19 жніўня 2016 г. міжнародная супольнасьць InformNapalm апублікавала расьледаваньне і эксклюзыўны радыёперахоп перамоваў падпалкоўніка ЗС РФ Станіслава Яршова. Гэты высокапастаўлены вайсковец раней быў камандырам 2-га батальёна 247-га гвардзейскага дэсантна-штурмавога палку (в/ч 54801, Стаўрапаль). А з кастрычніка 2014 году быў адкамандыраваны на Данбас і прызначаны на пасаду намесьніка камандыра так званага «6-га асобнага мотастралковага палку 2-га Армейскага корпуса» прарасейскай тэрарыстычнай арганізацыі «Луганская народная Рэспубліка» («ЛНР»).
У папярэднім матар’яле: «Падпалкоўнік 247-га палку ПДВ ЗС РФ камандуе тэрарыстамі «ЛНР» (аўдыёперахоп)» мы разгледзілі толькі невялікую частку перамоваў падрабязна распавялі пра падпалкоўніка Станіслава Яршова. У гэтай публікацыі мы прааналізуем канкрэтныя тэзы, якія адлюстроўваюць сутнасьць гібрыднае тактыкі Расейскай Фэдэрацыі што да вядзеньня неабвешчанай вайны супроць Украіны.
У дыялёгах Яршова і ягоных колішніх таварышаў у службе з Расеі гучаць фразы, якія маюць дачыньне ня толькі асабіста да падпалкоўніка. Шматлікія ягоныя словы ёсьць пацьверджаньнем слушнасьці афіцыйнага пункту гледжаньня і высноваў вайскоўцаў і выведвальных ведамстваў Украіны. Асаблівай увагі заслугоўвае тэма непасрэднага ўдзелу кадравых вайскоўцаў РФ у вайне на Данбасе, а таксама іхнае ролі ў падзеях, якія адбываліся на акупаваных тэрыторыях.
Ніжэй разгледзім тэзы з радыёперахопу (падаем у арынінале, увага: маецца ненарматыўная лексыка).
«…Спецы вот эти наши, рядом с нами Мозгового тут… припизд…чили» – падпалкоўнік Яршоў ў прыватнай гутарцы ўскосна пацьверджвае вэрсію МУС і разведкі Украіны пра тое, што Аляксея Мазгавога, аднаго зь лідэраў «ЛНР», ліквідавалі сілы спэцназу ГРУ ГШ РФ. Яршоў, такім чынам, абвяргае вэрсію асноўных расейскіх СМІ пра украінскую ДВГ.
InformNapalm неаднаразова паведамляў пра тое, што ГРУ РФ, а таксама ПВК з Расеі ліквідуюць найбольш вядомых і самастойных лідэраў «Л/ДНР», спыняюць «казачую вольніцу» і ўводзяць расейскае вайсковае камандаваньне ў тэрарыстычных фармаваньнях «Луганскай і Данецкай рэспублік».
Відэграфіка аналізу ўдзелу расейскіх ПВК у вайсковых канфліктах ва Украіне і ў Сірыі
Стэнаграма запісу на 00:43 – 00:53 хв. хранамэтражу (18+)
«…Много там заключенных, много, бл…дь, беглых заключенных из России» – гэтая фраза чарговага разу пацьверджвае выкарыстаньне крымінальнікаў з РФ у якасьці асабовага складу «збройных сілаў Л/ДНР». Далей Яршоў распавядае свайму калегу пра «багаты досьвед працы з такім элемэнтам».
Дэсантнікі з 80-й Львоўскай ААЭМБр дэманстравалі рэдактарам InformNapalm фота «апалчэнцаў», якія патрапілі ў палон у раёне Сьвятладарска, і якія мелі тату, характэрныя для злачыннага сьвету Расеі.
Глядзіце таксама: «Грамадзяне Расеі: ліквідацыя снайпэра і тэлефанаваньне зьбегламу камандыру роты (відэа)».
Такіх палонных таксама бралі дэсантнікі з 95-й ААЭМБр ЗСУ на заходніх ваколіцах Данецка, у раёне Ясінаватай і Аўдзееўкі. Як правіла, гэтыя палонныя былі не мясцовымі жыхарамі, але баявікамі- грамадзянамі РФ. У кантэксьце гэтых фактаў выкарыстаньне пэрсаналу Фэдэральнай службы выкананьня пакараньняў (ФСВП) РФ на тэрыторыі Украіны ня ёсьць дзіўным.
Глядзіце таксама: «Хакеры «спалілі» спэцназаўца ФСВП Расеі. Відэа (18+)»
Хтосьці меўся забясьпечваць дастаўку крымінальнікаў у зону канфлікту і іхнае прыпісваньне да частак «збройных сілаў» прарасейскіх тэрарыстычных фармаваньняў «Л/ДНР».
Стэнаграма запісу на 07:52 – 08:41 хв. хранамэтражу (18+)
Далей у запісу аўдыёперахопу маеца яшчэ шэраг паведамленьняў:
«Комбригу-советнику, бл…дь, прострелили ногу» – цалкам мажліва, працэс прызначэньня «дарадцаў» на ўсе вышэйшыя камандныя пасады скончыўся яшчэ ў 2015 годзе. Гэта пацьверджваюць і паказаньні палонных «апалчэнцаў» пра тое, што камандныя пасады ў бандфармаваньнях маюць вайскоўцы з Расейскай Фэдэрацыі.
«Было, что убивали, короче, советников…» – ускоснае пацьверджаньне, што адносіны між «камандырамі-дарадцамі» і іхнымі падначаленымі досыць складаныя, цалкам мажліва, праз іхныя брутальныя паводзіны й несхаванай пагарды, як да мясцовых наймітаў, гэтак і да прыбылых расейскіх зэкаў. Гэтыя ж эмоцыі дэманструе і сам падпалкоўнік Яршоў ў сваіх дыялёгах з сваімі таварышамі ў службе, расейскімі дэсантнікамі. Пра падобнае стаўленьне да мясцовых наймітаў як да людзей другога гатунку і гарматнага мяса з боку расейскіх «дарадцаў-камандыраў» таксама сьведчылі баявікі, што патрапілі ў палон альбо добраахвотна здаліся ЗСУ.
Стэнаграма запісу на 09:16 – 09:53 хв. хранамэтражу (18+)
Чытайце таксама: «Давялі да зьмяшчэньня ў вар’ятню і развалілі брыгаду – прыклады пасьпяховых інфармацыйных апэрацыяў»
Стэнаграма запісу на 01:47 – 03:05 хв. хранамэтражу (18+)
«Им танковый батальон дали» – з гэтай фразы вынікае, што так званаму “6-му асобнаму мотастралковаму казачаму палку, у якім служыў Яршоў, тэхніку пастаўляюць з РФ цэлымі дывізыённымі камплектамі. Па ўсім відаць, гэта зьяўляецца звычайнай практыкай для тэрарыстычных анклаваў Данбаса.
«Третье управление, по-моему… Седьмое формирование», «12-го командования резерва Южного военного округа» – паводле дыялёгаў Яршова зь ягонымі колішнімі/будучымі таварышамі ў службе, пэрсанал для адпраўкі ва Украіну падбіраюць і накіроўваюць кадравыя ведамствы акругаў МА РФ.
Характэрна, што 12-е камандаваньне рэзэрву Паўднёвае вайсковае акругі Міністэрства абароны Расейскай Фэдэрацыі ўжо неаднойчы фігуравала ў якасьці перавалачнага пункта для перакідваньня кадравых вайскоўцаў РФ на Данбас.
У сваіх паказаньнях адзін з палонных афіцэраў ЗС РФ, маёр Уладзімер Старкоў, таксама сьведчыў пра існаваньне фіктыўнай вайсковай часткі №89462 у Новачаркаску, якая зьяўляецца прыкрыцьцём для 12-га камандаваньня і выпраўным пунктам камандыровак на вайну ва Украіну.
Глядзіце таксама: «Вайсковая частка №89462 у Новачаркаску – шырма для ДНР/ЛНР?»
У расьледаваньні InformNapalm што да гэтай вайсковай часткі фігуравала інфармацыя пра тое, што расейскі афіцэр, падпалкоўнік Бекрэнеў, нават ініцыяваў судовыя разьбіральніцтвы з МА РФ, патрабаваў скасаваць ягонае сасланьне ў пазначаную частку.
Яшчэ адзін інцыдэнт з спробай скасаваць перавод у 12-е камандаваньне агучыла ўжо ўкраінская выведка: падпалкоўнік ЗС РФ Канстантын Канаплянік спрабаваў таксама праз суд пазьбегнуць камандыроўкі ва Украіну.
Стэнаграма запісу на 05:47 – 07:06 хв. хранамэтражу (18+)
Яшчэ 11 судовых разьбіральніцтваў, зьвязаных з адмоваю расейскіх вайскоўцаў пераходзіць пад кіраўніцтва 12-га камандаваньня рэзэрву ПВА, можна знайсьці праз просты запыт у пошукавай сыстэме на афіцыйным сайце судовых актаў РФ.
Калі ж паспрабаваць зрабіць пошукавыя запыты з рознымі варыяцыямі, то, пэўна, можна знайсьці яшчэ болей інфармацыі.
Вынік пошуку з згадваньнем вайсковай часткі №89462 (пра якую мы паведамлялі вышэй) надае нам таксама вялізны абшар для дасьледаваньняў.
Напрыклад, з рашэньня суду (архіў) з 12 лютага 2016 году ў справе №2-1041/2016 вынікае, што 19 студзеня 2015 году «загінуў падчас выкананьня абавязкаў вайсковай службы» грамадзянін Смірноў Д.У, а судовая справа зьвязаная зь нявыплатаю страхаваньня. Інфармацыі пра тое, дзе менавіта загінуў вайсковец, няма, але апошнім мейсцам службы пазначаная тая ж фіктыўная частка 12-га камандаваньня, якая выкарыстоўваецца як прыкрыцьцё для камандыровак на Данбас. (Гэтае судовае рашэньне цікавае праз тое, што раскрывае масу бюракратычных нюансаў расейскай сыстэмы, напрыклад, сваякі загінулага ня могуць атрымаць страхоўку з-за адсутнасці нейкага штампу або запісу у графе «Наяўнасць дзяцей»).
Такім чынам, з радыёперахопу Яршова мы атрымалі наўпроставыя й ускосныя доказы гібрыднае сутнасьці дзеяньняў РФ на Данбасе. У вайсковых дзеяньнях да таго ж удзельнічаюць ня роты і батальёны ЗС РФ, але зводныя батальённа-тактычныя групы, укамплектаваныя з розных падразьдзяленьняў. Камплектацыя адбываецца і ўжо на акупаваных тэрыторыях з актыўным і прынцыпова важным удзелам вайсковага пэрсаналу РФ.
«Мы тут пересечемся, тут c ВДВ дох…я, бл…дь…» – цалкам мажліва, Яршоў кажа пра сваіх расейскіх таварышаў у службе, то бок сьведчыць пра тое, што ў «Л/ДНР» шмат дэсантнікаў з Расеі. Па ўсім відаць, насычанасьць падобным пэрсаналам у значнай ступені забясьпечвае хоць нейкую баяздольнасьць так званых «збройных сілаў Л/ДНР».
Заўвагі Яршова пра тое, што мясцовае насельніцтва мае кепскую падрыхтоўку і яго складана навучаць, а таксама, што яно ня здольнае кваліфікавана ваяваць, сьведчаць, што значныя баявыя дзеяньні зьдзяйсьняюцца ня толькі пад камандаваньнем, але й з непасрэдным удзелам прафэсійнага вайсковага пэрсаналу з Расеі. Пра гэта сьведчаць і баявыя камандыры ЗСУ, якія заўважаюць выразныя адрозненні між вайсковамі манэўрамі й тактычнай падрыхтоўкай крымінальнікаў або мясцовых калябарантаў, і манэўрамі прафэсійных вайскоўцаў ЗС Расейскай Фэдэрацыі.
Матар’ял да публікацыі падрыхтавалі Раман Бурко, Арцём В. і Маx А.
Пераклаў на беларускую мову Дзяніс Івашын.
(CC BY 4.0) Інфармацыя падрыхтаваная адмыслова для сайту InformNapalm.org, падчас поўнага або частковага перадруку й выкарыстаньня матар’ялу наўпроставая спасылка на аўтара і наш праэкт абавязковая.
Заклікаем чытачоў актыўна пашыраць нашыя публікацыі ў сацыяльных сетках, на форумах і СМІ. Наданьне матар’ялам расьледаваньняў шырокае агалоскі здатнае зьмяніць хаду інфармацыйнага і баявога супрацьстаяньня з Крамлём.
Прочитайте нову книгу "Донбас у вогні". Це керівництво буде корисно для журналістів, дослідників, військових експертів, дипломатів та всіх, хто збирає інформацію про війну на Донбасі.
Падчас вышкалаў «Захад-2017» расейскі Ка-52 выпусьціў тры ракеты і пашкодзіў машыну кіраваньня комплексу «Леер-3»
Дзяніс Івашын: Беларусь – гэта лайт-вэрсія ДНР. Гарачы камэнтар тэлеканалу Белсат
Кантракт у баявікі “наваросіі” аформлены ў Валгаградзкім ваенкамаце
Усход – справа тонкая: 29 вайскоўцаў з 291-й артбрыгады ЗС РФ у Сірыі
22-я брыгада СпН ГРУ РФ. Два мэдалі за Данбас і адпачынак у Нікарагуа