Інсайдэры паведамляюць, што сёньня падчас бою пад Шчасьцем з ДВГ баявікоў у палон да ўкраінскіх сілавікоў патрапілі 2 расейскіх спэцназаўцы. Інфармацыю на дадзены момант пацьвердзілі некалькі нашых уласных крыніцаў, спадзяюся, калі палонныя прадстаўнікі аб’яднаных расейска-сэпаратысцкіх сілаў (АРСС) сапраўды апынуцца вайскоўцамі РФ іх ня проста абмяняюць “па ціхаму”, але забясьпечаць гэтаму неабходны розгалас, арганізуюць прэс-канфэрэнцыю і прыцягнуць міжнародных прадстаўнікоў, якія зафіксуюць гэты факт. Паводле папярэдніх дадзеных, падчас бою спэцназаўцы былі параненыя, таму патрапілі ва ўкраінскі палон.
Калі ў кагосьці ёсць дапаўненьні, ўдакладненьні – пішэце.

Posted by Roman Burko on Saturday, May 16, 2015

Хлопцы зь перадавой паведамляюць, што да 5-й раніцы баі з ДВГ ворага пад Шчасьцем скончыліся.

Інфармацыя пра палонных расейскіх вайскоўцаў пацьвердзілася, мы ведаем дзе іх утрымліваюць, ведаем іх званьні (UPD: гэта байцы тальяцінскага спэцназу, сярод іх адзін афіцэр, а другі з сяржанцкага складу), але даваць поўны пералік інфармацыі пакуль ня будзем. Спадзяемся, што нас пачуюць і прыслухаюцца. Ня трэба іх мяняць, ня трэба іх саджаць і ня трэба неразумна маўчаць. Недарэчныя нязграбныя здымкі допытаў таксама не дапамогуць справе. Ёсьць толькі адзіны слушны крок, зьдзейсьніўшы які можна раз і назаўжды нанесьці сакрушальны ўдар па крамлёўскай прапагандзе. І ён нават ня ў тым, каб вазіць іх як экспанаты ў Гаагу, ён іншы, больш эфэктыўны.
Пан #Парашэнка, не марнуйце гэты шанец, інакш, калі праз тыдзень расейцы зьдзейсьняць чарговы магутны ўдар вы можаце яго страціць.

Мы гатовыя распавесьці кампэтэнтным асобам як выкарыстоўваць гэты шанец слушна, мы гатовыя дапамагчы яго рэалізаваць, але патрэбныя палітычная воля і рэальныя дзеяньні.
Гэта ваш шанец зьмяніць гісторыю і скіраваць ейную хаду ў рэчышча перамогі.

#‎АТО ‪#‎Война ‪#‎Украина
Posted by Roman Burko on Sunday, May 17, 2015

Учора, 16.05.15., Спэцназ РФ атакаваў з акупаванага Луганска ўкраінскі г.Шчасьце. Паводле словаў двух параненых палонных расейцаў з Самары (в/ч спэцназа з г.Тальяці, раскватараванае ў Луганску), якіх даставілі ў мэдслужбу батальёну “Айдар” і 59-га шпіталя – іх увяло ў зман камандаваньне, якое паведаміла ім, што батальён “Айдар” выведзены з Шчасьця, пакінуў ЦЭС і яны хацелі пагледзець – ці так гэта. Як звычайна ў такіх выпадках, расейскія дывэрсанты вельмі хваляваліся за свае ворганы, якія медыкі-карнікі маюць ў іх выразаць з мэтай продажу, пра што, згодна зь іхнымі словамі, іх увесь час папярэджваюць бацькі-камандыры. Адзін з афіцэраў-акупантаў нават запатрабаваў апэраваць плячо без наркозу – вартаваў свае ныркі – і мы пагадзіліся выканаць пажаданьне тэрарыстычнага працаўніка. Другому расейскаму дывэрсанту – Сашы Аляксандраву з Самары-гарадка наклалі на перабітую сьцегнавую костку апарат зьнешняй фіксацыі. Так, мы не сталі ўдакладняць, чые камандаваньне пажартавала з акупантамі-дывэрсантамі. Думаем, што маглі абодва.

Posted by Grigory Maximets on Sunday, May 17, 2015