Артылерыйскага ўзбраеньня й тэхнікі 5-й асобнай мотастралковай брыгады «Оплот» (рас.) (в/ч 08805) 1-га расейскага акупацыйнага армейскага не было ва ўзбраеньні ЗС Украіны. Такі адказ мы атрымалі на афіцыйны запыт у МА Украіны №356/2/619 з 15.09.2017 г.
Нагадаем, раней мы апублікавалі расьледаваньне на падставе інфармацыі, якая маецца ў дампе паштовага ліставаньня расейскага афіцэра, што выконвае функцыі начальніка артылерыі 1-га акупацыйнага корпусу (так званы 1-й АК «ДНР»). Паштовы дамп нам быў эксклюзіўна перададзены хактывістамі Украінскага Кібэральянса й КібэрХунты. Больш падрабязна ў матар’яле «Начальнік артылерыі 1-га расейскага акупацыйнага корпуса пад кантролем UCA. Частка 1». На падставе наяўных у дампе здымкаў сэрыйных нумароў тэхнікі мы сфармавалі запыт у МА Украіны.
Гаўбіцы Д-30, сэрыйныя нумары й фота:
- Л3170 – 1987 г.в.
- АБ3122 – 1990 г.в.
- 981011
- 97XX54
- 906700
- 979178
- 058182
РСЗВ «Град» БМ-21, сэрыйныя нумары й фота:
- 5949
- 7062
- 70160
- РГ1415В
- РГ5070И
- РГ2249Е
- РГ7197Л
Процітанкавыя гарматы МТ-12, сэрыйныя нумары й фота:
- 00521 – 1970 г.в.
- 12198 – 1982 г.в.
- 03143 – 1973 г.в.
- 79148 – 1987 г.в.
- 01468 – 1971 г.в.
- 06328 – 1976 г.в.
Адказ Цэнтральнага артылерыйскага кіраваньня ЗСУ абвяргае вэрсію расейскага вайскова-палітычнага кіраўніцтва што да крыніцы паходжаньня тэхнікі падразьдзяленьняў двух паўнавартасных армейскіх акупацыйных карпусоў («атрымалі ў выглядзе трафеяў падчас баявых дзеяньняў», «адкапалі ў шахтах Данбаса», «купілі за гарэлку й тушонку»).
У дадатак рэкамэндуем азнаёміцца зь сьпісамі ўзбраеньня й асабовага складу 1-й асобнай мотастралковай брыгады: «Раскрыты поўны склад і ўзбраеньне самаходнага артдывізыёну баявікоў 1-й АМСБр расейскага акупацыйнага корпусу». Згаданых у гэтым матар’яле САУ таксама не было ва ўзбраеньні ЗС Украіны:
Апроч гэтага ў базе дадзеных InformNapalm маецца здымак даверанасьці на перадачу пяці расейскіх вайсковых БПЛА камандыру роты радыёэлектроннай выведкі 1-га акупацыйнага корпусу. Даверанасьць выдадзеная 10 сьнежня 2014 году з тэрмінам дзеяньня да 20 сьнежня 2014 году. У дакуманце пазначанае, што так званы 1-й АК «ДНР» у асобе камандыра роты РЭР Пятніцы Віталя Эдуардавіча (дакуманты «МА ДНР», сэрыя З №988) гатовы прыняць ад 12-га камандаваньня рэзэрву Збройных Сілаў Расейскае Фэдэрацыі (г. Навачаркаск, Растоўская вобласьць , в/ч 89462) матар’яльныя каштоўнасьці паводле формы №12, менавіта:
- адзін камплект комплексу БЛА «Арлан-10»;
- два камплекты комплексу БЛА «Элерон»;
- два камплекты комплексу БЛА «Тахіён»
Усе гэтыя факты выразна й адназначна сьведчаць пра крыніцу пастаўкі ўзбраеньня й вайсковае тэхнікі на акупаваныя тэрыторыі Данбаса, апроч гэтага выяўляюць непрыхаваную хлусьню ваеннай прапаганды й афіцыйных заяваў з мэтай пераканаць сусьветную супольнасьць у сваёй невінаватасьці. Усё гэта зьдзяйсьняе краіна-агрэсар Расейская Фэдэрацыя.
Чытайце таксама тэматычныя матар’ялы:
Матар’ял да публікацыі падрыхтаваў Міхаіл Кузьняцоў адмыслова для сайту InformNapalm.
Пераклаў на беларускую мову Дзяніс Івашын.
Падчас выкарыстаньня інфармацыі актыўная спасылка на крыніцу абавязковая.
(Creative Commons — Attribution 4.0 International — CC BY 4.0 )
Рабіце рэпост і дзяліцеся зь сябрамі.
Падпісвайцеся на старонкі супольнасьці InformNapalm у Фэйсбук / Твітэр / Telegram
і апэратыўна атрымлівайце інфармацыю пра новыя матар’ялы.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа