП з студзеня 2010 па верасень 2014 году. Зь верасьня 2014 па 2016 г. навучаўся ў вайсковай акадэміі Генэральнага штабу ЗС РФ, з чэрвеня 2016 па верасень 2017 г. быў камандырам 40-й АБрМП Ціхаакіянскага флёту РФ (в/ч 10103), а зь верасьня 2017 г. зьяўляецца камандырам 212-га гвардзейскага акруговага навучальнага цэнтру падрыхтоўкі малодшых спэцыялістаў танкавых войскаў (в/ч 21250).
Удзельнічаў у баявых дзеяньнях на Паўночным Каўказе. Паводле ўказу прэзыдэнта РФ № 860 з 8 жнiўня 2006 г. Бяляўскаму было нададзенае званьне Героя Расейскае Фэдэрацыі, ён быў узнагароджаны адмысловай узнагародай – мэдалём «Залатая Зорка». Мае некалькі фатаздымкаў, зробленых разам з кіраўніком РФ Уладзімерам Пуціным.
Верагодна, што гэты дасьведчаны прафэсійны вайсковец ня толькі падпісваў пасьведчаньні да ўзнагародаў сваіх падначаленых за ўдзел у акупацыі Крыму, але й сам асабіста кіраваў падразьдзяленьнямі 810-й АбрМП падчас выкананьня спэцыяльных заданьняў у межах апэрацыі захопу вайсковых аб’ектаў ВМС Украіны ў Крыме.
Валянтэры супольнасьці InformNapalm з першых дзён расейскай ваеннай агрэсіі працягваюць зьбіраць і дакумантаваць доказы расейскай ваеннай агрэсіі супроць Украіны, якія маюць патэнцыял для выкарыстаньня ў якасьці судовых пазоваў супроць дзяржавы-агрэсара Расейскай Фэдэрацыі.
Ніжэй падаем сьпіс расьледаваньняў міжнароднае выведвальнае супольнасьці InformNapalm пра ўдзел 810-й АБрМП ЧФ ВМФ РФ у ваеннай агрэсіі супроць Украіны й Сірыі:
- Вайскоўцы 108-га дэсантна-штурмавога палку ЗС РФ удзельнічалі ў акупацыі Крыму
- Вызначаныя дадзеныя 10 ваенных злачынцаў з 810-й асобнай брыгады марской пяхоты ЧФ РФ
- Выкрытыя 10 “зялёных чалавечкаў” у чорных бэрэтах, якія захоплівалі Крым
- Выяўленыя вайскоўцы 810-й брыгады марской пяхоты ЧФ ВМФ Расеі, якія ўдзельнічалі ў захопе Крыму
- Экспарт дзяржаўнага тэрарызму РФ: кадравыя найміты ад Данбасу да Сірыі
- Марскі пяхотнік 810-й АБМП ЧФ РФ раскрыў дысьлякацыю апорнага пункту ў Сірыі
- Марпех 810-ф асобнай брыгады ЧФ РФ выяўлены на Данбасе за 12 км ад Марыюпаля
- Марская пяхота 810-й брыгады ЧФ РФ у палёх Данбаса
Зь інфармацыяй пра ўсе выяўленыя супольнасьцю InformNapalm падразьдзяленьні Збройных сілаў Расейскае Фэдэрацыі, што ўдзельнічалі ў ваеннай агрэсіі супроць Украіны, Грузіі й Сірыі, можна азнаёміцца ў базе дадзеных Russian Aggression.
Матар’ял падрыхтаваны адмыслова для сайту міжнароднае выведвальнае супольнасьці InformNapalm.
Рэдагаваў і пераклаў на беларускую мову Дзяніс Івашын.
Пашырэньне й перадрук з спасылкаю на крыніцу вітаюцца!
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.
Вы можаце падтрымаць нас дабрачынным ахвяраваньнем, каб дапамагчы кампэнсаваць выдаткі на ўтрыманьне сайту й спрыяць разьвіцьцю нашага валянтэрскага праэкту.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа